Նոյեմբերի 09, 2025
Երևանում մետրոյի վագոնները վնասած օտարերկրացիները մեղավոր ճանաչվեցին
Երևանի ընդհանուր իրավասության քրեական դատարանը, դատավոր Ջոն Հայրապետյանի նախագահությամբ, մեղավոր ճանաչեց Ռուսաստանի և Լիտվայի քաղաքացիներին, որոնք փետրվարին վնասել էին Երևանի մետրոյի վագոնները։
Հանրային մեղադրողը ներկայացրեց համաձայնության արձանագրությունները։ Բոլոր մեղադրյալներն ընդունել են իրենց առաջադրված մեղադրանքը, զղջացել արարքի համար և վերականգնել Կարեն Դեմիրճյանի անվան Երևանի մետրոպոլիտենին պատճառված վնասը։ Ըստ այդմ՝ մեղադրյալների նկատմամբ համաձայնեցված պատիժ նշանակվեց վարչական տույժը՝ 1,5 միլիոն ՀՀ դրամի չափով, ազատազրկումը՝ 3 ամիս ժամկետով և լրացուցիչ պատիժ՝ ՀՀ տարածքից վտարումը՝ 10 տարի ժամկետով։
Հիշեցնենք՝ փետրվարի 1-ին հայտնի դարձավ, որ ժամը 21:12-ին, «Սասունցի Դավիթ» կայարանից դեպի «Զորավար Անդրանիկ» երթևեկող գնացքն արտակարգ կանգառ է արել։ Քաղաքացին գնացքի միջից սեղմել է արգելակման համար «ստոպ» կոճակը, գնացքն արգելակել է։ Մինչ մեքենավարը դիսպետչերին զեկուցել է կատարվածի մասին, այդ ընթացքում բաց տարածքում 4-5 հոգի անցել են պատն ու ներկել գնացքը։
ՆԳՆ-ից էլ ավելի ուշ հայտնեցին, որ խուլիգանության կասկածանքով ձերբակալվել են Բագրատաշենի սահմանային անցակետը հատել փորձող հինգ օտարերկրացիներ։ Նշված հանցագործությունը կատարելու կասկածանքով բերման էին ենթարկվել Լիտվայի Հանրապետության քաղաքացի 36-ամյա Լուկաս Ռևինսկասը, ՌԴ քաղաքացիներ 20-ամյա Գեորգի Ռադգինը, 20-ամյա Սավելի Բիրյուկովը, 27-ամյա Նիկիտա Վոլչենկովը, 19-ամյա Ստեփան Սայը:
Latest from ArmNews
- Թուրքի կոշիկը չպետք է լինի այս հողի վրա․ Նեթանյահու
- Ձերբակալվել է Գեղակերտի դպրոցի տնօրեն, ՔՊ-ական Անուշ Համբարձումյանը
- Նիկոլա Սարկոզին կարող է ազատվել բանտից ընդամենը 20 օր անց կալանքից հետո
- Համակարգին 2026ից կմիանան 200.000+ աշխատավարձ ստացող քաղաքացիները․ Ավանեսյան
- Հայաստանում ծնելիությունը նվազել է
- Արեգակնային հզոր բռնկում է տեղի ունենում, որն ուղղակիորեն ուղղված է Երկրին. բռնկման ուժգնությունն աճում է
- Նոյեմբերի 9-13-ին սպասվում է առանց տեղումների եղանակ
- Սիրիայի նախագահը ժամանել է Վաշինգտոն
Լրահոս
Prev
Next
Ֆոտո
