Առաջիկա օրերին Իսրայելը կմտնի Գազա «իր ողջ հզորությամբ»՝ ՀԱՄԱՍ-ին լիովին ջախջախելու համար, և չի դադարեցնի պատերազմը՝ մինչև լիակատար հաղթանակ։ Այս մասին հայտնել է Իսրայելի վարչապետ Բենիամին Նեթանյահուն։

Իսրայելի ռազմաքաղաքական ղեկավարությունը հաստատել էր Գազայի հատվածում ռազմական գործողությունների ընդլայնման ծրագիրը, որը ներառում է պաղեստինյան անկլավը գրավելու հնարավորությունը։

ԱՄՆ նախագահ Դոնալդ Թրամփի հատուկ բանագնաց Սթիվեն Ուիթքոֆը և Ուկրաինայի հարցով հատուկ բանագնաց Քիթ Քելլոգը կմեկնեն Ստամբուլ, որտեղ մայիսի 15-ին Ուկրաինայի հարցով ռուս-ուկրաինական բանակցություններ են կայանալու։ Այս մասին Reuters-ին հայտնել են աղբյուրները։ 

Մինչդեռ CNN-ի փոխանցմամբ՝  Թրամփի ներկայացուցիչները կսահմանափակվեն Մոսկվայի և Կիևի միջև երկխոսության շրջանակում միայն դիտորդի դերով։

ՌԴ նախագահ Վլադիմիր Պուտինը մայիսի 11-ի գիշերը Կրեմլում լրագրողների հետ զրույցում առաջարկել է Կիևի իշխանություններին առանաց նախապայմանների վերսկսել ուղիղ բանակցությունները։ Նա առաջարկել է երկխոսությունը սկսել մայիսի 15-ին Ստամբուլում։ Թրամփը ողջունել է առաջարկը, իսկ Ուկրաինայի նախագահ Վլադիմիր Զելենսկին ասել է, որ ակնկալում է անձամբ Պուտինի մասնակցությունը:

Մայիսի 13-ին ՀՀ պաշտպանության նախարար Սուրեն Պապիկյանը Բեռլինում հանդիպել է Միացյալ Թագավորության զինված ուժերի նախարար Լյուկ Փոլարդի հետ: Այս ամսին հայտնում են ՊՆ-ից:

Հանդիպման ընթացքում քննարկվել են պաշտպանության բնագավառում Հայաստան-Միացյալ Թագավորություն համագործակցության հիմնական ուղղություններին և դրանց զարգացման հեռանկարներին առնչվող հարցեր: 

Երկուստեք պատրաստակամություն են հայտնել համագործակցությանը նոր թափ հաղորդել՝ երկու երկրներում պաշտպանության հարցերով կցորդներ նշանակելով:

Անդրադարձել են նաև տարածաշրջանային և միջազգային անվտանգությանը վերաբերող հարցերի:

Ֆրանսիացի դերասան Ժերար Դեպարդյոն կբողոքարկի Փարիզի դատարանի որոշումը, որը նրան մեղավոր է ճանաչել կինոարդյունաբերության երկու կին աշխատողների նկատմամբ սեռական ոտնձգությունների համար։ Այս մասին լսումների ավարտից հետո լրագրողներին հայտնել է նրա փաստաբան Ժերեմի Ասուն։

«Ժերար Դեպարդյոն մեղավոր է ճանաչվել, ակնհայտ է, որ նա կբողոքարկի այս որոշումը»,- ասել է նա։ 

Փարիզի դատարանը կինոաստղին մեղավոր է ճանաչել 2021 թվականին ֆիլմի նկարահանումների ժամանակ անձնակազմի երկու կին անդամի նկատմամբ սեռական բնույթի ոտնձգությունների գործով։ Նա դատապարտվել է 18 ամսվա պայմանական ազատազրկման։ 

76-ամյա կինոաստղը մեղադրվում էր Les Volets Verts ֆիլմի 54-ամյա զգեստների ձևավորողի և 34-ամյա ռեժիսորի օգնականի նկատմամբ նկարահանման հրապարակում ոտնձգություն կատարելու համար:

Դատախազները պնդում են, որ խոսքն անպարկեշտ արտահայտությունների և անպատշաճ հպումների մասին է: Երկու կանայք էլ պաշտոնական բողոքներ են ներկայացրել: Դերասանը հերքում է մեղադրանքը։

2023 թվականի հոկտեմբերին Le Figaro-ում հրապարակված բաց նամակում Դեպարդյոն գրել էր. «Ես երբեք բռնության չեմ ենթարկել կնոջը»։ Դատավարությունն ի սկզբանե նախատեսված էր 2024 թվականի հոկտեմբերին, սակայն հետաձգվել էր՝ Դեպարդյոյի առողջական վիճակի պատճառով։ Այժմ սպասվում է, որ նա կմասնակցի երկօրյա դատական ​​նիստին:

Սա առաջին դեպքը չէ, երբ Դեպարդյոն՝ Ֆրանսիայի ամենահայտնի կինոդերասաններից մեկը,  մեղադրվում է սեռական ոտնձգությունների համար։ Նախկինում շուրջ 20 կին նրան մեղադրել են ոչ պատշաճ վարքի համար, սակայն դերասանը դատարանի առաջ չի կանգնել։ Որոշ գործեր կարճվել են ապացույցների բացակայության կամ վաղեմության ժամկետի պատճառով: Սպասվում է, որ դատարանը դատաքննության ընթացքում կլսի վկաների ցուցմունքները: 

Մայիսի 13-ին՝ ժամը 10։30-ի սահմաններում, դեռևս չպարզված հանգամանքներում հոսանքահարման հետևանքով մահացել է ՀՀ ՊՆ N զորամասի զինծառայող Կարեն Էդգարի Ավետիսյանը։ Հայտնում են ՊՆ-ից: 

«Դեպքի հանգամանքներն ամբողջովին պարզելու նպատակով ընթանում է քննություն։

Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակիցներին»,- նշված է հաղորդագրության մեջ:

ԱՄՆ պետքարտուղարությունը հայտարարել է Իրանի դեմ պատժամիջոցների ընդլայնման մասին՝ չնայած իրանական միջուկային խնդրի շուրջ Վաշինգտոնի և Թեհրանի միջև շարունակվող անուղղակի բանակցություններին։

Նոր պատժամիջոցների մասին հայտարարություն է տարածել ԱՄՆ պետքարտուղար Մարկո Ռուբիոն։

«Պետքարտուղարությունը պատժամիջոցներ է կիրառում Իրանի երեք քաղաքացիների և մեկ իրանական կազմակերպության նկատմամբ, որը կապված է Իրանի պաշտպանության հետազոտությունների և նորարարությունների կազմակերպության հետ, որը հայտնի է իր պարսկական SPND հապավմամբ, որը ուղիղ իրավահաջորդն է 2004 թվականից առաջ գործող Իրանի միջուկային զենքի ծրագրի՝ նաև հայտնի որպես «Ամադ» նախագիծ», – ասվում է ԱՄՆ պետքարտուղարի հայտարարության մեջ։

Նշվում է, որ բոլոր նրանք, ովքեր հայտնվել են պատժամիջոցների տակ, «զբաղվում են այնպիսի գործունեությամբ, որը նպաստում է կամ վտանգ կա, որ նյութապես կնպաստի զանգվածային ոչնչացման զենքի տարածմանը»։

«ԱՄՆ-ի գործողությունները նպատակ ունեն հետաձգել և խաթարել SPND-ի՝ միջուկային զենքի հետազոտությունն ու մշակումն իրականացնելու կարողությունը», – ասվում է հայտարարության մեջ։Ըստ Ռուբիոյի՝ ԱՄՆ-ն մտադիր է կիրառել պատժամիջոցներ, որպեսզի Իրանը «երբեք չկարողանա միջուկային զենք ձեռք բերել»:

Ավելի վաղ Իրանի արտգործնախարար Աբբաս Արաղչին հայտարարել էր, որ Իրանի միջուկային խնդրի շուրջ Մասկատում կայացած վերջին բանակցություններում ԱՄՆ-ի հետ որոշակի փոխըմբռնում է ձեռք բերվել։

