ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Երևանի Պուշկինի անվան դպրոցի մի խումբ ծնողներ այսօր առավոտից բողոքի ակցիա են անցկացնում դպրոցի բակում։ Նրանք այստեղից որոշեցին շարժվել դեպի ՀՀ կրթության, գիտության, մշակույթի և սպորտի նախարարության շենքի մոտ:
Ինչպես Sputnik Արմենիային ասաց ծնողներից մեկը` այսօր դպրոցում դաս չկա, իսկ իրենց պահանջը մնում է անփոփոխ՝ տնօրենի պաշտոնում վերականգնել Նատալյա Ստեփանյանին։
Ավելի վաղ հայտնել էինք, որ մայիսի 8–ից Երևանի Պուշկինի անվան թիվ 8 հիմնական դպրոցի աշակերտները դասադուլ են հայտարարել՝ պահանջելով չեղարկել դպրոցի տնօրեն Նատալյա Ստեփանյանին աշխատանքից ազատելու որոշումը: Այդ նպատակով աշակերտների ծնողները ստորագրահավաք են կազմակերպել։ Միաժամանակ, ՀՀ ԿԳՄՍՆ–ից Sputnik Արմենիային հայտնեցին, որ Ստեփանյանը չի անցել ատեստավորման հարցազրույցի փուլը և սկսել է դրա արդյունքների բողոքարկման գործընթացը։
«Մենք գերատեսչությունից պահանջում ենք վերականգնել Ստեփանյանին պաշտոնում»,– հայտարարեց ծնողներից մեկը:
Նա նշեց, որ ժամը 14:00–ին նախարարությունում կքննարկվի Ստեփանյանի բողոքը: Այդ իսկ պատճառով նրանք գնում են դեպի նախարարություն, շարունակելու ակցիան։ Նրանք պահանջում են, որ ծնողներին ևս ներառեն Ստեփանյանի բողոքարկման դիմումի քննարկման մեջ:
Ի դեպ, արդեն ԿԳՄՍՆ հասած ծնողներին հայտնել են, որ 6 հոգանոց պատվիրակությանը կընդունի փոխնախարար Արաքսիա Սվաջյանը։
Անկարան տեղեկություն չունի Վլադիմիր Զելենսկու՝ ՌԴ նախագահի հետ բանակցելու համար մայիսի 15-ին Թուրքիա այցելելու ծրագրերի մասին։ Այս մասին «ՌԻԱ Նովոստի»-ին հայտնել են Թուրքիայի նախագահ Ռեջեփ Թայիփ Էրդողանի աշխատակազմից։
«Մենք նման տեղեկատվություն չունենք»,- նշել է գործակալության աղբյուրը։
Հիշեցնենք, որ ավելի վաղ ԱՄՆ նախագահ Դոնալդ Թրամփը հայտարարել էր, որ Կիևը պետք է անհապաղ համաձայնի Վլադիմիր Պուտինի առաջարկին՝ մայիսի 15-ին Ստամբուլում բանակցություններ անցկացնելու վերաբերյալ։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 388.50 դրամ, վաճառքի նվազագույն արժեքը՝ 390.50 դրամ:
Եվրոյի առքի առավելագույն արժեքն է 435.50 դրամ, վաճառքի նվազագույն արժեքը՝ 439 դրամ:
Ռուսական ռուբլու առքի առավելագույն արժեքն է 4.65 դրամ, վաճառքի նվազագույն արժեքը 4.76 դրամ:
Մայիսի 11-ին, ավտովթար է տեղի ունեցել Կոտայքի մարզում։ Ժամը 16։10-ի սահմաններում Իջևան-Սևան-Երևան ավտոճանապարհի 121 կմ հատվածում՝ ժողովրդին հայտնի «Չայնիի» ոլորաններում, Գեղարքունիքի մարզի բնակիչ 30-ամյա Գեղամ Համբարձումյանը իր վարած «УАЗ 469» (Վիլիս) մակնիշի ավտոմեքենայով, դեպի Սևան ընթանալիս դուրս է եկել հանդիպակաց երթևեկելի գոտի, բախվել երկաթե արգելապատնեշներին, կոտրել դրանք, ապա դեպի Երևան ընթացող, Կոտայքի մարզի բնակիչ 41-ամյա Վահե Ասլանյանի վարած «ГАЗ 3102» մակնիշի ավտոմեքենային, հաղորդում է Shamshyan.com–ը։
Վթարի հետևանքով, ըստ նախնական տեղեկությունների, բարեբախտաբար տուժածներ չկան։
Վարորդները տեղում ենթարկվել են սթափության փորձաքննության, եղել են սթափ։
Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 388.50 դրամ, վաճառքի նվազագույն արժեքը՝ 390.50 դրամ:
Եվրոյի առքի առավելագույն արժեքն է 435.50 դրամ, վաճառքի նվազագույն արժեքը՝ 439 դրամ:
Ռուսական ռուբլու առքի առավելագույն արժեքն է 4.65 դրամ, վաճառքի նվազագույն արժեքը 4.76 դրամ:
Կաննի կինոփառատոնն արգելել է սադրիչ «մերկ» հագուստը։ Մայիսի 13-ին մեկնարկող 78-րդ Կաննի կինոփառատոնի կարմիր գորգի վրա աստղերը ստիպված կլինեն ծածկվել և, ըստ երևույթին, վերջապես ներքնազգեստ հագնել։
Իշխանությունները մերկության վերաբերյալ նոր կանոններ են մտցրել, որոնք մշակվել են «պարկեշտության համար»։
Նրանք ասում են, որ միջոցառումները փորձ են կանխելու հայտնիների «մերկ զգեստների» միտումը:
«Պարկեշտության նկատառումներից ելնելով՝ մերկությունն արգելված է կարմիր գորգի վրա, ինչպես նաև փառատոնի ցանկացած այլ հատվածում», - ասվում է Կաննի կինոփառատոնի փաստաթղթում։ «Փառատոնի կազմակերպիչ թիմերը պարտավոր կլինեն արգելել կարմիր գորգով անցնել բոլոր նրանց, որոնք չեն պահպանում այս կանոնները»։
Կաննի կինոփառատոնի յոթօրյա հագեցած ժամանակացույցի ընթացքում հյուրերը կհավաքվեն Գրանդ Սալ Լուի Լյումիեր կինոթատրոնում՝ ամենահայտնի ֆիլմերի ցուցադրություններից մի քանիսի համար։
Խորհրդանշական վայրն այժմ ունի ավելի պահպանողական հագուստի կանոնակարգ՝ նախապատվությունը տալով կոստյումներին, սմոկինգներին և երկար երեկոյան զգեստներին՝ շքեղ, սեքսուալ համադրությունների փոխարեն։
ԱՄՆ պաշտպանության նախարարությունը պատրաստվում է ընդունել Boeing 747-8՝ որպես նվեր Կատարից՝ փոխարինելու Air Force One նախագահական ինքնաթիռը։
Այս մասին ԱՄՆ նախագահ Դոնալդ Թրամփը գրառում է կատարել իր Truth Social հարթակում։
Նախագահը շեշտել է, որ դա «նվեր է, անվճար», և կօգտագործվի «ժամանակավորապես, հրապարակային և թափանցիկ գործարքի» շրջանակներում՝ փոխարինելով ներկայիս նախագահական ինքնաթիռը, որն արդեն 40 տարվա հնություն ունի։
CNN-ը, վկայակոչելով իր աղբյուրներին, հաղորդում է, որ ինքնաթիռը կվերափոխվի և կօգտագործվի Թրամփի երկրորդ նախագահության ընթացքում, իսկ հետո, երբ Թրամփը հեռանա պաշտոնից, օդանավը կնվիրաբերվի նրա նախագահական գրադարանին, և նա կշարունակի օգտագործել այն։
Հաշվի առնելով Boeing 747-8-ի բարձր գինը՝ այս քայլն, ըստ CNN-ի, աննախադեպ է և բազմաթիվ հարցեր է բարձրացնում։ Ըստ կատարցի պաշտոնյաներից մեկի՝ ինքնաթիռը նվիրաբերվում է Կատարի պաշտպանության նախարարությունից Պենտագոնին, ինչն ավելի շուտ կառավարությունների միջև գործարք է, այլ ոչ անձնական։
Լրատվամիջոցը հայտնում է, որ սա «անվտանգային մղձավանջ է» ԱՄՆ գաղտնի ծառայության համար, որը պետք է մաս առ մաս ստուգի ինքնաթիռը։ Դեմոկրատները քննադատել են ինքնաթիռը որպես նվեր ընդունելու մասին լուրերը՝ դա անվանելով «ոչ միայն կաշառք», այլև «արտաքին առաջնակարգ ազդեցություն»։
Մայիսի 12-ին ԱՄՆ նախագահը մեկնելու է իր առաջին խոշոր օտարերկրյա ուղևորությանը, որի ընթացքում այցելելու է Կատար, ինչպես նաև Սաուդյան Արաբիա և Արաբական Միացյալ Էմիրություններ։
Մայիսի 12-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Գերմանիայի Դաշնային Հանրապետություն:
Այս մասին հայտնում է ՀՀ ՊՆ–ն։
Երևանում մայիսի 12-ին սպասվում է կարճատև անձրև և ամպրոպ։ Մայիսի 13-15-ին, 16-ի գիշերը ժամանակ առ ժամանակ սպասվում է անձրև և ամպրոպ, 13-15-ին առանձին հատվածներում հորդառատ։ Ամպրոպի ժամանակ սպասվում է նաև քամու ուժգնացում 15-18 մ/վ արագությամբ: Մայիսի 16-ի ցերեկը սպասվում է առանց տեղումների եղանակ։
Մարզերում մայիսի 12-ին շրջանների մեծ մասում, 16-ի ցերեկն առանձին շրջաններում սպասվում է կարճատև անձրև և ամպրոպ։ Մայիսի 13-15-ին, 16-ի գիշերը ժամանակ առ ժամանակ հանրապետության ողջ տարածքում սպասվում է անձրև և ամպրոպ։ Մայիսի 12-15-ին առանձին հատվածներում անձրևները կլինեն հորդառատ։ Հնարավոր է նաև կարկուտ։ Քամին՝ հարավարևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-22 մ/վ արագությամբ։ Օդի ջերմաստիճանը մայիսի 12-15-ին աստիճանաբար կնվազի 8-10 աստիճանով։
Օրեր առաջ Մարմարիկում անհետացած 2 տարեկան Տիգրանի պապիկը չի հավատում, որ երեխան գետն է ընկել: Նրան, ըստ պապիկի, գողացել են։
Լրագրող Նարեկ Կիրակոսյանի հետ զրույցում նա նաև պատմել է, որ երեկ զանգել են իր որդուն` Տիգրանի հորը և երեխայի լացի ձայն միացրել ու անջատել: Եվ դա` 2 անգամ: Հետադարձ կապ հաստատել զանգողների հետ չի հաջողվել:
Թե ով կարող էր զանգել, պապը պատասխան չունի: «Էնքան մարդ կա, որ ուրիշի վշտով երջանկանում է»,- հոգոց է հանում պապիկը:
Գետն ընկնելու վարկածը կտրականապես հերքում է նաև հարևանը: «Էդ երեխուն ոնց որ այլմոլորակայինները տարան, այ այդպես իր հոր ու պապի աչքի առաջից անհետացավ էդ երեխեն»,- ասաց նա:
Առավել մանրամասն` տեսանյութում:
Ֆոտո
