ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Իսրայելը ինքը կորոշի, թե որ օտար ուժերի ներկայությունն է Գազայում անընդունելի. Նեթանյահու
Հոկտեմբերի 26, 2025Իսրայելի վարչապետ Բենիամին Նեթանյահուն կիրակի օրը հայտարարել է, որ Իսրայելը՝ որպես ինքնիշխան պետություն, ինքն է որոշում իր անվտանգության քաղաքականությունը և այն, թե որ օտարերկրյա ուժերի հետ է համագործակցում, հաղորդում է Reuters-ը։
«Մենք վերահսկում ենք մեր սեփական անվտանգությունը և հստակ հասկացրել ենք միջազգային ուժերին, որ Իսրայելը ինքն է որոշում, թե որ ուժերն են մեզ համար անընդունելի — և հենց այդպես էլ գործում ենք ու շարունակելու ենք գործել»,- ասել է Նեթանյահուն նախարարների կաբինետի նիստի սկզբում։ «ԱՄՆ-ն, իհարկե, համաձայն է այդ մոտեցմանը, ինչպես վերջին օրերին հայտարարել են նրանց ամենաբարձր մակարդակի ներկայացուցիչները»։
Ավելի վաղ լրատվամիջոցները հայտնել էին, որ Իսրայելը դեմ է Թուրքիայի ուժերի տեղակայմանը Գազայի հատվածում՝ հաշվի առնելով Անկարայի աջակցությունը պաղեստինյան ՀԱՄԱՍ խմբավորմանը։
Մոսկվայի և Համայն Ռուսիո պատրիարք Կիրիլը նշել է, որ Աստծո դեմ պայքարելը անհնար է, և նա դա անողներին համարում է անհաջողակներ։
«Աստծո դեմ պայքարելը անհնար է։ Եվ Աստծո դեմ պայքարողները միշտ պարտվողներ են։ Տերը նրանց հաղթում է, գուցե ոչ անմիջապես, ոչ ակնթարթորեն, որպեսզի չստեղծի ինչ-որ խաբեության պատրանք, այլ աստիճանաբար, որպեսզի անտեսանելի լինի։ Աստծո ձեռքը գործում է։ Բայց այն գործում է այնպես, որ բոլորը, ուսումնասիրելով պատմությունը և ուշադիր դիտարկելով մեր շրջապատի կյանքը, կարող են ասել. «Տե՛ր, Դու Աստված ես»», – ասել է պատրիարք Կիրիլը Սուրբ Պատարագից հետո իր քարոզի ժամանակ։
«Սա մեր հավատքի վկայությունն է։ Այն պետք է ուղեկցվի մեր կյանքի փոփոխություններով, քանի որ եթե մենք վկայում ենք ուղղափառության, դրա գեղեցկության, դրա նշանակության, նրա պատմական նշանակության մասին հոգևոր և մշակութային առումով, բայց ինքներս չենք վկայում Եկեղեցու առաջարկածը, ապա, իհարկե, մեր խոսքը թույլ կլինի։ Այս խոսքերն առաջին հերթին ուղղում եմ հոգևորականներին։ Յուրաքանչյուր ուղղափառ մարդ պետք է իր կյանքով, խոսքով և գործով վկայի Աստծո ճշմարտության, Աստծո զորության մասին մարդկային թուլության մեջ», – նշել է նա։
Ֆրանսիայում ձերբակալել են երկու տղամարդու՝ Փարիզի աշխարհահռչակ Լուվրի թանգարանից վերջերս կատարված թանկարժեք զարդերի գողության գործով։ Այս մասին գրում է ֆրանսիական Le Parisien լրատվամիջոցը։
Հիշեցնենք՝ հոկտեմբերի 19-ին թալանել են Փարիզի Լուվրի թանգարանը, հանցագործները գողացել են Նապոլեոնի ժամանակաշրջանի մի քանի ոսկյա իրեր՝ վզնոց, կրծքազարդ, գլխազարդ։
