ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Մայիսի 13-ին՝ ժամը 10։30-ի սահմաններում, դեռևս չպարզված հանգամանքներում հոսանքահարման հետևանքով մահացել է ՀՀ ՊՆ N զորամասի զինծառայող Կարեն Էդգարի Ավետիսյանը։ Հայտնում են ՊՆ-ից:
«Դեպքի հանգամանքներն ամբողջովին պարզելու նպատակով ընթանում է քննություն։
Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակիցներին»,- նշված է հաղորդագրության մեջ:
ԱՄՆ-ն ընդլայնել է Իրանի դեմ պատժամիջոցները՝ չնայած կողմերի միջև ընթացող անուղղակի բանակցություններին
ԱՄՆ պետքարտուղարությունը հայտարարել է Իրանի դեմ պատժամիջոցների ընդլայնման մասին՝ չնայած իրանական միջուկային խնդրի շուրջ Վաշինգտոնի և Թեհրանի միջև շարունակվող անուղղակի բանակցություններին։
Նոր պատժամիջոցների մասին հայտարարություն է տարածել ԱՄՆ պետքարտուղար Մարկո Ռուբիոն։
«Պետքարտուղարությունը պատժամիջոցներ է կիրառում Իրանի երեք քաղաքացիների և մեկ իրանական կազմակերպության նկատմամբ, որը կապված է Իրանի պաշտպանության հետազոտությունների և նորարարությունների կազմակերպության հետ, որը հայտնի է իր պարսկական SPND հապավմամբ, որը ուղիղ իրավահաջորդն է 2004 թվականից առաջ գործող Իրանի միջուկային զենքի ծրագրի՝ նաև հայտնի որպես «Ամադ» նախագիծ», – ասվում է ԱՄՆ պետքարտուղարի հայտարարության մեջ։
Նշվում է, որ բոլոր նրանք, ովքեր հայտնվել են պատժամիջոցների տակ, «զբաղվում են այնպիսի գործունեությամբ, որը նպաստում է կամ վտանգ կա, որ նյութապես կնպաստի զանգվածային ոչնչացման զենքի տարածմանը»։
«ԱՄՆ-ի գործողությունները նպատակ ունեն հետաձգել և խաթարել SPND-ի՝ միջուկային զենքի հետազոտությունն ու մշակումն իրականացնելու կարողությունը», – ասվում է հայտարարության մեջ։Ըստ Ռուբիոյի՝ ԱՄՆ-ն մտադիր է կիրառել պատժամիջոցներ, որպեսզի Իրանը «երբեք չկարողանա միջուկային զենք ձեռք բերել»:
Ավելի վաղ Իրանի արտգործնախարար Աբբաս Արաղչին հայտարարել էր, որ Իրանի միջուկային խնդրի շուրջ Մասկատում կայացած վերջին բանակցություններում ԱՄՆ-ի հետ որոշակի փոխըմբռնում է ձեռք բերվել։
Մայիսի 11-ին Օմանում կայացել է Թեհրանի և Վաշինգտոնի միջև անուղղակի բանակցությունների չորրորդ փուլը։ Իրանական և ամերիկյան պատվիրակությունները գլխավորում էին Իրանի արտաքին գործերի նախարար Աբբաս Արաղչին և ԱՄՆ նախագահի հատուկ բանագնաց Սթիվ Ուիթքոֆը։
Մեքսիկայի Վերակրուս նահանգում նախընտրական քարոզարշավի ժամանակ գնդակահարվել է Տեկիստեպեկի քաղաքապետի թեկնածու Եսենիա Լարա Գուտիերեսը։ Հարձակման հետևանքով երեք մարդ զոհվել է, ևս երեքը՝ վիրավորվել, հայտնում է CNN-ը:
Հաղորդվում է, որ հարձակումը տեղի է ունեցել մայիսի 11-ի երեկոյան՝ քաղաքում հանրային միջոցառման ժամանակ, որը հեռարձակվել է Facebook-ի ուղիղ եթերում:
Քաղաքական գործիչների, մասնավորապես՝ ՏԻՄ պաշտոնների թեկնածուների վրա հարձակումները Մեքսիկայում ընտրական գործընթացի ժամանակ սովորական են դարձել: Ըստ Data Cívica իրավապաշտպան կազմակերպության՝ անցյալ տարի երկրում ռեկորդային՝ 661 հարձակում է եղել քաղաքական գործունեության հետ կապված մարդկանց վրա:
