Ինչպես հայտնի դարձավ, Մոսկվայի և Համայն Ռուսիո պատրիարք Կիրիլը այցելել է Բաքու և հանդիպել Ադրբեջանի նախագահի և վերջինիս կնոջ հետ։ Նախ և առաջ դատապարտելի է պատրիարքի այցը մի երկիր, որն ի սկզբանե իր պատմությունը կերտում է՝ հիմնված կրոնական և էթնիկ խտրականության գաղափարների վրա՝ համակարգային կերպով թիրախավորելով քրիստոնյա բնակչությանը։ Այս մասին ասված է Գարդման-Շիրվան-Նախիջևան համահայկական միության հայտարարության մեջ:

«Ադրբեջանական ազգայնականության հիմքերից մեկը, ինչպես այսօր, այնպես էլ նախկինում, շարունակում է մնալ կրոնական խտրականությունը, որն արտահայտվել և արտահայտվում է քրիստոնյա փոքրամասնությունների բացահայտ կամ քողարկված ճնշումներով և քրիստոնեական ժառանգության պարբերական ոչնչացմամբ։ Այցելելով Բաքու՝ Համայն Ռուսիո պատրիարքը հարկ է, որ բողոքի ձայն բարձրացներ քրիստոնեական արժեքների նկատմամբ բացահայտ անհանդուրժողականության պետական քաղաքականության հանդեպ։

Համայն Ռուսիո պատրիարքը պատարագ է մատուցել Բաքվի Սուրբ Մյուռոնակիր կանանց մայր տաճարում, սակայն արդյոք վերջինս չի՞ խորհել այն մասին, որ Լեռնային Ղարաբաղի քրիստոնեական եկեղեցիներում այլևս չեն մատուցվում պատարագներ՝ քրիստոնյա բնակչության բռնի տեղահանման և հայկական հոգևոր արժեքների և մշակույթի հանդեպ էթնոցիդի քաղաքականության հետևանքով։

Արդյոք Ռուս ուղղափառ եկեղեցու առաջնորդը իրեն հանձնառու չի՞ համարում տարածաշրջանի քրիստոնյաների հոգևոր արժեքների պահպանության և կրոնական իրավունքների իրացման երաշխավորված հնարավորության ապահովման համար։ Պատրիարք Կիրիլի մեկ այլ քայլը՝ Մեհրիբան Ալիևայի պարգևատրումը Ռուս Ուղղափառ Եկեղեցու Սուրբ հավասար Օլգայի՝ Ռուս Ուղղափառ Եկեղեցու 1-ին աստիճանի շքանշանով, գալիս է հաստատելու Պատրիարքի անհամարժեք և կողմնակալ դիրքորոշումը տարածաշրջանային զարգացումների նկատմամբ։ Փաստորեն, պատրիարք Կիրիլը պարգևատրել է սրբադասված Օլգայի շքանշանով այն անձին, որը փաստացի հովանավորում է նաև Ադրբեջանում ռուսական ժառանգության ոչնչացումը։ Ամենևին գաղտնիք չէ, որ Բաքվում, հայկական գերեզմաններից բացի, թիրախավորվում և պղծվում են ռուսական գերեզմանատները, Հայրենական պատերազմին նվիրված սիմվոլները։

Ադրբեջանի նախագահն ու վերջինիս կինը կենդանի մարմնացումն են հայերի հանդեպ էթնիկ ատելության քարոզի համակարգայնության և հայկականության ոչնչացման պետական ծրագրի, որոնց աջակցությունը հավասարազոր է հանցակցության, իսկ հանցանքի «պարգևատրումը» էլ ավելի հեռուն է տանում քրիստոնեկանա արժեքների հանդեպ անհարգալից վերաբերմունքի և հավատակից ժողովուրդների հանդեպ դատապարտելի անտարբերության մեղքը։ Ադրբեջանի նախագահի ընտանիքը ուղիղ ժառանգն է այն վարչակարգերի, որոնք ցեղասպանություն են իրականացրել պատմական Գարդմանում, Շիրվանում, Նախիջևանում՝ ոչ միայն պարբերական էթնիկ զտումների և բռնի տեղահանումների ենթարկելով տեղի բնիկ էթնիկ հայ բնակչությանը, այլև շարունակաբար ոչնչացնելով հայկական ազգային-հոգևոր մշակութային ժառանգությունը, ինչը ոչ այլ ինչ է քան, պատմական հիշողության միտումնավոր և նպատակադիր ջնջում և անցյալի իրողությունների կամայական այլախեղում։