«Կասկածյալներից մեկը ձերբակալվել է հոկտեմբերի 25–ին՝ տեղական ժամանակով ժամը 22:00-ին, երբ Փարիզի Շառլ դը Գոլ օդանավակայանում պատրաստվում էր նստել արտասահման մեկնող ինքնաթիռ։ Երկրորդ կասկածյալը ձերբակալվել է դրանից քիչ անց՝ Փարիզի տարածաշրջանում»,–գրում է լրատվամիջոցը։
ՌԴ նախագահ Վլադիմիր Պուտինը հայտարարել է, որ միջուկային էներգետիկ կայանքով «Буревестник» թևավոր հրթիռն աշխարհում նմանը չունի, հաղորդում է ТАСС-ը։
Նման կարծիք նա հայտնել է միավորված զորախմբի հրամանատարական կետ այցելության ժամանակ։
«Ես ունեմ արդյունաբերության ոլորտի զեկույցը, ընդհանուր առմամբ հայտնի են Պաշտպանության նախարարության գնահատականները։ Սա, այնուամենայնիվ, եզակի արտադրանք է, որն աշխարհում ոչ ոք չունի», – ասել է Պուտինը։
«Ես շատ լավ հիշում եմ, երբ մենք հայտարարեցինք, որ նման զենք է մշակվում, նույնիսկ շատ բարձր մակարդակի և կարգի մասնագետներ ասում էին ինձ, որ այո, դա լավ, արժանի նպատակ է, բայց մոտակա պատմական հեռանկարում անիրագործելի։ Դա էր մասնագետների կարծիքը, կրկնում եմ՝ բարձր կարգի», – հավելել է նա։
ՌԴ նախագահ Վլադիմիր Պուտինը հայտարարել է, որ միջուկային էներգետիկ կայանքով «Буревестник» թևավոր հրթիռն աշխարհում նմանը չունի, հաղորդում է ТАСС-ը։
Նման կարծիք նա հայտնել է միավորված զորախմբի հրամանատարական կետ այցելության ժամանակ։
«Ես ունեմ արդյունաբերության ոլորտի զեկույցը, ընդհանուր առմամբ հայտնի են Պաշտպանության նախարարության գնահատականները։ Սա, այնուամենայնիվ, եզակի արտադրանք է, որն աշխարհում ոչ ոք չունի», – ասել է Պուտինը։
«Ես շատ լավ հիշում եմ, երբ մենք հայտարարեցինք, որ նման զենք է մշակվում, նույնիսկ շատ բարձր մակարդակի և կարգի մասնագետներ ասում էին ինձ, որ այո, դա լավ, արժանի նպատակ է, բայց մոտակա պատմական հեռանկարում անիրագործելի։ Դա էր մասնագետների կարծիքը, կրկնում եմ՝ բարձր կարգի», – հավելել է նա։
Ռուսական 102-րդ ռազմաբազան Գյումրիից դուրս բերելու հարց կարող է բարձրացնել ՀՀ իշխանությունը Թուրքիայի և Ադրբեջանի հետ համաձայնագրի կնքման ֆոնին․ Արեշև
Հոկտեմբերի 26, 2025Ռուսական 102-րդ ռազմաբազան Գյումրիից դուրս բերելու հարց կարող է բարձրացնել ՀՀ իշխանությունը Թուրքիայի և Ադրբեջանի հետ համաձայնագրի կնքման ֆոնին։ Այս մասին ArmeniaSputnik-ին տված հարցազրույցում ասել է ենտրոնական Ասիայի և Կովկասի հարցերով փորձագետ Անդրեյ Արեշևը։
Նրա խոսքով, դրա համար հիմք կարող է դառնալ «ռուսական ռազմաբազայի ֆունկցիոնալության սպառումը»։ Նա ակնհայտ է համարում, որ արդեն սկսված բուռն քաղաքական իրադարձությունների նախաշեմին իշխանությունները ձգտում են «մաքրել» բոլոր այլախոհներին:
Պուտինն ասաց, որ բոլորը փորձում էին Հայաստանի ու Ադրբեջանի միջև խաղաղության հասնել, բայց դա միայն ինձ հաջողվեց․ Թրամփ
Հոկտեմբերի 26, 2025Ամերիկայի Միացյալ Նահանգների նախագահ Դոնալդ Թրամփը պատմել է Հայաստանի և Ադրբեջանի միջև խաղաղության վերաբերյալ իր ու Ռուսաստանի նախագահ Վլադիմիր Պուտինի զրույցի մասին։
