ԱՄՆ փոխնախագահ Ջեյ Դի Վենսը հայտարարել է, որ Ուկրաինան չի կարողանա հաղթել Ռուսաստանի դեմ պատերազմում, եթե մարտերը շարունակվեն առաջիկա տարիներին։

Նա այս մասին ասել է Չարլի Քըրքի հետ իր փոդքասթում տված հարցազրույցում՝ քննարկելով նաև ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու միջև վերջերս կայացած հանդիպումը։

Վենսը շեշտել է, որ Կիևի՝ ևս մի քանի տարի դիմանալու, ապա իր տարածքները վերադարձնելու հնարավորության մասին կարծիքը տարածվում է «հիմնական լրատվամիջոցների» կողմից։

«Սակայն սա այն իրականությունը չէ, որում մենք ապրում ենք», – նշել է ԱՄՆ փոխնախագահը։ 

Վենսը նաև ենթադրել է, որ երկարատև պատերազմի դեպքում Ռուսաստանի Դաշնության կողմից միջուկային էսկալացիայի սցենարը լիովին հնարավոր է։

«Սա պետք է դադարեցվի։ Նախագահական վարչակազմն անում է հնարավոր ամեն ինչ խաղաղության հասնելու համար, և ես անձամբ, նախագահի հանձնարարությամբ, ակտիվորեն աշխատում եմ դրա վրա», – հավելել է նա։

Թուրքիայում 25 ռուս զբոսաշրջիկի տեղափոխող ավտոբուս է կողաշրջվել, տուժել է 18 ուղևոր և վարորդը, հայտնում է News.ru-ն:

Ենթադրվում է, որ վարորդն ընթացքի ժամանակ կորցրել է մեքենայի կառավարումը, դուրս եկել ճանապարհին, բախվել ջերմոցին ու կողաշրջվել:

Զբոսաշրջիկներն Անթալիայի օդանավակայանից ուղևորվում էին Սիդ քաղաքի հյուրանոցներ։

Երևանի ընդհանուր իրավասության քրեական դատարանի դատավոր Արտուշ Գաբրիելյանը բերման է ենթարկվել:

Երևան քաղաքի ընդհանուր իրավասության քրեական դատարանի Շենգավիթի նստավայրում Հակակոռուպցիոն կոմիտեն քննչական գործողություններ է իրականացրել, Կոմիտեում քննվող վարույթի շրջանակում: Այս մասին Tert.am-ին ասաց Հակակոռուպցիոն կոմիտեի նախագահի մամուլի քարտուղար Մարինա Օհանջանյանը:

Իրանի Իսլամական Հանրապետության նախագահ Մասուդ Փեզեշքիանը կիսվել է Ադրբեջան կատարած այցից ստացած տպավորություններով և շնորհակալություն հայտնել Իլհամ Ալիևին։

«Երեկ Բաքվում մենք պայմանավորվածություններ ձեռք բերեցինք և փաստաթղթեր ստորագրեցինք իմ սիրելի եղբոր՝ Ադրբեջանի Հանրապետության նախագահ Իլհամ Ալիևի հետ։ Այս ուղևորությունը վստահության ամրապնդման և գիտական, տնտեսական, մշակութային և պաշտպանական համապարփակ համագործակցության նոր հորիզոններ բացելու նախերգանք է»,- գրել է Փեզեշքիանը X սոցցանցում։

Ի պատասխան Մայր Աթոռ Սուրբ Էջմիածնի Տեղեկատվական համակարգին ուղղված հարցումների, Մայր Աթոռի տեղեկատվական համակարգը ներկայացրել է հետևյալ պարզաբանումը.

«Տալլինի Սուրբ Գրիգոր Լուսավորիչ եկեղեցում ՀՀ վարչապետի այցի առիթով Բալթյան երկրների հայոց թեմի առաջնորդ Տ․ Վազգեն արքեպիսկոպոս Միրզախանյանի ողջույնի խոսքում տեղ գտած արտահայտություններն առաջ են բերել տարընկալումներ մեր հասարակության տարբեր հատվածների մոտ, ցավոք, նաև պատճառ դարձել քաղաքական շահարկումների, հոգևորականի և Եկեղեցու հասցեին վիրավորական որակումների։ 

Թեմակալ առաջնորդի կողմից արտահայտված որոշ մտքեր և դատողություններ խիստ սուբյեկտիվ են, անհատական և վերագրելի չեն Եկեղեցուն։