«Գարդման-Շիրվան-Նախիջևան» համահայկական միությունը խստորեն դատապարտում է Համայն Ռուսիո պատրիարքի՝ սեփական կոչմանն անհամապատասխան գործողությունները։ Մենք կոչ ենք անում վերջինիս առաջին հերթին խորը բարոյական հարգանք դրսևորել համաքրիստոնեական արժեքների հանդեպ՝ հիմնված մարդակենտրոնության սկզբունքի վրա և այս տեսանկյունից բարձրաձայնել այն հարյուր հազարավոր քրիստոնյաների իրավունքների վերականագնման խնդիրը, որոնք բռնությամբ տեղահանվել են սեփական հազարամյա քրիստոնեական միջավայրից։ Մենք հորդորում ենք պատրիարք Կիրիլին աչալուրջ գտնվել Ադրբեջանի կողմից հայկական քրիստոնեական ժառանգության ոչնչացման անհերքելի փաստի նկատմամբ և պարգևատրման փոխարեն գործնական քայլեր ձեռնարկել կատարվող հանցագործությունները կանխելու և դրանց համար պատժի ու պատասխանատվության կոչելու համար»,- նշում են համահայկական միությունից։

Հարվարդի համալսարանը չի ստանա նոր դաշնային հետազոտական ​​դրամաշնորհներ, քանի դեռ չի կատարել Թրամփի վարչակազմի պահանջները։ Թերթի փոխանցմամբ՝ նման հաղորդագրություն է ստացել Հարվարդի նախագահ Ալան Գարբերն ԱՄՆ կրթության նախարար Լինդա Մաքմահոնից։

Նախագահ Դոնալդ Թրամփի վարչակազմը քննադատել է համալսարանին՝ ԱՄՆ կառավարության տրամադրած ազատ շուկայական համակարգից օգուտ քաղելու համար, բայց միևնույն ժամանակ «ուսանողներին կառավարությանն արհամարհել սովորեցնելու համար»։ Բացի այդ, իշխանությունները համալսարանին մեղադրում են հակասեմականության համար՝ համալսարանի պատերի ներսում Պաղեստինին աջակցող ակցիաներն արգելելու մերժման պատճառով։

Նամակում նշվում է, որ եթե համալսարանը չվերացնի խախտումները, կմնա առանց պետական ​​ֆինանսավորման և կարող է շարունակել գործել որպես մասնավոր հաստատություն՝ միջոցներ ներգրավելով «հարուստ շրջանավարտների իր մեծ լսարանից»: Նախկինում ԱՄՆ կրթության նախարարությունը կառույցին զրկել էր 2,2 միլիարդ դոլարի պետական ​​ֆինանսավորումից և 60 միլիոն դոլարի պայմանագրերից: Գործակալությունը չեղարկել է նաև 2,7 մլն դոլար արժողությամբ երկու դրամաշնորհ։

Հարվարդն արդեն արձագանքել է վարչակազմի որոշմանը։ Համալսարանի հայտարարության մեջ ասվում է, որ այն «կշարունակի պահպանել օրենքը, խթանել և պաշտպանել տեսակետների բազմազանության նկատմամբ հարգանքը և համալսարանական համայնքում հակասեմականության դեմ պայքարը»:

Մենք այս նախագծին դեմ քվեարկեցինք, այն պատճառով այդ թվում, որ ինչպես որ ես նշեցի ելույթի ժամանակ, փաստացի ընդդիմությունն այս նախագիծը բերել էր ոչ թե էթիկայի հարցերով շահագրգռված լինելու համար, այլ բերել է, որ ՔՊ-ին վատ լինի, ոչ թե որ լրագրողի համար լավ լինի, այլ որ ՔՊ-ին վատ լինի: Այս մասին Աժ-ում ասաց  «Քաղաքացիական պայմանագիր» խմբակցության ղեկավար Հայկ Կոնջորյանը՝ խոսելով այն մասին, թե ինչու է  իրենց խմբակցությունը դեմ Անդրանիկ Քոչարյանի հարցով Էթիկայի ժամանակավոր հանձնաժողով ստեղծելուն:

«Այնպես որ, սա հերթական անգամ ընդդիմության կողմից բարոյականությունը որպես կոնցեպտ թրաֆիքինգի ենթարկելու գործ է, և իրականում էթիկան և դուք նույնքան հեռու եք, որքան որ շարունակում են իրարից հեոռւ մնալ Գառնիկ Դանիելյանը և Մոնիկա Բելուչին: 

Եվ սա բացարձակապես որևե կապ չուներ էթիկայի հետ»,- նշել է նա:

Ֆրանսիայում գրեթե մեկ շաբաթ է՝ որոնում են բանտից սխալմամբ ազատված հանցագործին։ Այս մասին հայտնել է Le Figaro թերթը՝ հղում կատարելով Բորդո քաղաքի դատախազությանը։