«Արմենպրես»-ի փոխանցմամբ՝ անդրադառնալով ՌԴ նախագահ Վլադիմիր Պուտինի հետ հնարավոր նոր հանդիպման մասին լրագրողի հարցին՝ Դոնալդ Թրամփն ասել է, որ չի պատրաստվում վատնել իր ժամանակը։
ԱՄՆ նախագահն ընդգծել է, որ միշտ հիանալի հարաբերություններ է ունեցել Վլադիմիր Պուտինի հետ, սակայն հիասթափված է, քանի որ կարծում էր, որ Ուկրաինայում խաղաղության հասնելը շատ ավելի վաղ էր լինելու, քան խաղաղությունը Մերձավոր Արևելքում։ Այս համատեքստում Թրամփը հիշել է նաև Հայաստանի և Ադրբեջանի միջև համաձայնությունների մասին, որոնք ձեռք են բերվել Վաշինգտոնում իր միջնորդությամբ և ներկայացրել է, թե ինչ է դրա մասին իրեն ասել ՌԴ նախագահը։
«Մենք ունենք Հայաստան և Ադրբեջան։ Դա շատ բարդ էր։ Փաստացի Պուտինը իմ հետ հեռախոսազրույցի ժամանակ ինձ ասաց, որ որ «դա հրաշալի է, քանի որ բոլորը փորձում էին դրան հասնել, բայց չկարողացան, իսկ դու կարողացար»։ Ինձ դա հաջողվեց»,- մանրամասնել է ԱՄՆ նախագահը։
Դոնալդ Թրամփը հիշեցրել է նաև իր միջնորդությամբ այլ հակամարտությունների դադարեցման մասին՝ շեշտելով, որ բոլոր այդ դեպքերում ինքը մտածել է, որ դրանք ավելի բարդ է ավարտելը, քան հակամարտությունը Ռուսաստանի և Ուկրաինայի միջև։ «Բայց ամեն ինչ այլ կերպ դասավորվեց։ Նրանքց մեջ կուտակված շատ ատելություն կա։ Պուտինի և Զելենսկիի միջև շատ մեծ ատելություն կա միմյանց նկատմամբ»,- ասել է Թրամփը։
Հայաստանն ու Ադրբեջանը օգոստոսի 8-ին Վաշինգտոնում ԱՄՆ նախագահ Դոնալդ Թրամփի միջնորդությամբ հռչակագիր ստորագրեցին, որի տակ որպես վկա ստորագրեց նաև ԱՄՆ նախագահը։ Վաշինգտոնի գագաթնաժողովի ժամանակ Հայաստանի և Ադրբեջանի ԱԳ նախարարները նախաստորագրեցին երկու երկրների միջև խաղաղության համաձայնագիրը, ինչպես նաև ԵԱՀԿ-ին ուղղված համատեղ նամակը՝ Մինսկի խումբը լուծարելու մասին։ Դրանից հետո թե Հայաստանի վարչապետ Նիկոլ Փաշինյանը, թե Ադրբեջանի նախագահ Իլհամ Ալիևը հայտարարել են, որ Հայաստանի և Ադրբեջանի միջև խաղաղություն է հաստատվել։
Հանրապետության տարածքում հոկտեմբերի 26-ի և 29-ի ցերեկն առանձին շրջաններում սպասվում է կարճատև անձրև։ Հոկտեմբերի 27-28-ը և 30-ին սպասվում է առանց տեղումների եղանակ: Քամին արևմտյան՝ 2-5մ/վ: Օդի ջերմաստիճանն էապես չի փոխվի։
Այս մասին հայտնում են ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։ Երևան քաղաքում հոկտեմբերի 27-28-ը և 30-ին սպասվում է առանց տեղումների եղանակ։
Հոկտեմբերի 26-ի և 29-ի ցերեկը սպասվում է կարճատև անձրև։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384 դրամ:
Եվրոյի առքի առավելագույն արժեքն է 443.5 դրամ, վաճառքի նվազագույն արժեքը՝ 447 դրամ:
Ռուսական ռուբլու առքի առավելագույն արժեքն է 4.71 դրամ, վաճառքի նվազագույն արժեքը՝ 4.76 դրամ:
Ֆոտո