ՌԴ Կրասնոյարսկի երկրամասի պոլիկլինիկաներից մեկում բժիշկները, նախապես համաձայնեցված սխեմայի շրջանակում, իրար մոտ այցերի են հերթագրվել, որպեսզի մայիս ամսվա ընթացքում՝ տոնական օրերից առաջ, մի քանի հավելյալ ազատ օր ունենան: Այդպիսով նրանք արհեստական հերթ են ստեղծել՝ իրական բուժառուներին զրկելով բժիշկների մոտ այցի հերթագրվելու հնարավորությունից:
Դեպքի մասին պատմել է Կրասնոյարսկի երկրամասի առողջապահության նախարար Նատալյա Գովորուշկան առողջապահության պաշտպանության հարցերով հանձնաժողովի նիստում։ Նա մանրամասնել է, որ օրինակ՝ պոլիկլինիկայի աշխատակիցներից մեկը այդ օրերի համար գրանցել է 37 այց՝ երկու ժամով կրճատելով բժիշկների աշխատաժամանակը, գրում է krsk.aif.ru-ն։
Կրասնոյարսկի երկրամասի առողջապահության նախարարությունն արձագանքել է իրավիճակին։ Կատարվում է ծառայողական քննություն, հանգամանքների պարզաբանմամբ զբաղվում է դատախազությունը։
Իմ տպավորություններով՝ դեսպանը տեղյակ չէր և նոր է հարցում արել Վրաստան։ Սպասում ենք պատասխանի, նա խոստացավ, որ մոտակա ժամանակներում պատասխանը կստանա և կփոխանցի մեզ: Այս մասին Վրաստանի դեսպանատան դիմաց հայտնեց դեսպանի հետ հանդիպումից դուրս եկած կոյնակագործ Հայկ Շահնազարյանը։
Նա տեղեկացրեց, որ ներկայացրել է հայկական կողմի դիրքորոշումը, որ ապօրինի են բացում մեքենաները, բայց դեսպանը հակադարձել է, թե Վրաստանի օրենսդրությամբ իրենք իրավունք ունենին բացել մեքենաները և նմուշառում անեին։
«Մեր մեքենաները կանգնեցվել է, բեռը բացվել է, նմուշառումն կատարվել է և մենք դրա մասին ոչ մի թուղթ չունենք»,-հայտարարեց Շահնազարյանը։
Հոլիվուդյան դերասանուհի Էմբեր Հարդը, որը նախկինում ամուսնացած է եղել կինոաստղ Ջոնի Դեփի հետ, ինչպես նաև սիրային հարաբերությունների մեջ է եղել միլիարդատեր Իլոն Մասկի հետ, հայտարարել է երկվորյակների ծննդյան մասին։ Աստղն ուրախալի լուրով կիսվել է իր ֆոտոբլոգում՝ հրապարակելով իր նորածին երեխաների մասնակցությամբ լուսանկար։
Որոշ երկրպագուներ ենթադրել են, որ երեխաների հայրը կարող է Մասկը լինել:
Հարդի խոսքով՝ երկրորդ անգամ մայր է դարձել մայիսի 11-ին՝ խորհրդանշական տոնին՝ Մայրերի օրը: Նա նաև հայտնել է փոքրիկների անունները՝ որդուն անվանել է Օուշեն, իսկ դստերը՝ Ագնես։ Դերասանուհին որոշել է չբացահայտել, թե ով է երեխաների հայրը, ինչպես դա եղել է ավագ դստեր՝ Ունայի դեպքում, որը չորս տարի առաջ ծնվել էր փոխնակ մոր միջոցով։
«Մայրերի օրը 2025 թվականը հավերժ դաջված կմնա իմ հիշողության մեջ: Այս տարի ես լցված եմ անհուն ուրախությամբ, քանի որ նշում եմ այն ընտանիքի ծնունդը, որի մասին երազել և հանուն որի աշխատել եմ տարիներ շարունակ»,- գրել է Հարդը։
Դերասանուհին խոստովանել է, որ երկվորյակների ծնունդ տանող ճանապարհը հեշտ չի եղել, քանի որ դժվարությունների է հանդիպել հղիանալու հարցում։
«Քաղաքացիական պայմանագիր» խմբակցության պատգամավոր, ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը հույս ունի, որ հայ ժողովուրդն «ամուր նյարդեր» ունի ու չի տրվի ադրբեջանական սադրանքներին կապված սահմանային կրակոցների հետ։ Այս մասին նա այսօր ասաց ԱԺ-ում լրագրողների հետ զրույցում։
«Այդ կրակոցները նաև նպատակ են հետապնդում խաթարել հանրային անդորրը, և ես հույս ունեմ, որ դուք էլ չեք նպաստի այդ հանրային անդորրի խախտմանը՝ խուճապ տարածելով»,- ասաց Եղոյանը` նկատի ունենալով լրագրողներին։
Ավելի վաղ՝ ՊՆ մամուլի ծառայությունից Sputnik Արմենիային հայտնել էին, որ սահմանագծի երկայնքով երբեմն արձանագրվում են անկանոն, ոչ թիրախային կրակոցներ։
Հիշեցնենք, որ ՀՀ ՊՆ–ն մայիսի 10–ին հայտնել էր, որ ադրբեջանցիները մայիսի 9–ին դարձյալ կրակել են Խնածախի ուղղությամբ, ինչի հետևանքով վնասվել էր բնակելի տան տանիքը։
Եթե Հայաստանում լիներ բռնապետություն դուք ուղղակի պապանձված կլինեիք և չէիք կարող գալ ու այս ամբիոնից այդպիսի բաներ խոսել: Այս մասին ԱԺ ամբիոնից հայտարարեց «Քաղաքացիական պայմանագիր» խմբակցության ղեկավար Հայկ Կոնջորյանը՝ դիմելով ընդդիմությանը:
«Դա աքսիոմատիկ ճշմարտություն է, եթե մի երկրում լինի բռնապետություն որևէ մեկը չի կարող գալ ու երկրի ղեկավարի ու նրա ընտանիքի անդամների մասին ճամարտակել: Երբ որ ծաղրում ու խաչակրաց արշավանք եք իրականացնում «Կրթվելը նորաձև է» շարժման նկատմամբ, ուզում եմ ասել՝ ոչ կրթվելը ոչ նորաձևությունը ձեզ չեն սպառնում, դուք հանգիստ եղեք, դուք «ժիգուլի» եք ու մնալու եք «ժիգուլի»: Դա ձեր կատարյալ բնորոշումն է: Տգիտության մասին եք խոսում, բայց դուք տգիտության լաբորատոր նմուշ եք տեղով»,- ասաց նա:
Կոնջորյանը ապա հարց բարձրացրեց, թե ինչպե՞ս կարող են խմբակցության անդամներով գալ ու թիրախավորել վարչապետի կնոջը:
«Թիրախավորում եք այդքան իջնելով ու էժանանալով: Ես ուրիշ բացատրություն չեմ կարող գտնել բացի նրանից, որ դուք դժբախտ մարդ եք»,- ասաց նա:
Նշենք, որ Կոնջորյանը ելույթով պատասխանում էր «Հայաստան» խմբակցության պատգամավոր Արմենուհի Կյուրեղյանին, ով վարչապետ Նիկոլ Փաշինյանին անվանեց բռնապետիկ և խոսեց վարչապետի տիկնոջ՝ Աննա Հակոբյանի «Կրթվելը նորաձև է» շարժումից:
Մասնավորապես պատգամավորը հարց բարձրացրեց՝ արդյոք կրթողներն ունեն հավաստագիր մարդկանց կրթելու համար:
Վրաստանի վարչապետ Իրակլի Կոբախիձեն բաց նամակ է գրել Միացյալ Նահանգների նախագահ Դոնալդ Թրամփին և փոխնախագահ Ջեյ Դի Վենսին։ Ինչպես նշում է 1tv.ge-ն, նամակում նա նշում է, որ մի քանի շաբաթ առաջ Թրամփին և Վենսին գրել էր վրաց-ամերիկյան հարաբերությունների մասին, սակայն մինչ այժմ նամակին ոչ մի արձագանք և հրապարակային հայտարարություններ չեն հետևել։
«Այս լռությունը զարմացնում է վրաց ժողովրդին և Վրաստանի կառավարությանը մի քանի պատճառով.
Նախ՝ Վրաստանը երկար տարիներ եղել է ԱՄՆ-ի ամենավստահելի գործընկերը մեր բարդ տարածաշրջանում, որը ռազմավարական նշանակություն ունի ԱՄՆ-ի համար։ Վրաստանն աջակցում էր ԱՄՆ-ին ամենաթեժ կետերում, այդ թվում՝ Իրաքում և Աֆղանստանում, որտեղ մեկ շնչին ընկնող վրացական զորքերի թիվն ամենամեծն էր...
Հատկապես կարևոր է այն, որ եթե նայենք մեր կառավարության և ձեր վարչակազմի հրապարակային հռետորաբանությանը, ապա ապշեցուցիչ է մեր տեսակետների արժեքների և գաղափարախոսության լիակատար համընկնումը։ Մենք մի քանի տարի բացահայտ խոսում էինք «խորքային պետության»-ի, USAID-ի, Ժողովրդավարության ազգային հիմնադրամի և այլ համապատասխան կառույցների հանցավոր գործունեության մասին, նախքան ձեր կողմից նույնատիպ հայտարարություններ անելը։
Մենք բոլորովին միանման կարծիքներ ունենք ուկրաինական պատերազմի, գենդերային և ԼԳԲՏ քարոզչության և շատ այլ հարցերի վերաբերյալ։
Նման արժեքավոր և գաղափարական մերձեցման ֆոնին վրաց ժողովուրդն ի սկզբանե ակնկալում էր, որ Վրաստանը կդառնա առաջին երկրներից մեկը, որի նկատմամբ ձեր վարչակազմը հատուկ հետաքրքրություն կցուցաբերի։ Դուք նման հետաքրքրություն ցուցաբերեցիք Ռումինիայի և Գերմանիայի նկատմամբ, որտեղ եվրոպական բյուրոկրատիայի աջակցությամբ ոչ ժողովրդավարական գործողություններ էին իրականացվում։ Սակայն, ի զարմանս վրաց ժողովրդի և մեզ, դուք մինչ օրս նման ուշադրություն չեք ցուցաբերել Վրաստանի նկատմամբ»,- ասված է նամակում։
Այնուամենայնիվ Կոբախիձեն հույս է հայտնել, որ վրացական կողմը դեռ լավատես է և հուսով է, որ Թրամփի վարչակազմի ընդդիմանալը «խորքային պետությանը» անկեղծ է և կավարտվի դրա պարտությամբ։
«Վրաստանի կառավարությունը համբերատար սպասում է այս պահին, որը պետք է հիմք հանդիսանա վրաց-ամերիկյան հարաբերությունների վերագործարկման և մեր երկրների միջև ռազմավարական գործընկերության վերականգնման համար», - ասված է բաց նամակում։
Դահլիճում տեղի ունեցածը սադրվեց ընդդիմադիր պատգամավորների կողմից, տեղի ունեցավ որոշակի վեճ, լեզվակռիվ, որի մեջ մեղր չեն բաժանում: Այս մասին խորհրդարանում լրագրողների հետ զրույցում ասաց ՔՊ-ական պատգամավոր Արման Եղոյանը՝ անդրադառնալով ԱԺ-ում հարցուպատասխանի ժամանակ տեղի ունեցած վիճաբանությանը, որտեղ Նիկոլ Փաշինյանը սպառնացել է ընդդիմադիր պատգամավորներին և անվանել «համբալ»:
«Բայց կհամաձայնեք ինձ հետ, որ դա ամենևին նորմա չէ: Վարչապետի դեպքում նման պորռթկումներ, այն էլ վեճի ժամանակ կարող են լինել հազարից մեկ անգամ: Նման վեճեր աշխարհի տարբեր խորհրդարաններում լինում են, և մարդիկ՝ քաղաքական գործիչները, իրար հաճախ որոշակի վիրավորական բառերով կարող են դիմել»,- ասաց նա:
Հարցին ներողություն պե՞տք է խնդրի Փաշինյանը քաղաքացիներից, Եղոյանն ասաց, որ քաղաքացիները ի՞նչ կապ ունեն, կոնկրետ մարդկանց է դիմում։
Ճշտող հարցին էլ՝ կոնկրետ մարդկանցից կխնդրի՞ ներողությունը, նա արձագանքեց. «Դժվար թե, որովհետև դա հասկանում եք, իսկ այդ կոնկրետ մարդիկ իրենց ասածների համար ներողություն խնդրո՞ւմ են»:
Ֆոտո