Առկա տեղեկությունների համաձայն՝ 25-ամյա երիտասարդը, որը 11 տարվա պատիժ էր կրում առանձնապես վտանգավոր հանցագործության համար, ազատ է արձակվել Գրադինյան կոմունայի բանտից մեկ այլ բանտարկյալի փոխարեն, որին Ֆրանսիայից Մարոկկո պետք է արտաքսեին։ Բանտի ղեկավարությունը խառնել է բանտարկյալների իրար նման անունները։

Ներկա պահին իշխանությունները հետաքննում են միջադեպը։ Հանցագործի նկատմամբ հետախուզում է հայտարարվել, կալանավորման եվրոպական օրդեր է տրվել, որը գործում է ԵՄ բոլոր երկրներում։

Մինչ այդ տեղեկացվել էր, որ կեղծ մեղադրանքներով 13 տարի բանտում անցկացրած գերմանացի Մանֆրեդ Գենդիցկին այժմ պարտավոր է պետությանը վճարել 100 հազար եվրո։ Դատախազները կարծում են, որ տղամարդը պարտք է իշխանություններին, քանի որ, ըստ նրանց տվյալների, նա բանտարկության ընթացքում խնայել է 50 442 48 եվրո սննդի եւ կացարանի վրա, ինչպես նաեւ վաստակել է գրեթե 50 հազար եվրո՝ բանտում աշխատելով ժամը 2 եվրոյով:

Ռուսաստանի նախագահ Վլադիմիր Պուտինը և Իրանի նախագահ Մասուդ Փեզեշքիանը հեռախոսազրույց են ունեցել, հայտնում է Կրեմլի մամուլի ծառայությունը:

Նախագահները պայմանավորվել են ակտիվացնել գործնական համագործակցության և արտաքին քաղաքական համակարգման ամրապնդման ուղղությամբ համատեղ աշխատանքը։

«Կարծիքներ են փոխանակվել միջազգային եւ տարածաշրջանային հրատապ հարցերի շուրջ, ներառյալ Իրանի եւ ԱՄՆ-ի միջև իրանական միջուկային ծրագրի շուրջ Օմանի միջնորդությամբ բանակցությունների ընթացքը», - ասվում է Կրեմլի հաղորդագրության մեջ:

Կողմերը քննարկել են համապարփակ ռազմավարական գործընկերության պայմանագրի հիման վրա ռուս-իրանական համագործակցության զարգացմանը վերաբերող հարցեր:

Շահիդ Ռաջայի նավահանգստում տեղի ունեցած պայթյունի հետևանքով մոտ 70 մարդու մահվան կապակցությամբ Պուտինը ցավակցություն է հայտնել։ Իրանի նախագահն իր հերթին շնորհակալություն է հայտնել ՌԴ-ին՝ նշված պայթյունի հետևանքների վերացման գործում ցուցաբերած աջակցության համար՝ նշելով ՌԴ ԱԻՆ-ի բարձր պրոֆեսիոնալիզմը:

Ապրիլի 26-ին տեղի ունեցած պայթյունի հետևանքով Իրանի կրած կորուստները կազմել են մոտ 3-5 մլրդ դոլար:

Իրանի նախագահը նաև ջերմորեն շնորհավորել է Վլադիմիր Պուտինին և Ռուսաստանի բոլոր քաղաքացիներին՝ Հայրենական մեծ պատերազմում տարած հաղթանակի 80-ամյակի կապակցությամբ:

ՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ԻԻՀ-ում գտնվող անձն առանձնապես խոշոր չափերով՝ ընդհանուր 15 կգ թմրամիջոցը մաքսանենգությամբ տեղափոխել է ՀՀ, որի մի մասը նախատեսված է եղել Հայաստանի տարածքում իրացման, իսկ մյուս՝ առանձնապես խոշոր չափերով՝ 4,3 կգ «Մարիխուանա» տեսակի թմրամիջոցը ՀՀ տարածքով մաքսանենգ ճանապարհով Վրաստան տեղափոխելու համար։

Նախաքննության ընթացքում պարզվել է, որ Գ.Ա.-ն և Ա.Մ.-ն փորձել են ձեռք բերել մաքսանենգ ճանապարհով ՀՀ տեղափոխված թմրամիջոցներից 95,43 գրամ «Մարիխուանա» տեսակի և 96,43 գրամ «Մեթամֆետամին» տեսակի թմրամիջոցները, սակայն ճանապարհին ձերբակալվել են ՀՀ ՆԳՆ ոստիկանության ծառայողների կողմից:

Նույն օրը Ա.Կ.-ն և Մ.Օ.-ն Հայաստանի տարածքով մաքսանենգ ճանապարհով Վրաստան տեղափոխման համար նախատեսված առանձնապես խոշոր չափերով՝ 4,3 կգ «Մարիխուանա» տեսակի թմրամիջոցն իրենց կամքից անկախ հանգամանքներում չեն կարողացել անցկացնել սահմանով, քանի որ ձերբակալվել են:

Ա.Կ.-ի և Մ.Օ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 44-393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառությունն իրացնելու նպատակով կամ դրանք ապօրինի իրացնելու փորձը) և 43-399-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների, դրանց համարժեք նյութերի (անալոգի) կամ դրանց ածանցյալների կամ դրանց պրեկուրսորների մաքսանենգությունը նախապատրաստելը), Գ.Ա.-ի և Ա.Մ.-ի նկատմամբ՝ 44-393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառությունն իրացնելու նպատակով կամ դրանք ապօրինի իրացնելու փորձը):

Վերջիններիս նկատմամբ որպես խափանման միջոց կիրառվել է կալանքը։

4 անձի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին։

9 անձի վերաբերյալ քրեական վարույթի նախաքննությունը շարունակվում է:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Թեհրանը ողջունում է Բաքվի և Երևանի միջև խաղաղության պայմանագրի տեքստի շուրջ համաձայնությունը. այս մասին, ադրբեջանական լրատվամիջոցների փոխանցմամբ, Բաքվում Միջազգային հարաբերությունների վերլուծության կենտրոնում կազմակերպված միջոցառման ժամանակ հայտարարել է Իրանի փոխարտգործնախարար Սաիդ Խաթիբզադեն:

Վերջինիս խոսքով՝  Իրանի նախագահ Մասուդ Փեզեշքիանը կարող է միջնորդ հանդիսանալ Ադրբեջանի և Հայաստանի միջև խաղաղության պայմանագրի ստորագրման հարցում:

«Կարծում եմ, որ այս հարցը նույնպես կարտացոլվի երկու երկրների ամենօրյա շփումներում»,- հավելել է նա։

Ասեմ Ձեզ, որ ես ուզում եմ սկսեմ հանձնաժողովում հնչեցրած մի տեսակետի հետ կապված իմ մազերի գույնի հետ: Ասեմ՝ ես կյաժ չեմ, ես սպիտակ եմ և  այս սպիտակն անցած ճանապարհ է, դա անցած ուղի է, խնդրում եմ մազերը չշահարկել: Այս մասին ԱԺ-ում ասել է  ՔՊ-ական պատգամավոր Անդրանիկ Քոչարյանը:

«Ես կրկնել եմ հայտնի հոգևորականի բառերը, որը շատ ավելի կոշտ է ասել՝ «բերանդ լվա»:

Դուք ասում եք չորրորդ իշխանությունն ամեն ինչից վեր է: Դուք արդեն դարձրել եք այդպսին, որովհետև մեր ընդդիմադիր գործընկերները, քաղաքական օրակարգ չունենալու պարագայում, գտել են լրագրողական խմբերով օրակարգ ձևավորելու ձևաչափը: Շատ լավ:

Այդ դեպքում, երբ որ ինձ մեղադրում են, մեղադրեք հստակ: Ինչ եմ ես ասել և դուք ինչ եք հասկացել, որովհետև, ըստ էության, իմ ասածի մեկնաբանությունը, թե ես ինչ եմ ասել, ես կարող եմ կարդալ:

«Անշուշտ ես շատ լավ հասկանում եմ, որ որոշ ընդդիմադիր գործիչներն ու նրանց շահերը սպասարկող մի քանի լրագրողներ փորձում են խոսքիս իմաստը նենգափոխել, լարվածության նոր առիթ ստեղծելու իմ անունը շահարկելու նպատակով:

Սակայն համոզված եմ, որ  տհաճ ափսոսանքի արժանի միջադեպ է և չէր դառնա հանրային քննարկման առարկա, եթե գնահատականներ տրվեին մեջբերումը, որն ես արել եմ Ձեր սիրելի հոգևորականի ասածից: Ես որևէ վիրավորական բան չեմ ասել: Ես ասել եմ խոսքի մաքրության մասին, որպեսզի ավելի ընկալելի լինի»»,-ասել է Քոչարյանը:

Հիշեցնենք, որ ավելի վաղ հաղորդել էինք, որ ԱԺ-ում քննարկվում է Անդրանիկ Քոչարյանի վարքագծի վերաբերյալ էթիկայի հանձնաժողով ստեղծելու հարցը: