Մենք քննարկում ենք Վրաստանի հարցը, մենք լուրջ հետընթաց ենք տեսնում Վրաստանում և քննարկում ենք, թե ինչ կարող ենք անել։ Բոլոր տարբերակները սեղանին են, այդ թվում՝ առանց վիզայի ռեժիմի կասեցումը և այլ տարրեր, որոնք կստիպեն Վրաստանի կառավարությանը փոխել իր հաշվարկները։ Այս մասին հայտարարել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալասը։

«Այսօր մենք նամակ կուղարկենք Վրաստան՝ վիզայի ազատ ռեժիմի վերաբերյալ, նրանք պետք է կատարեն որոշակի պայմաններ, և եթե այդ պայմանները չեն բավարարվում որոշակի ժամանակահատվածում, ապա մենք ստիպված կլինենք կասեցնել վիզայի ազատ ռեժիմը»,- ասել է Կալասը: