ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Փրկված արջի քոթոթի համար ստեղծվել է հատուկ վերականգնողական ծրագիր՝ վայրի բնություն վերադարձի նպատակով Վայրի կենդանիների փրկարար կենտրոնն (WRC) իր խնամքի տակ է վերցրել Վայոց ձորի մարզում փրկված 2-3 ամսական արու արջի քոթոթի։
Ինչպես տեղեկանում ենք կենտրոնի տարածած հաղորդագրությունից, կենդանին տեղափոխվել է Բնապահպանության և ընդերքի տեսչական մարմնի (ԲԸՏՄ) միջնորդությամբ՝ մասնագիտական խնամք և վերականգնում ապահովելու նպատակով։
Ներկայումս մասնագետների թիմը մշակում է հատուկ վերականգնողական ծրագիր, որի հիմնական նպատակն է փոքրիկ արջին նախապատրաստել վայրի բնություն վերադառնալուն։ Արջի քոթոթի վիճակը գտնվում է մասնագետների մշտական հսկողության տակ, և նրա համար ստեղծվել են անհրաժեշտ բոլոր պայմանները՝ հետագա առողջ զարգացման համար։
Վայրի կենդանիների փրկարար կենտրոնից հանրությանը հիշեցնում են՝ եթե բնության մեջ հանդիպեք վայրի կենդանու ձագի, հետևեք այս կարևոր ցուցումներին.
Մի՛ մոտեցեք և մի՛ խանգարեք կենդանուն։ Մայրը հաճախ կարող է գտնվել տարածքում և ժամանակավորապես հեռացած լինել սնունդ որոնելու նպատակով
Պահպանե՛ք ապահով հեռավորություն և հետևե՛ք կենդանուն հեռվից
Միջամտեք միայն ծայրահեղ դեպքերում։ Եթե համոզված եք, որ կենդանին վնասված է կամ երկար ժամանակ (սովորաբար 24 ժամից ավելի) մնացել է առանց մոր, դիմե՛ք մասնագետների օգնությանը։
Անհապաղ կապ հաստատե՛ք ԲԸՏՄ-ի կամ FPWC Փրկարար կենտրոնի հետ թեժ գծով՝ 08000411։
Թուրքիայի զբոսաշրջային Անթալիա քաղաքում բացվել է երկրի երկրորդ ամենամեծ օդանավակայանը։ Նշվում է, որ այն համարվում է երկրորդը Ստամբուլի օդանավակայանից հետո։ Այս մասին տեղեկացնում է ermenihaber.am-ը։
Իրականացվել են վերանորոգման աշխատանքներ, ինչի արդյունքում տարածքի մակերեսը 90.143 քառակուսի մետրից ընդլայնվել է մինչև 224.000 քառակուսի մետրի։
Մասնավորապես 1.4 մլն քմ տարածքով ավելացվել է ինքնաթիռների կայանատեղիների վայրը՝ դրանց թիվը հասցնելով 202-ի։ Նշվում է, որ Անթալիայի օդանավակայանը կարող է տարեկան սպասարկել շուրջ 82 մլն մարդու։
Օդանավակայանի բացման արարողությանը ներկա է գտնվել նաև Թուրքիայի նախագահ Ռեջեփ Թայիփ Էրդողանը։
Նիկոլ Փաշինյանի որոշումների համաձայն՝ Բարսեղ Նիկողոսյանը նշանակվել է Արմավիրի, իսկ Արմեն Գրիգորյանը՝ Արագածոտնի մարզպետի տեղակալ:
Ոոշումները կայացվել են ապրիլի 29-ին։
Դրանք հրապարակված են ՀՀ էլեկտրոնային կառավարման կայքում։
Այսօր խոշոր ավտովթար է տեղի ունեցել Սյունիքի մարզում։ ՆԳՆ փրկարար ծառայությունը հայտնում է, որ ավտովթարի մասին ահազանգը ճգնաժամային կառավարման կենտրոնում ստացվել է 16:00-ի սահմաններում։
Պարզվել է, որ Գորիս-Հարթաշեն ավտոճանապարհին բախվել են «Lexus», «VAZ» և «Renault» մակնիշների ավտոմեքենաները։
Իսրայելի վարչապետ Բենիամին Նեթանյահուի կնոջ՝ Սառա Նեթանյահուի՝ պատանդների մասին դիտողությունը վրդովմունքի ալիք է առաջացրել հասարակության շրջանում: Այս մասին հայտնում են տեղական լրատվամիջոցները։
Ջահերի վառման արարողության մասնակիցների հետ հանդիպման ժամանակ Իսրայելի վարչապետը հայտարարել է. «Մենք Գազայում ունենք մինչև 24 կենդանի պատանդ»:
Նրան ուղղել է կինը՝ ասելով՝ ավելի քիչ։
Այս ակնարկը վրդովմունքի ալիք է առաջացրել իսրայելական հասարակության մեջ: Պատանդների վերադարձով զբաղվող շտաբը վարչապետից պահանջել է պարզաբանել իր խոսքն ու կնոջ դիտողությունը:
«Եթե մեր հարազատների վիճակի մասին կան հետախուզական տվյալներ կամ նոր տեղեկություններ, մենք պնդում ենք, որ պետք է լիարժեք ծանոթանանք դրանց ետ», - հայտարարել են շտաբից:
Ջահերի վառման արարողությունը տեղի կունենա ապրիլի 30-ին՝ Իսրայելի անկախության 77-րդ տարեդարձի կապակցությամբ:
Լեռնային Ղարաբաղում հայերի իրավունքները խախտելու համար Ադրբեջանն այդպես էլ չի պատժվել, ասված է Amnesty International միջազգային իրավապաշտպան կազմակերպության զեկույցում։
