Մոսկվան պատրաստ է Վաշինգտոնի հետ քննարկել Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Բուդապեշտում կայանալիք գագաթնաժողովի նախապատրաստական ​​աշխատանքները: Այս մասին հայտարարել է Ռուսաստանի արտաքին գործերի նախարար Սերգեյ Լավրովը։ Այս մասին փոխանցում է ՌԻԱ «Նովոստին»:

«Մենք նաև պատրաստ ենք մեր ամերիկացի գործընկերների հետ քննարկել Ռուսաստանի և Միացյալ Նահանգների առաջնորդների միջև նրանց առաջարկած գագաթնաժողովի նախապատրաստական ​​աշխատանքների վերսկսման հարցը, եթե և երբ մեր ամերիկացի գործընկերները թարմացնեն իրենց առաջարկը և պատրաստ լինեն սկսել գագաթնաժողովի նախապատրաստական ​​աշխատանքները, որպեսզի այն իսկապես հաջող լինի», - ասել է Լավրովը:

Նախարարը շեշտել է նաև, որ Բուդապեշտը կլինի Ռուսաստանի նախընտրելի վայրը գագաթնաժողովի համար։ Նա հիշեցրել է, որ Թրամփն ինքը նախկինում արտահայտել էր այս կարծիքը։