ԱՄՆ պետքարտուղար Մարկո Ռուբիոն մայիսի 11-14-ը կուղեկցի նախագահ Դոնալդ Թրամփին Սաուդյան Արաբիա և Քաթար, որտեղ նախագահը կձգտի ամրապնդել կապերը Միացյալ Նահանգների և Պարսից ծոցի գործընկերների միջև, հայտնում է ԱՄՆ Պետդեպարտամենտի մամուլի ծառայությունը։
«Պետքարտուղար Ռուբիոյի հանդիպումները բարձրաստիճան պաշտոնյաների հետ կնպաստեն գլոբալ և տարածաշրջանային խնդիրների լուծումների որոնմանը, երկկողմ առևտրի և ներդրումների ընդլայնմանը և մեր ռազմավարական գործընկերային հարաբերությունների հաստատմանը»,- ասվում է հաղորդագրության մեջ։
Հաղորդագրության համաձայն, Մերձավոր Արևելք այցից հետո Ռուբիոն մայիսի 14-16-ը կմեկնի թուրքական Անթալիա՝ մասնակցելու ՆԱՏՕ-ի արտաքին գործերի նախարարների ոչ պաշտոնական հանդիպմանը, որտեղ կքննարկվեն Հյուսիսատլանտյան դաշինքի անվտանգության ոլորտի առաջնահերթությունները, ներառյալ դաշնակիցների կողմից պաշտպանության ոլորտում ներդրումների ավելացումը և ռուս-ուկրաինական պատերազմի դադարեցումը։
«Այս տարվա հունիսին Հաագայում կայանալիք ՆԱՏՕ-ի գագաթնաժողովի նախաշեմին Պետքարտուղարը առաջ կմղի նախագահ Թրամփի ծրագիրը, որի նպատակն է ապահովել, որ մեր դաշնակիցներն իրենց արդարացի ներդրումն ունենան ՆԱՏՕ-ի ամրապնդման և արդյունավետության բարձրացման գործում»,- նշվում է հաղորդագրության մեջ։
Latest from ArmNews
- Դոլարի ու եվրոյի փոխարժեքները նվազել են. ռուբլին թանկացել է
- Նորընտիր Հռոմի պապն առաջին արտագնա այցը կարող է կատարել Թուրքիա
- Քրդական PKK-ն պաշտոնապես լուծարվում է. ավարտվում է 40-ամյա զինված պայքարը Թուրքիայի դեմ
- 1 միլիոն դոլար արժողությամբ թռչող մեքենան շուկայում կհայտնվի 2026 թվականին
- Ծառայել 1 ամիս և վճարել 20 մլն դրամ․ Հայկ Սարգսյանն առաջարկում է զինծառայության ընտրության երեք տարբերակ
- Բրազիլիան նույնպես առաջարկել է միջնորդ դառնալ Ուկրաինայի հարցում
- ՆԱՏՕ-ի գլխավոր քարտուղարը Թուրքիայում կհանդիպի Էրդողանի հետ
- Պուտինը կմեկնի Թեհրան
Լրահոս
Ֆոտո
