Սյունիքի գյուղերում կրակոցներիը հատուկ գիշերային ժամերին են հնչում, գյուղատնտեսական աշխատանքներին չեն խանգարում․ Մարզպետ
Սյունիքի մարզում մերթընդմերթ կրակոցների ձայներ են լսվում։ Լրագրողների հետ զրույցում այս մասին ասաց Սյունիքի մարզպետ Ռոբերտ Ղուկասյանը` նշելով, որ մայիսի 30–ից հետո բնակավայրերի ուղղությամբ կրակոցներ չեն եղել։
Ինչպես հայտնել ենք, մայիսի 30-ին՝ ժամը 00:10-01:00-ն ընկած ժամանակահատվածում, Ադրբեջանի ԶՈւ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տան սանհանգույցը, և խոցվել է մեկ մանր եղջերավոր կենդանի
Սյունիքի մարզպետը նշեց, որ այդ օրվանից հետո ադրբեջանական կողմից արձակվող կրակոցները հիմնականում կարճատև են լինում։ Ղուկասյանի խոսքով` դրանք գյուղատնտեսական աշխատանքներին չեն խանգարում, քանի որ արձանագրվում են բացառապես գիշերը։
Ռոբերտ Ղուկասյանը վստահեցրեց, որ Սյունիքի մարզում կյանքն ընթանում է բնականոն հունով, արտագաղթի տրամադրություններ չկան։
Հիշեցնենք` մայիսի 29–ի գիշերը՝ ժամը 01:00-01:15-ն ընկած ժամանակահատվածում նույնպես Ադրբեջանի ԶՈւ ստորաբաժանումները կրակ էին բացել Խոզնավարի ուղղությամբ, ինչի հետևանքով վնասվել էր բնակելի տուն։ Ավելի ուշ ՀՀ պաշտպանության նախարար Սուրեն Պապիկյանը լրագրողներին ասաց, որ հայկական կողմն ադրբեջանցիներից պարզաբանում է պահանջել, նրանք հրաժարվել են, որ իրենք են արել դա։
Latest from ArmNews
- Կառավարությունը հրապարակել է ԱՄՆ-ի հետ երեք հուշագրերի բովադակությունը
- Մեկնարկում է արտադպրոցական հաստատությունների մանկավարժական աշխատողների կամավոր ատեստավորման հայտերի
- Երևանում իրանցի տղամարդը ոտնձգություն է կատարել սիրիացի կնոջ նկատմամբ
- Երևանում իրանցի տղամարդը ոտնձգություն է կատարել սիրիացի կնոջ նկատմամբ
- Քիմ Քարդաշյանը ցուցադրել է Սուրբ Ղազար կղզու հայկական ձեռագրերի հավաքածուն (լուսանկարներ)
- Տիգրան Ավինյանը հասարակական տրանսպորտում պատասխանում է ուղևորների հարցերին
- Նիկոլ Փաշինյանը Չինաստանից աշխատանքային այցով կմեկնի Ճապոնիա
- Մենք որևէ պատճառ չենք տեսնում ԵԱՀԿ Մինսկի խմբի լուծարումը կանխելու համար. ՌԴ ներկայացուցիչ
Լրահոս
Ֆոտո