Որևէ հարցի առնչությամբ գնահատականներ հնչեցնելիս, հատկապես երբ Եկեղեցու պաշտոնական դիրքորոշում առկա չէ, եկեղեցականները որոշապես պետք է շրջահայացություն և զգուշավորություն դրսևորեն թյուր մեկնաբանությունների տեղիք չտալու համար»:

Միջուկային խոշորագույն տերությունները՝ Ռուսաստանն ու ԱՄՆ-ն, դատապարտված են համագործակցելու՝ աշխարհում կայունությունը պահպանելու համար, հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը։ Այս մասին գրում է ՏԱՍՍ-ը:

«Երկու խոշոր միջուկային երկրները, ինչպիսիք են Ռուսաստանի Դաշնությունը և ԱՄՆ-ը, դատապարտված են համագործակցության, հակառակ դեպքում աշխարհը իրեն միանգամյան անկայուն կզգա»,- ասել է քաղաքական գործիչը։

Մեդվեդևը նշել է, որ Եվրամիությունը դժվար թե մոտ ապագայում կարողանա ինքնուրույն գոյություն ունենալ միջազգային ասպարեզում։

«Հենց այդ պատճառով էլ մեր երկիրն այժմ շփվում է Միացյալ Նահանգների և մեր մյուս հիմնական գործընկերների հետ։ Թեև սա շատ բարդ փոխազդեցություն է, ես դա գիտեմ անմիջականորեն, բայց պետք է շփվել նրանց հետ, այլ ոչ թե վախեցած արբանյակների հետ, որոնք գլոբալ մասշտաբով ոչինչ չեն որոշում, բայց ամեն տեսակ զզվելի բաներ են անում»,- նկատել է ՌԴ ԱԽ փոխնախագահը։

Նա պարզաբանել է, որ Ռուսաստանն ու ԱՄՆ-ն ներկայումս աշխատում են երկկողմ երկխոսությունը պրագմատիկ մակարդակի հասցնելու ուղղությամբ՝ հաշվի առնելով իրական հանգամանքները, շահերն ու հնարավորությունները։

ՀՅԴ Բյուրոյի Հայ դատի կենտրոնական գրասենյակը Բաքվում պահվող 23 հայ գերիների (ներառյալ՝ Արցախի ռազմաքաղաքական ղեկավարները) ազատ արձակմանն աջակցելու համար դիմել է Եվրոպայի անվտանգության և համագործակցության կազմակերպության (ԵԱՀԿ) պատասխանատուներին՝ առաջարկելով, որ գործարկեն ԵԱՀԿ-ի տրամադրության տակ գտնվող գործիքակազմերը՝ ԵԱՀԿ շրջանակում Ադրբեջանի հանձնառությունների համատեքստում գնահատելու օրենսդրական և վարչական ընթացակարգերը, փաստերը արձանագրելու, ինչպես նաև համապատասխան առաջարկներ և խորհրդատվուություւններ կատարելու համար։ Այս մասին հայտնում են  ՀՅԴ Բյուրոյի Հայ դատի կենտրոնական գրասենյակից: 

«ԵԱՀԿ-ի բարձրաստիճան պաշտոնյաներին փոխանցված են նաև մի շարք տեղեկություններ Ադրբեջանում դատական համակարգի թերությունների, ինչպես նաև ի աջակցություն հայ գերիների՝ տարբեր պետությունների և միջազգային կազմակերպությունների դիրքորոշումների մասին։

Միաժամանակ, շարունակում է գործել ՀՅԴ Բյուրոյի Հայ դատի կենտրոնական գրասենյակի կողմից ստեղծված հարթակը՝ https://armeniancause.net/ հասցեով, որտեղ հնարավոր է ստորագրել առցանց խնդրագիր՝ ուղղված ԵԱՀԿ համապատասխան պաշտոնյաներին։

Յուրաքանչյուր օրը ճակատագրական է մեր գերիների բարօրրության ու կյանքի համար։ Միջազգային հանրությունը պետք է ճնշում գործադրի Ադրբեջանի և նախագհահ Իլհամ Ալիևի վրա, որպեսզի դադարեցվեն մարդու իրավունքների կոպիտ խախտումներն ու ազատ արձակվեն ապօրինի կերպով ձերբակալված բոլոր հայ գերիները։

Ստորագրությունների թիվը ներկայումս հասել է վեց հազարի, սակայն, անհրաժեշտ է մեծացնել այն։ Ուստի, ՀՅԴ Հայ դատի կենտրոնական գրասենյակը, նրանց, ովքեր դեռևս չեն միացել հիշյալ պահանջին, խնդրում է ստորագրել խնդրագիրը և օժանդակել Բաքվում ապօրինի պահվող հայ գերիների ազատ արձակման աշխատանքներին»:

F/A-18 Hornet կործանիչը Կարմիր ծովում ընկել է ամերիկյան միջուկային USS Harry Truman ավիակրի տախտակամածից։ Ինքնաթիռը խորտակվել է, մեկ նավաստի վիրավորվել է, ըստ Թերթի՝ հաղորդում է ԱՄՆ ռազմածովային ուժերի մամուլի ծառայությունը։

Միջադեպը տեղի է ունեցել երեկ՝ ապրիլի 28-ին։ Ըստ մամուլի ծառայության՝ F/A-18E-ը քարշակում էին անգարում, երբ անձնակազմը կորցրել է ինքնաթիռի կառավարումը։ Դրա հետևանքով կործանիչն ու տրակտորը ծովն են ընկել։ Տուժած նավաստին թեթև վնասվածքներ է ստացել։ Միջադեպի առնչությամբ հետաքննություն է ընթանում, հավելել են ռազմածովային ուժերը։

CNN-ի տվյալներով՝ մեկ F/A-18 կործանիչն արժե ավելի քան 60 միլիոն դոլար։

Նախնական արդյունքների համաձայն՝ Լիբերալ կուսակցությունը հաղթել է Կանադայի խորհրդարանական ընտրություններում, որոնք անցկացվել են երկուշաբթի օրը: Կուսակցության ղեկավար, Կանադայի ներկայիս վարչապետ Մարկ Քարնին կգլխավորի երկրի հաջորդ կառավարությունը: Այս մասին փոխանցում է Ազատություն ռադիոկայանը։

Նշվում է, որ ընտրությունները չափազանց անսովոր էին, քանի որ տնտեսական իրավիճակի հետ մեկտեղ գլխավոր խնդիրը Միացյալ Նահանգների հետ հարաբերություններն էին։

Դոնալդ Թրամփի հայտարարություններն այն մասին, որ Կանադան պետք է դառնա ԱՄՆ 51-րդ նահանգը, նրա կողմից կանադական ներմուծման մաքսատուրքերի սահմանումը, ինչը կարող է Կանադայում ռեցեսիայի պատճառ դառնալ, ազդել են շատ ընտրողների տրամադրությունների վրա:

60-ամյա տնտեսագետ Մարկ Քարնին, ով նախկինում ղեկավարել է Կանադայի և Մեծ Բրիտանիայի կենտրոնական բանկերը, իրեն դիրքավորել է որպես հակաթրամփիստ ՝ իր նախընտրական արշավում կենտրոնանալով Միացյալ Նահանգների հետ հարաբերությունների վրա:

ՌԴ նախագահի օգնական, Ռազմածովային կոլեգիայի նախագահ Նիկոլայ ըստ Թերթի՝ Պատրուշևը ՏԱՍՍ-ին տված հարցազրույցում հայտարարել է, որ ՆԱՏՕ-ն զորավարժություններ է անցկացնում Ռուսաստանի սահմանների մոտ, որոնցում գործում է Կալինինգրադի շրջանի գրավման սցենարը։

«Արդեն երկրորդ տարին անընդմեջ ՆԱՏՕ-ն մեր սահմանների մոտ անցկացնում է վերջին տասնամյակների ամենամեծ զորավարժությունները, որոնց շրջանակում հարձակողական գործողությունների սցենարներ է կիրառում շատ մեծ տարածքում՝ Վիլնյուսից մինչև Օդեսա», - ասել է Պատրուշևը:

Մասնավորապես, նրա խոսքով՝ դաշինքը կիրառում է Կալինինգրադի շրջանի գրավման և Բալթիկ և Սև ծովերի նավագնացության արգելափակման սցենարներ, ինչպես նաև կանխարգելիչ հարվածներ է հասցնում ռուսական միջուկային զսպման ուժերի մշտական ​​բազաներին։

Անցյալ տարվա հունվարից մարտ ամիսներին Եվրոպայում ՆԱՏՕ-ի երկրների տարածքում անցկացվեցին Steadfast Defender զորավարժությունները, որտեղ դաշինքը կիրառում էր «արևելյան թևում ռուսական հնարավոր ներխուժմանն արձագանքելը»: Կրեմլը դաշինքի լայնածավալ զորավարժությունները որակել է սպառնալիք Ռուսաստանի համար։