«Վիճելի Լեռնային Ղարաբաղի շուրջ հակամարտության ընթացքում կատարված խախտումների համար անպատժելիությունն առաջվա պես շարունակվում է։ Հունվարի 24-ին, կասեցնելով Ադրբեջանի լիազորությունները, ԵԽԽՎ-ն վերահաստատեց իր մտահոգությունը Ադրբեջանի կողմից Լաչինի միջանցքով Հայաստանից Լեռնային Ղարաբաղ մուտքի սահմանափակման լուրջ մարդասիրական և մարդու իրավունքների հետևանքները չճանաչելու վերաբերյալ։
ԵԽԽՎ-ն միաժամանակ դատապարտել էր Ադրբեջանի կողմից 2023 թվականի սեպտեմբերին իրականացված ռազմական գործողությունը, որի արդյունքում Լեռնային Ղարաբաղի ավելի քան 100 հազար մարդուց կազմված ամբողջ էթնիկ հայ բնակչությունը տեղահանվեց Հայաստան։ Նրանց անվտանգ և արժանապատիվ վերադարձի իրավունքը անտեսվել է»,-ասված է իրավապաշտպան կազմակերպության զեկույցում։
Հնդկաստանի Ջամու և Քաշմիրի նահանգի՝ Պակիստանի հետ սահմանային տարածքի վերահսկողության գոտում կրակոցներ են տեղի ունեցել։ Այս մասին հայտնել է PTI լրատվական գործակալությունը՝ վկայակոչելով Հնդկաստանի բանակի հայտարարությունը։
«Ապրիլի 28-ի լույս 29-ի գիշերը Պակիստանի բանակը հրազենով չհրահրված կրակ է արձակել վերահսկողության գծի երկայնքով՝ Քուպվարայի և Բարամուլայի շրջանների դիմաց ընկած տարածքներում», – նշված է հաղորդագրության մեջ։
Նշվում է, որ Հնդկաստանի զինվորականներն արձագանքել են «արագ և արդյունավետ»։
Հնդկաստանի և Պակիստանի սահմանին հրադադարի ռեժիմը խախտվել է հինգերորդ գիշերն անընդմեջ՝ Ջամու և Քաշմիրում 26 մարդու կյանք խլած ահաբեկչությունից հետո Նյու Դելիի և Իսլամաբադի միջև հարաբերությունների սրման ֆոնին։
PTI գործակալությունը նաև հաղորդում է, որ Քաշմիրի հովտում 87 հանրային զբոսայգիներից 48-ը փակվել է՝ որպես նախազգուշական միջոցառում Պահալգամի ահաբեկչական հարձակումից հետո։
Ապրիլի 22-ին զինված անձինք ահաբեկչական հարձակում են իրականացրել Ջամու և Քաշմիրի Պահալգամ զբոսաշրջային հայտնի քաղաքում։ Զոհվել են Հնդկաստանի 25 քաղաքացի և մեկ նեպալցի, շատերը վիրավորվել են։ Հարձակվողներին հաջողվել է փախչել։ Ըստ The Hindustan Times-ի աղբյուրների՝ Հնդկաստանի հետախուզական ծառայությունները հայտնաբերել են Պահալգամում «Լաշքար է Թայբա» խմբավորման ահաբեկիչների հարձակմանը Պակիստանի միջգերատեսչական հետախուզության մասնակցության ապացույցներ։
Ահաբեկչական հարձակումից հետո Հնդկաստանը գրեթե կիսով չափ կրճատել է Իսլամաբադում իր դեսպանության աշխատակիցների թվաքանակը, անցանկալի անձինք է հայտարարել Պակիստանի դիվանագիտական ներկայացուցչության զինվորական խորհրդականներին, փակել է սահմանային «Աթթարի» առանցքային անցակետը։ Հնդկաստանի իշխանությունները նաև դադարեցրել են Իսլամաբադի հետ ջրային պաշարների բաշխման և Պակիստանի քաղաքացիներին վիզաների տրամադրման համաձայնագրերը։
Պակիստանն իր հերթին դադարեցրել է Հնդկաստանի հետ բոլոր երկկողմ համաձայնագրերը, փակել իր օդային տարածքը Հնդկաստանի համար:
Հնդկաստանը քննարկում է պակիստանյան ավիափոխադրողների համար իր օդային տարածքը փակելու և պակիստանյան նավերին Հնդկաստանի նավահանգիստներ մուտքն արգելելու հնարավորությունը։
Այդ մասին հաղորդում է The Economic Times թերթը՝ վկայակոչելով կառավարության աղբյուրների։
Ինչպես նշում է հրատարակությունը, այդ դեպքում Պակիստանն ստիպված կլինի ինքնաթիռներն ուղարկել Չինաստանի կամ Շրի Լանկայի տարածքով՝ Հարավարևելյան Ասիայի պետություններ հասնելու համար։
Արդարադատության նախարարությունից տեղեկացնում են՝ մեկնարկել է հանրային իրազեկման արշավ՝ ուղղված ատելության խոսքի և խտրականության դեմ պայքարին, հարգանքի և ներառականության մշակույթի խթանմանը:
Որպես նախաձեռնության մաս՝ Երևանի մետրոպոլիտենի կայարաններում և հանրային նշանակության վայրերում, ինչպես նաև ՀՀ մարզերում տեղադրվել են տեղեկատվական պաստառներ՝ խրախուսելու երկխոսությունը և հարգանքի մթնոլորտը:
«Միավորվե՛նք դիմակայելու խտրականությանը և ատելության խոսքին՝ կառուցելով հասարակություն, որտեղ բոլորը հավասար են»,- նշված է նախարարության տարածած հաղորդագրությունում։
Ֆոտո
