Օսկարակիր դերասանուհի Ջենիֆեր Լոուրենսը կրկին ապացուցել է, որ չի վախենում իր անկեղծ կարծիքը հայտնել՝ նույնիսկ Քարդաշյանների տոհմի աստղերի մասին։

35-ամյա դերասանուհին մասնակցել է Vanity Fair ամսագրի համար կազմակերպված «ստի դետեկտոր» մրցույթին՝ իր «Die My Love» սերիալի գործընկեր Ռոբերտ Փեթինսոնի հետ միասին։ Զրույցը անսպասելիորեն ծավալվել է ռեալիթի շոուի մասին։ 

Երբ Փեթինսոնը հարցրել է, թե արդյոք Լոուրենսը դիտում է «Քարդաշյանները» սերիալի նոր եթերաշրջանը, դերասանուհին մի պահ կանգ է առել և խոստովանել. «Ոչ այս եթերաշրջանում։ Ես ավելի շատ սիրում եմ TikTok-ը»։

Այնուհետև Փեթինսոնը ցույց է տվել Քլոե Քարդաշյանի լուսանկարը և հարցրել, թե արդյոք նա իր սիրելի մասնակիցն է։ Ջենիֆերը ընդհատել է նրան և բացականչել. «Այո՛։ Քորթնին ավելի է նյարդայնացնում։ Նա ինձ խելագարեցնում է»։ 

Երբ նրան հարցրել են՝ «Ինչո՞ւ», դերասանուհին բացատրել է. «Որովհետև նրա արած ամեն ինչ մեծ հայտարարություն է։ Օրինակ՝ «Ես այլևս զգեստներ չեմ հագնելու»։ Պարզապես մի՛ կրեք դրանք, ինչո՞ւ հայտարարել դրա մասին։ Կամ՝ «Ես իմ ննջասենյակում հեռուստացույց չունեմ»։ Պարզապես մի՛ դիտեք դրանք։ Դադարեք դրանից մեծ բան ստեղծել»։

Լոուրենսը վաղուց հայտնի է ռեալիթի շոուների հանդեպ իր սիրով։ Նա մեկից ավելի անգամ խոստովանել է, որ սիրում է «Real Housewives» շոուն, իսկ «Keeping Up with the Kardashians» շոուն նույնիսկ օգնել է նրան հաղթահարել սթրեսը Դարեն Արոնոֆսկու «Մայրիկ» սարսափ դրամայի նկարահանումների ժամանակ։