Այս իշխանությունը լարախաղացի բալանսավորման քաղաքականություն է իրականացնում, արագ աջ ու ձախ են գնում․

Սերժ Սարգսյան

Հռոմի պապ Լևոն XIV-ը արհեստական ​​բանականությունը համարում է մարդկության գլխավոր խնդիրը։ Նա այս մասին հայտարարել է կարդինալների հետ իր առաջին պաշտոնական քննարկման ժամանակ ելույթ ունենալիս։

«Մեր օրերում եկեղեցին բոլորին առաջարկում է իր սոցիալական ուսմունքի գանձարանը՝ ի պատասխան հերթական արդյունաբերական հեղափոխության և արհեստական բանականության զարգացման, որոնք նոր մարտահրավերներ են նետում մարդկային արժանապատվության, արդարության և աշխատանքի պաշտպանության ոլորտում», - ասել է նա։

Ըստ նրա՝ ընտրելով Լևոն անունը, ինքը հենվել է Հռոմի պապ Լևոն XIII-ի կյանքի ուղու և նվաճումների վրա, որը ղեկավարել է եկեղեցին 1878-1903 թթ-ին և դարձել ժամանակակից կաթոլիկ եկեղեցու սոցիալական մտքի հիմնադիրը: 1891-ին նա քննադատել է կապիտալիզմը և ձեռնարկություններում մարդկանց ստրկացումը։

Լևոն XIV-ն իր ուղերձում խոստացել է շարունակել իր նախորդի՝ Ֆրանցիսկոս պապի նախաձեռնած նախագծերը: Նա կփորձի չդադարեցնել եկեղեցու մերձեցումը «փոքրագույնների և մերժվածների» հետ։ Լևոն XIV-ը նաև հայտարարել է, որ կաթոլիկ եկեղեցին պետք է ավելի ներառական դառնա:

Հիշեցնենք, որ Ֆրանցիսկոս պապը նույնպես արտահայտվել էր արհեստական բանականության մասին։ Նա, մասնավորապես, նշել էր, որ ԱԲ-ն «կարող է օգտագործվել որպես հոգատար ծառայության կամ թշնամական տիրապետության գործիք»։ Ֆրանցիսկոսը հայտարարել էր, որ չափազանց մեծ են տեխնոլոգիաների հետ կապված ռիսկերը, դրանք զուրկ են մարդկային արժեքներից, ինչպիսիք են կարեկցանքը, ողորմածությունը, բարոյականությունը և ներողամտությունը։ Նա կարծում էր, որ միջազգային հանրությունը պետք է մշակի պայմանագրեր, որոնք կարգավորում են ԱԲ-ի օգտագործումը և զարգացումը:

Շոումեն Միխայիլ Գալուստյանի նախկին կինը պաշտպանել է նրան այն բանից հետո, երբ լուրեր տարածվեցին, թե իրենք ամուսնալուծվել են ամուսնու և նրա դիմահարդարի սիրավեպի պատճառով։

Վիկտորիան նման խոսակցությունները սուտ է անվանել՝ նշելով, որ նրանց միջև տարաձայնություններ չկան։

«Ոչ ոք ոչ մեկին չի դավաճանել և չի լքել, դա համատեղ որոշում է եղել։ Նա լավ, պարկեշտ և բարի մարդ է։ Նրա համար հիմա հեշտ չէ, հավատացեք։ Ինձ համար էլ է տհաճ, երբ նրան բացասական լույսի ներքո են ներկայացնում` այլ կնոջ մոտ հեռանալու մասին հիմար լուրերի ֆոնին։ Դա այդպես չէ»,– գրել է Վիկտորիան սոցցանցում։

Նա նշել է, որ իրենք լավ հարաբերություններ են պահպանել, ինչը հիմա շատ հազվադեպ է պատահում. Միխայիլը հիանալի հայր է մնում իրենց դուստրերի համար, նրանց միջև նույնպես չկան տարաձայնություններ և ֆինանսական հարցեր:

Սլովակիայում Klein Vision ընկերությունը ստեղծել է 800,000 եվրո արժողությամբ թռչող մեքենա, որը ստացել է AirCar 2 անվանումը:

Ուշագրավ փոխադրամիջոցը բենզինային վառելիքով կարող է թռչել 250 կմ/ժ արագությամբ մինչև 1000 կմ: Ավտոմեքենայից ինքնաթիռի վերածումը տեղի է ունենում 80 վայրկյանում։ AirCar 2-ն  ունի 5,8 մետր երկարություն:

AirCar 2-ը զգալի բարելավվել է իր նախորդի՝ AirCar-ի համեմատ, որը 2021 թվականին 35 րոպեանոց հաջող թռիչք կատարեց ու դրանով մեծ ուշադրություն գրավեց: Նոր մոդելն օգտագործում է 280 ձիաուժ հզորությամբ շարժիչ, որը երկու անգամ ավելի հզոր է, քան 1,6 լիտրանոց BMW շարժիչն օրիգինալ AirCar-ում: Սա հնարավորություն է տվել բարձրացնել արագությունը մինչև 250 կմ/ժ (նախորդի 170 կմ/ժ-ի համեմատ) և բարելավել ընդհանուր անվտանգությունը:

Հունաստանում կինը որոշել է բաժանվել 12 տարվա ամուսնուց այն բանից հետո, երբ արհեստական բանականության ChatGPT չաթբոտը, ուսումնասիրելով սուրճի բաժակում նստվածքը, ենթադրել է, որ ամուսինը դավաճանում է նրան:

Այս պատմության մասին հայտնի է դարձել, երբ ամուսինը կատարվածը պատմել է հեռուստաալիքներից մեկի եթերում՝ բողոքելով, որ ChatGPT-ն կործանել է իր կյանքը:

Կինը, որոշելով հետ չմնալ սոցցանցերում տարածված թրենդից, ChatGPT-ին առաջարկել է կանխագուշակում անել իր և ամուսնու սուրճի բաճակների նստվածքի հիման վրա: Չաթբոտը «կարդացել» է, որ ամուսինը «Ե» տառով սկսվող անունով սիրուհի ունի, անընդհանտ երազում է նրա մասին և ցանկանում զարգացնել հարաբերությունները նրա հետ: Սա ուղղակի հունից հանել է կնոջը և նա ամուսնալուծության հայց է ներկայացրել:

«Ես ծիծաղեցի դրա վրա՝ որպես անհեթեթություն: Բայց նա դա լրջորեն ընդունեց: Նա խնդրեց ինձ հեռանալ, ասաց մեր երեխաներին, որ ամուսնալուծվում ենք, և հետո ինձ զանգահարեց փաստաբանը: Այդ ժամանակ ես հասկացա, որ սա կատակ չէ», - պատմել է տղամարդը:

Այն բանից հետո, երբ ամուսինը հրաժարվել է համաձայնել բաժանմանը, երեք օր անց ստացել է ամուսնալուծության վերաբերյալ փաստաթղթեր: Այժմ ամուսնու փաստաբանը պատրաստվում է վիճարկել ամուսնալուծության որոշումը, քանի որ արհեստական բանականության չաթբոտի կողմից ներկայացված պնդումներն իրավական հիմք չունեն, և նրա պաշտպանյալն անմեղ է, քանի դեռ նրա մեղավորությունն ապացուցված չէ:

Արդարադատության նախարար Սրբուհի Գալյանը մայիսի 8-ին հրաման է ստորագրել, որով «Դատապարտյալների հիվանդանոց» քրեակատարողական հիմնարկի պետ է նշանակել Ռոբերտ Թամարյանին։

Թամարյանն արդարադատության նախարարի 2024թ․ մայիսի 8-ի հրամանով նշանակվել էր նույն քրեակատարողական հիմնարկի պետի ժամանակավոր պաշտոնակատար, 2023-2024 թվականներին՝ «Դատապարտյալների հիվանդանոց» ՔՀԿ-ի պետի տեղակալ։

Մայիսի 11-ի ցերեկը, 12-ին շրջանների մեծ մասում,  16-ի ցերեկն առանձին շրջաններում սպասվում է կարճատև անձրև և ամպրոպ։

Մայիսի 13-15-ը, 16-ի գիշերը ժամանակ առ ժամանակ հանրապետության ողջ տարածքում սպասվում է անձրև և ամպրոպ։

Մայիսի 11-15-ն առանձին հատվածներում անձրևները կլինեն հորդառատ։ Հնարավոր է նաև կարկուտ։

Քամին՝ հարավ-արևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-22 մ/վ արագությամբ։  

Օդի ջերմաստիճանը մայիսի 12-15–ն աստիճանաբար կնվազի 8-10 աստիճանով։

OpenAI ընկերության կողմից մշակված o3 և o4-mini արհեստական ինտելեկտի նոր մոդելները իրականությանը չհամապատասխանող պատասխաններ են տալիս ավելի հաճախ, քան իրենց նախորդ տարբերակները։ Այս մասին հայտնում է գիտահանրամատչելի Naked Science պարբերականը՝ վկայակոչելով TechCrunch-ը։

Ըստ հրապարակման՝ OpenAI-ի մասնագետներն այս պահին չեն կարողանում հստակ բացատրել այս «հալյուցինացիաների» հաճախացման պատճառը։ Ընկերության տեխնիկական զեկույցում նշվում է, որ անհրաժեշտ է «լրացուցիչ հետազոտություն»՝ խնդրի աղբյուրը բացահայտելու համար։ Նշված զարգացումը խախտում է լեզվային մոդելների զարգացման մինչ այժմ գործող տրամաբանությունը, երբ յուրաքանչյուր նոր տարբերակ ավելի լավ էր գործում, քան նախորդը։

Ընկերության ներքին փորձարկումների համաձայն՝ o3 մոդելը PersonQA ձևաչափով հարցերին սխալ է պատասխանել 33 տոկոս դեպքերում, ինչը երկու անգամ ավելի վատ ցուցանիշ է, քան o1 և o1-mini մոդելների մոտ։ o4-mini մոդելը ցուցադրել է նույնիսկ ավելի վատ արդյունք՝ 48 տոկոս սխալ պատասխան։

Transluce հետազոտական լաբորատորիայի անկախ ուսումնասիրությունը ցույց է տվել, որ o3 մոդելը պատրաստ է նույնիսկ հորինել պատասխան այն հարցին, թե ինքը ինչպես է գտնում պատասխաններ։ Բացի այդ, մոդելները հաճախ տրամադրում են անգործունակ հղումներ կամ «կոտրված» հասցեներ։ Հետազոտողների վարկածով՝ խնդիրը կարող է պայմանավորված լինել այն հանգամանքով, որ այս մոդելների ուսուցման մեթոդը խաթարում է այն մեխանիզմները, որոնք սովորաբար մեղմում են նման սխալները հետուսուցման փուլում։

Չնայած այս խնդիրներին՝ OpenAI-ն ընդգծում է, որ մոդելների նոր տարբերակները կայուն են մաթեմատիկական խնդիրների և կոդի գրանցման հարցում։ Ընկերության ենթադրությամբ՝ սխալների հաճախացման պատճառը կարող է լինել նաև այն, որ նոր մոդելները պատասխաններ են տալիս ավելի լայն և բարդ հարցերի շրջանակում։ Այդուհանդերձ, այսպես կոչված «մտածող» մոդելները՝ o3 և o4-mini, այս պահին որոշ դեպքերում ավելի վատ են գործում, քան «չմտածող» ChatGPT տարբերակը։

ԱՄՆ նախագահ Դոնալդ Թրամփը գրառում է արել՝ նշելով․

«Շատ լավ հանդիպում այսօր Չինաստանի հետ՝ Շվեյցարիայում։ Շատ բան քննարկվեց, շատ բան համաձայնեցվեց: Ամբողջական վերականգնում, որի շուրջ բանակցվել է բարեկամական, բայց կառուցողական ձևով:

Մենք ցանկանում ենք տեսնել Չինաստանին ամերիկյան բիզնեսում՝, թե՛ Չինաստանի, թե՛ ԱՄՆ-ի բարօրության համար»։

Քաղաքական գործիչ Էդգար Ղազարյանը գրում է․ «Ազգային ժողովում հայտարարված քաղաքացիների ընդունելության շրջանակներում 2025 թվականի մայիսի 12-ին ժամը 11։00-13։00 հերթագրվել եմ մասնակցելու ընդունելության Ազգային ժողովի Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողով անդամների հետ, իսկ նույն օրը ժամը 14։00-16։00 հատվածում՝ ՀՀ ԱԺ նախագահի տեղակալ Ռուբեն Ռուբինյանի հետ։

Նրանց հետ պատրաստվում եմ քննարկել Նիկոլ Փաշինյանին՝ վարչապետի պաշտոնից անվստահություն հայտնելու (իմպիչմենտին) վերաբերող հարցերը։

Եթե այդ հանդիպումները հետաքրքիր են ԶԼՄ-ներին՝ լուսաբանելու համար, ապա ես միայն շնորհակալ կլինեմ»։