Ուզում եմ հաստատել, որ մասնակցելու եմ Մոսկվայում Հաղթանակի օրվա միջոցառմանը: Այս մասին, այսօր՝ մայիսի 7-ին, ԱԺ-ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը:
«Ես ընդունել եմ ՌԴ նախագահի հրավերը՝ մասնակցելու միջոցառումներին: Մենք հրապարակային ենք արտահայտել, որ մենք բալանսավորված եւ բալանսավորման արտաքին քաղաքականություն ենք որդեգրել, և դրա մեջ չի մտնում ամենեւին, որ մենք մի ուղղությամբ մեր հարաբերությունները կառուցելու ենք ի հաշիվ մեր այլ հարաբերությունների: Առավել եւս այդ քաղաքականության տրամաբանության մեջ երբեք չի եղել, որ մենք ՌԴ այցեր չենք ունենալու, ՌԴ-ի հետ հարաբերությունները չենք զարգացնելու ու չենք խորացնելու:
Ինձ համար, ճիշտն ասած, այնքան էլ հասկանալի չեն այդ մեկնաբանությունները: Իհարկե, այդ միջոցառումները շատ կարեւոր են Երկրորդ աշխարհամարտում տարած հաղթանակի համատեքստում, բայց նաեւ այդ հանդիպումներում քննարկվում են հարցեր, այդ թվում երկկողմ օրակարգի հարցեր: Նման առիթները բաց թողնելը ճիշտ չի լինի և առավել եւս ես չեմ կարծում, թե այդ քննադատությունները կամ դիտարկումները տեղին են»,-ասաց նա:
Հարցին, արդյոք արդեն կան պլանավորված երկկողմ կամ այլ ձեւաչափով հանդիպումներ այդ այցի շրջանակներում, Փաշինյանը պատասխանեց. «Միջոցառումը նվիրված է առաջին հերթին մայիսի 9-ին, և ինչ-որ առումով ֆորմալ գագաթնաժողով չէ: Շփումներ, իհարկե, կլինեն, բայց որքանով այդ շփումները կֆորմալացվեն, վստահ չեմ, որովհետեւ բավական խիտ գրաֆիկի պայմաններում ենք աշխատելու»:
Latest from ArmNews
- Թրամփը խոստացել է ամերիկացիներին վճարել 2,000-ական դոլար
- Չինաստանի ժամանակավորապես վերացնում է երկակի նշանակության ապրանքների ԱՄՆ արտահանման արգելքը
- Պուտինը հաջորդ շաբաթ կհանդիպի Ղազախստանի նախագահ Տոկաևի հետ
- Թուրքի կոշիկը չպետք է լինի այս հողի վրա․ Նեթանյահու
- Ձերբակալվել է Գեղակերտի դպրոցի տնօրեն, ՔՊ-ական Անուշ Համբարձումյանը
- Նիկոլա Սարկոզին կարող է ազատվել բանտից ընդամենը 20 օր անց կալանքից հետո
- Համակարգին 2026ից կմիանան 200.000+ աշխատավարձ ստացող քաղաքացիները․ Ավանեսյան
- Հայաստանում ծնելիությունը նվազել է
Լրահոս
Ֆոտո
