Ռուսական հինգերորդ սերնդի Սու-57 կործանիչները հագեցած են երկու նոր Խ-58ՈՒՇԿԵ հակառադարային հրթիռներով, ինչը նրանց եզակի առավելություններ է տալիս թշնամու օդային պաշտպանությունը զսպելու հարցում, հաղորդում է Military Watch Magazine ամսագիրը։

Լրագրողները ուշադրություն են հրավիրել Միացյալ ավիաշինարարական կորպորացիայի (UAC) կողմից հրապարակված կադրերի վրա, որոնք ցույց են տալիս կործանիչի ներքին մասը։ Կադրերում երևում է, որ Product 112 հրթիռային մոդիֆիկացիան հագեցած է ծալովի կայունացուցիչներով։ Սա հնարավորություն է տալիս այն տեղավորել Սու-57-ի ներքին մասում։

«Հրթիռի 250 կմ թռիչքի հեռավորությունը լրացնում է Սու-57-ի բացառիկ երկար թռիչքային դիմացկունությունը, իսկ դրա Մախ 3.6 արագությունը այն դարձնում է աշխարհում ամենաարագներից մեկը», - նշել են հոդվածի հեղինակները։