Հայաստանի իշխանությունները հավաստիացրել են իրանական կողմին, որ այլ երկրների, այդ թվում՝ եվրոպական երկրների հետ համագործակցության զարգացումը վնաս չի հասցնում Երևանի և Թեհրանի հարաբերություններին: Այս մասին հայտարարել է Իսլամական Հանրապետության դեսպան Մեհդի Սոբհանին Հայաստանի Հանրային հեռուստատեսությանը տված հարցազրույցում։

Այս կերպ նա պատասխանել է այն հարցին, թե ինչպես է ԻԻՀ-ն ընկալում Երևանի կողմից իր արտաքին քաղաքականությունը դիվերսիֆիկացնելու փորձերը:

Դիվանագետի խոսքով՝ Թեհրանում վստահում են հայ բարեկամներին։ Նա կարծում է, որ Հայաստանի կառավարությունը բավական նրբորեն է վերաբերվում Իրանի հետ համագործակցությանը։

Թեհրանը շահագրգռված է նաև տարածաշրջանում խաղաղության և կայունության ամրապնդմանբ, հարևանների հետ Երևանի խաղաղ գոյակցությամբ: