«Ժողովուրդ» օրաթերթը գրում է. ««Ժողովուրդ» օրաթերթին հասած տեղեկությունների համաձայն` Ռուբեն Վարդազարյանի վերսկսած գործով միջնորդություն է ներկայացվելու դատարան, որպեսզի դատարան հրավիրվեն եւ հարցաքննվեն ԲԴԽ նախկին նախագահ Գագիկ Ջհանգիրյանը, նախկին գլխավոր դատախազ Արթուր Դավթյանը։

Նախկինում դատավոր Վահե Դոլմազյանը մերժել էր նրանց հարցաքննելու միջնորդությունը՝ պատճառաբանելով, թե նրանք մեղադրանքի հետ կապ չունեն, սակայն հիմա իրավիճակ է փոխվել։ Բանն այն է, որ մինչ այդ դատարանը նպատակահարմար չգտավ հարցաքննելու նախկին դատավոր, ներկայումս ԱԱԾ փոխտնօրեն Անդրանիկ Սիմոնյանին, սակայն գործը վերսկսելու որոշումից հետո նա հրավիրվեց դատարան եւ հարցաքննվեց։

Հիշեցնենք, որ Ռուբեն Վարդազարյանը մեղադրվում է արդարադատության իրականացմանը խոչընդոտելու համար: Վարդազարյանը, ըստ մեղադրանքի, 2019 թվականի հուլիսի 19-ից զբաղեցնելով ԲԴԽ նախագահի պաշտոնը, հանդիսանալով դատական իշխանության մարմնի ղեկավար աշխատող, միջամտել է Լոռու մարզի ընդհանուր իրավասության դատարանի դատավոր Անդրանիկ Սիմոնյանի կողմից արդարադատության իրականացմանը:

ԲԴԽ նախկին նախագահը չի ընդունում առաջադրված մեղադրանքը»։

Առավել մանրամասն թերթի այսօրվա համարում

Եվ´ Ադրբեջանում, և´ արտերկրում պետք է իմանան, որ Հայաստանում մեծ թվով ուժեր չեն համակերպվում ստեղծված իրողությունների հետ։ 

Այս մասին ֆեյսբուքյան էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։

«Ադրբեջանում մեկ օր դադարից հետո նեղսրտած անդրադարձել են Մոսկվայում` ՌԴ իշխող ուժի կազմակերպած միջոցառման ժամանակ, հայկական ու ադրբեջանական պատվիրակությունների միջև տեղի ունեցած «փոխհրաձգությանը»: 

Հիշեցնեմ, որ իր ելույթում ադրբեջանցի պատվիրակն իր ժողովրդի հաղթանակների մեջ հիշատակեց 44-օրյա պատերազմը` նշելով, որ հնարավոր եղավ վերականգնել Ադրբեջանի տարածքային ամբողջականությունը:

Ինչից հետո Իվետա Տոնոյանը խոսեց Արցախի շրջափակման, Ադրբեջանի կողմից խաղաղ բնակավայրերի թիրախավորման և արցախցիների բռնի տեղահանման մասին, իսկ Էդուարդ Շարմազանովը ֆունդամենտալ ելույթով խոսեց արցախցիների ինքնորոշման իրավունքի, Ադրբեջանի կողմից միջազգային իրավունքի խախտումների, էթնիկ զտումների, Արցախի հոգևոր-մշակութային ժառանգության ոչնչացման և Ադրբեջանի Ցեղասպան քաղաքականության մասին:

Այն, որ ադրբեջանական պատվիրակությունը ֆիասկոյի ենթարկվեց, նույնիսկ նկատելի է ադրբեջանական հրապարակման համատեքստից, դեռ չեմ խոսում այն մասին, որ եթե նրանք առավելություն ունենային, ապա բոլոր լրատվամիջոցներով դրոշակ կդարձնեին:

Ադրբեջանցիները նյութում «հիշեցրել» են, որ Շարմազանովը ՀՀ-ում ռևանշիստական ուժ է ներկայացնում, որի ղեկավարը Սերժ Սարգսյանն է, նկատի ունենալով, որ ՀՀԿ-ն չի համակերպվել Արցախի ներկայիս կարգավիճակին և Արցախի էջը փակված չի համարում:

Իսկ ո՞վ է համակերպվում հայրենիքի կորստի հետ` դավաճաններն ու հողն ուրացողները, ովքեր երկիրը սակարկման առարկա են դարձնում:

Հայաստանի իշխանությունների զիջողականության չավարտվող շղթան անընդհատ մեծացնում է մեր երկրի խոցելիությունը, նոր ճակատ բացելով Հայաստանի դեմ:

Այո´, և´ Ադրբեջանում, և´, առհասարակ, արտերկրում, պետք է իմանան, որ Հայաստանում մեծ թվով ուժեր, խմբեր, հասարակության հսկայական հատված չի համակերպվում ստեղծված իրողությունների և ՀՀ իշխանության կռացած, ճողված և հպատակված քաղաքականության հետ»,-գրել է նա։

Նոր Citroën C5 Aircross-ը ներկայացվել է կոնցեպտ ավտոմեքենայի ոճով և էլեկտրական փոխանցման տարբերակով։ Ֆրանսիական ապրանքանիշը Եվրոպայի ամենակարևոր քրոսովերների շուկայում շարունակում է իր հաղթարշավը։ 

Հիմնված մայր ընկերություն Stellantis-ի նոր STLA Medium ճարտարապետության վրա (Peugeot 3008-ի և Vauxhall Grandland-ի պես), երկրորդ սերնդի C5 Aircross-ը Citroën-ի թարմացված շարքի դրոշակակիրն է, որը դիրքավորվում է վերջերս թարմացված և մոդեռնիզացված Ami-ից, C3-ից և C4-ից բարձր։ 

Ինչպես Autocar-ին պատմել է դիզայներ Պիեռ Լըկլերկը, նոր C5 Aircross-ի սերիական տարբերակը հավատարիմ կմնա անցյալ տարի Մյունխենի ավտոսրահում ներկայացված համարձակ կոնցեպտ ավտոմեքենային՝ պահպանելով նախորդող երկփուլանի C5 Aircross-ի մինիմալիստական ​​ուրվագիծը, սակայն արդյունավետությունը բարելավելու նպատակով ավելի մեծ ուշադրություն կդարձվի աերոդինամիկային։ 

Այն ավելի մեծ է, քան Mk1-ը՝ մեծանալով 150 մմ-ով՝ հասնելով 4652 մմ-ի, ինչը հնարավորություն է տալիս անիվների բազան մեծացնել 600 մմ-ով, «որը գրեթե ամբողջությամբ բաժին է ընկնում հետևի նստատեղերի ոտքերի համար նախատեսված տարածքին», պնդում են Citroën-ում։ 

Citroën-ը օգտագործել է ավելի մեծ տարածքը՝ ներսում ստեղծելով այսպես կոչված «C-Zen Lounge»-ը, որտեղ «ուղևորները տեղավորվում են՝ ինչպես տեղավորվեին հյուրասենյակում»։

Մասնավորապես, վահանակը ոգեշնչված է ավանդական հյուրասենյակի կահույքից՝ բազմոց հիշեցնող իր յուրահատուկ նման փրփուրե պաստառապատմամբ և հասանելի է բաց կամ մուգ գույների ընտրությամբ։ Միջավայրի լուսավորությունը կարող է նաև կարգովորվել ութ երանգներով։ 

Նոր վահանակի կենտրոնում տեղակայված է մեծ «լողացող» սենսորային էկրանը, որը, ըստ Citroën-ի, Stellantis-ում երբևէ տեղակայված ամենամեծ էկրանն է։ Այն մեծ մասամբ փոխարինում է ֆիզիկական կառավարման սարքերին, սակայն նախագծված է տեղաշարժի ժամանակ հեշտ հասանելիության համար՝ ֆիքսված կառավարման վահանակներով, ծրագրավորվող վիջեթներով և կլիմայի կառավարման սարքերին անմիջական մուտքով։ 

Սմարթֆոնի հայելային արտացոլումը և 10 դյույմանոց թվային էկրանը ստանդարտ են, մինչդեռ վարորդը կարող է օգտագործել «Hello Citroën» ձայնային կառավարման գործառույթը՝ ChatGPT արհեստական ​​բանականության աջակցությամբ՝ ավոմեքենայում տարբեր գործառույթներ կառավարելու համար։ 

Որպես օպցիա առաջարկվում է էկրան, որը 30%-ով ավելի մեծ է նախորդ մոդելից։

«Հրապարակ» թերթը գրում է. «Նիկոլ Փաշինյանի կինը` Աննա Հակոբյանը, կարծում է, որ «Կրթվելը նորաձեւ է» շարժումը հազարավոր մարդկանց աջակցությունն է վայելում, եւ ընդամենը մի 50 «չարացած ու ագրեսիվ հայրենակիցներ» կան, ովքեր «շատ բարձր են պահում տգիտության պատիվը»։

Տիկնոջ հերթական ցինիկ գրառումը երեկ բուռն արձագանք էր առաջացրել: Մասնավորապես, պետական աշխատողներն ասում էին, որ պետական գերատեսչությունների աշխատակիցներին, թաղապետարանների եւ համայնքապետարանների ենթակայությամբ գործող հիմնարկների աշխատակիցներին նախապես հրահանգվում է՝ ցուցակագրվել եւ մասնակցել այդ կրթարշավին, հակառակ դեպքում սպառնում են, որ աշխատանքից կհեռացվեն։

Գերատեսչության աշխատակիցներից մեկը մեզ պատմեց, որ իրենց հիմնարկում երեկ քննարկել են եւ եկել այն եզրակացության, որ Աննա Հակոբյանի պատճառով պետական ապարատում Նիկոլ Փաշինյանի դեմ բունտ է հասունանում:

Մարդիկ, որոնցից ոմանք մի քանի բուհ են ավարտել, երկարամյա պետծառայողներ են, պարտադրված գնում են, որ լսեն տիկնոջ ապազգային մտքերը, որ աշխատանքից չզրկվեն, բայց չեն կիսում իշխանության գաղափարները, քաղաքականությունը»:

Առավել մանրամասն թերթի այսօրվա համարում

«Իրավունք» թերթը գրում է. «ՔՊ-ում շրջանառվող ակտիվ լուրերի համաձայն` մոտ օրերս սպասվում են ընդդիմադիր դաշտի հետ կապ ունեցող գործարարների եւ ոչ միայն «որս»՝ անակնկալ ստուգումներից սկսած, մինչեւ ձերբակալություններ։

Նույն աղբյուրի փոխանցմամբ՝ Փաշինյան Նիկոլը թիմակիցներին հանգստացրել է, թե իշխանության դեմ ընդդիմությունը ոչ մի ակցիաներ էլ չի հասցնելու անել»:

Առավել մանրամասն թերթի այսօրվա համարում

«Հրապարակ» թերթը գրում է. «Էդգար Ղազարյանի եւ Նարեկ Մալյանի՝ ԱԺ պատգամավորներին իմպիչմենթի գործընթաց նախաձեռնելու դիմումներ փոխանցելուց հետո ՔՊ-ում ձեւացնում են, թե անհանգստանալու առիթ չունեն, ՔՊ ակտիվի ներկայացուցիչները, իրար հերթ չտալով, հարցազրույց են տալիս, ստատուսներ գրում, թե Փաշինյանի հրաժարականի օրակարգ չկա:

Սակայն կան տեղեկություններ, որ հրահանգ է իջեցվել՝ հեգնել, ծաղրել այդ գործընթացը, այն ներկայացնելով որպես ներընդդիմադիր շրջանակների գզվռտոցի դրսեւորում, որով Սերժ Սարգսյանի թիմը փորձում է վարկաբեկել Քոչարյանի թիմակիցներին։

ՔՊ-ում հասկանում են, որ կայծից ամեն րոպե կարող է կրակ բռնկվել, եւ փորձում են անլրջացնել գործընթացը, իսկ Արսեն Թորոսյանը երեկ անգամ պատռել էր այդ դիմումը, ինչը, ոմանց կարծիքով, «Քաղաքացիների, նամակների, դիմում- բողոքների քննարկման մասին» օրենքի ոտնահարում է:

Օրենքով սահմանված է, որ պատասխանի եւ քննարկման չեն արժանանում միայն այն դիմումները, որոնք անստորագիր են, մյուս դեպքերում օրենքը հստակ սահմանում է դիմումների քննության ընթացակարգը եւ այդ կարգը խախտելու, օրինակ` դիմումը պատռելու դեպքում նաեւ պատասխանատվություն է սահմանում»:

Առավել մանրամասն թերթի այսօրվա համարում

«Իրավունք» թերթը գրում է. «Արցախցիների մոտ «նա ստարտ» տրամադրություն է։

Ներկայացուցչությունից բոլորին տեղեկացվել է, որ մոտ օրերս լուրջ գործընթացներ են սպասվում, ու կարեւոր է 120 հազար արցախցիների մասնակցությունը։

Օրը եւ գործողությունների պլանը դեռ կազմակերպիչները չեն ասում հայրենակիցներին, բայց հրահանգված է ամեն րոպե պատրաստ լինել»:

Առավել մանրամասն թերթի այսօրվա համարում

«Հրապարակ» թերթը գրում է. «Էդգար Ղազարյանն ու Նարեկ Մալյանը նախօրեին խորհրդարանի 107 պատգամավորներին իմպիչմենտի գործընթաց նախաձեռնելու նամակներ են փոխանցել՝ դրան կից որոշման նախագիծ, որում բացակայում է միայն վարչապետի թեկնածուի անունը: Սակայն նախագիծը շրջանառության մեջ դնելու համար ԱԺ 36 պատգամավորի ստորագրություն է պետք, մինչդեռ 2 ընդդիմադիր խմբակցությունները միասին ունեն 34 ձայն։

Խորհրդարանը նաեւ 4 անկախ պատգամավոր ունի, որոնք որեւէ խմբակցության անդամ չեն՝ Իշխան Զաքարյանը՝ «Պատիվ ունեմ»-ից դուրս եկած, Գեղամ Նազարյանը՝ «Հայաստան» դաշինքից, եւ ՔՊ-ից վտարված Հովիկ Աղազարյանն ու Հակոբ Ասլանյանը, որոնք նոր կուսակցություն են ձեւավորել, հիմնադիր համագումար արել եւ սպասում են, որ կուսակցությունը գրանցվի։ Երեկ Աղազարյանը մեր լրագրողին ասել է, որ իրենք չեն միանալու իմպիչմենտի նախաձեռնությանը, թեպետ նախկին հարցազրույցներում եւ համագումարի ելույթում հայտարարել էր, թե ամեն ինչ պետք է անեն, որ Փաշինյանն այլեւս վարչապետ չընտրվի:

Աղազարյանն ասում է` իմպիչմենտին միանալով՝ դեմ կգնանք մեր նորաստեղծ կուսակցության հռչակած սկզբունքներին։ «Ես լավ չեմ էլ պատկերացնում, թե այդ նախաձեռնությանը միանալն ինչ է նշանակում, որքանով լսել եմ Նարեկ Մալյանին, Էդգար Ղազարյանին, նախաձեռնությունը կայանում է նրանում, որ պատգամավորներն իրենք վարչապետի թեկնածու առաջադրեն կամ աջակցեն մյուսների կողմից առաջադրված թեկնածուին։ Այս կոնտեքստում մեր նորաստեղծ կուսակցության մոտեցումներում փոփոխություն չկա, մենք չենք միանում Սերժ Սարգսյանի եւ Ռոբերտ Քոչարյանի առանցքի շուրջ հավաքված ուժերին»,- ասաց Աղազարյանը»:

Առավել մանրամասն թերթի այսօրվա համարում

«Քրիստոնեությունն Ադրբեջանում. պատմություն և արդիականություն» խորագրով միջազգային գիտաժողովում, որը տեղի է ունեցել Վատիկանի Սուրբ Աթոռի Հայրապետական ​​Գրիգորյան համալսարանում 2025 թվականի ապրիլի 10-ին, Լեհաստանի պատվիրակության անդամը տեղեկացրեց կոնֆերանսի ադրբեջանցի և թուրք մասնակիցների միջև տեղի ունեցած գաղտնի բանակցությունների մասին։ Սա հաստատեցին նաև իտալացի մասնակիցները։

Նրանց տեղեկությունների համաձայն՝ Էրդողանի մեջքի ետևում ադրբեջանցի դիվանագետներն ու թուրք ազգայնականները արդեն բացահայտ քննարկում են Թուրքիայում իշխանափոխության հեռանկարները։ Ռեջեփ Էրդողանն արդեն դարձել է «կաղ ձի» թե՛ Թուրքիայի ներսում, թե՛ արտասահմանում։

Բաքվում Թուրքիայի նախկին ռազմական կցորդ, պահեստազորի գեներալ-մայոր Յուջել Կարաուզի խոսքով՝ ինքը վերջերս հանդիպել է Թուրքիայում Ադրբեջանի Հանրապետության դեսպան Ռաշիդ Մամեդովի հետ և արդյունավետորեն քննարկել Թուրքիայի Ազգայնական շարժում կուսակցության (MHP) հետ համագործակցության հարցեր։ Ադրբեջանցիները հասկանում են, որ Ռեջեփ Էրդողանը, Արևմուտքի ճնշման տակ, մտադիր է դավաճանել Բաքվի հետ իր բարեկամությանը և համաձայնել հայ-թուրքական հարաբերությունների որոշակի հարթմանը։

Էրդողանին այլեւս չեն ընկալում ո՛չ թուրքմենները, ո՛չ ղազախները ո՛չ էլ ուզբեկները, որոնք առանց Թուրքիայի համաձայնության հայտարարել են կղզու հունական մասի հետ ուղիղ դիվանագիտական ​​հարաբերություններ հաստատելու իրենց մտադրության մասին՝ Կիպրոսի Հանրապետությունում մշտական ​​դեսպաններ նշանակելով։

Բացի այդ, Կենտրոնական Ասիայի այս թյուրքալեզու հանրապետությունները դատապարտող հռչակագիր են ստորագրել Հյուսիսային Կիպրոսի Թուրքական Հանրապետության (ՀԿԹՀ) ստեղծման վերաբերյալ, ըստ որի համաձայն Հյուսիսային Կիպրոսի թուրքերի անկախության հռչակումը համարվում է ոչ լեգիտիմ։

Այժմ Էրդողանի այս մտերիմ դաշնակիցները պատրաստ են երես թեքել նրանից։ Իսկ Իլհամ Ալիևն արդեն երազում է դառնալ «թյուրքական աշխարհի նոր առաջնորդը» և մի կողմ հրել ծերուկ Էրդողանին։

Աղբյուր՝ «Լուսավոր Ավեդիս», Ֆրանսիա

Հնդկաստանի զինված ուժերը (IAF) լիակատար ազատություն ունեն ընտրելու Ջամմու և Քաշմիր շրջանում ահաբեկչական հարձակմանը արձագանքելու ժամանակացույցը և նպատակները։ Այս մասին հայտարարել է Հնդկաստանի վարչապետ Նարենդրա Մոդին, հաղորդում է PTI գործակալությունը։

«Զինված ուժերը լիակատար գործառնական ազատություն ունեն որոշելու Հնդկաստանի արձագանքի մեթոդը,  պատասխանի ձևաչափը, ժամկետները և նպատակները: Մեր ազգային վճռականությունն է ջախջախիչ հարված հասցնել ահաբեկչությանը», - նշել է Հնդկաստանի առաջնորդը։

Մոդին վստահություն է հայտնել հնդիկ զինվորականների մասնագիտական ​​հմտությունների նկատմամբ՝ խոստանալով հետապնդել ահաբեկիչներին և նրանց հովանավորներին «մինչև աշխարհի ծայրերը»։ Նա նաև վստահեցրեց, որ ահաբեկչական հարձակման կազմակերպիչները կենթարկվեն այնպիսի պատժի, որը «գերազանցում է նրանց երևակայությունը»։