Մայիսի 11-ին Օմանում կայացել է Թեհրանի և Վաշինգտոնի միջև անուղղակի բանակցությունների չորրորդ փուլը։ Իրանական և ամերիկյան պատվիրակությունները գլխավորում էին Իրանի արտաքին գործերի նախարար Աբբաս Արաղչին և ԱՄՆ նախագահի հատուկ բանագնաց Սթիվ Ուիթքոֆը։

Մեքսիկայի Վերակրուս նահանգում նախընտրական քարոզարշավի ժամանակ գնդակահարվել է Տեկիստեպեկի քաղաքապետի թեկնածու Եսենիա Լարա Գուտիերեսը։ Հարձակման հետևանքով երեք մարդ զոհվել է, ևս երեքը՝ վիրավորվել, հայտնում է CNN-ը:

Հաղորդվում է, որ հարձակումը տեղի է ունեցել մայիսի 11-ի երեկոյան՝ քաղաքում հանրային միջոցառման ժամանակ, որը հեռարձակվել է Facebook-ի ուղիղ եթերում:

Քաղաքական գործիչների, մասնավորապես՝ ՏԻՄ պաշտոնների թեկնածուների վրա հարձակումները Մեքսիկայում ընտրական գործընթացի ժամանակ սովորական են դարձել: Ըստ Data Cívica իրավապաշտպան կազմակերպության՝ անցյալ տարի երկրում ռեկորդային՝ 661 հարձակում է եղել քաղաքական գործունեության հետ կապված մարդկանց  վրա:

ՌԴ Կրասնոյարսկի երկրամասի պոլիկլինիկաներից մեկում բժիշկները, նախապես համաձայնեցված սխեմայի շրջանակում, իրար մոտ այցերի են հերթագրվել, որպեսզի մայիս ամսվա ընթացքում՝ տոնական օրերից առաջ, մի քանի հավելյալ ազատ օր ունենան: Այդպիսով նրանք արհեստական հերթ են ստեղծել՝ իրական բուժառուներին զրկելով բժիշկների մոտ այցի հերթագրվելու հնարավորությունից:

Դեպքի մասին պատմել է  Կրասնոյարսկի երկրամասի առողջապահության նախարար Նատալյա Գովորուշկան առողջապահության պաշտպանության հարցերով հանձնաժողովի նիստում։ Նա մանրամասնել է, որ օրինակ՝ պոլիկլինիկայի աշխատակիցներից մեկը այդ օրերի համար գրանցել է 37 այց՝ երկու ժամով կրճատելով բժիշկների աշխատաժամանակը, գրում է krsk.aif.ru-ն։

Կրասնոյարսկի երկրամասի առողջապահության նախարարությունն արձագանքել է իրավիճակին։ Կատարվում է ծառայողական քննություն, հանգամանքների պարզաբանմամբ զբաղվում է  դատախազությունը։

Իմ տպավորություններով՝ դեսպանը տեղյակ չէր և նոր է հարցում արել Վրաստան։ Սպասում ենք պատասխանի, նա խոստացավ, որ մոտակա ժամանակներում պատասխանը կստանա և կփոխանցի մեզ: Այս մասին Վրաստանի դեսպանատան դիմաց հայտնեց դեսպանի հետ հանդիպումից դուրս եկած կոյնակագործ Հայկ Շահնազարյանը։

Նա տեղեկացրեց, որ ներկայացրել է հայկական կողմի դիրքորոշումը, որ ապօրինի են բացում մեքենաները, բայց դեսպանը հակադարձել է, թե Վրաստանի օրենսդրությամբ իրենք իրավունք ունենին բացել մեքենաները և նմուշառում անեին։

«Մեր մեքենաները կանգնեցվել է, բեռը բացվել է, նմուշառումն կատարվել է և մենք դրա մասին ոչ մի թուղթ չունենք»,-հայտարարեց Շահնազարյանը։

Հոլիվուդյան դերասանուհի Էմբեր Հարդը, որը նախկինում ամուսնացած է եղել կինոաստղ Ջոնի Դեփի հետ, ինչպես նաև սիրային հարաբերությունների մեջ է եղել միլիարդատեր Իլոն Մասկի հետ, հայտարարել է երկվորյակների ծննդյան մասին։ Աստղն ուրախալի լուրով կիսվել է իր ֆոտոբլոգում՝ հրապարակելով իր նորածին երեխաների մասնակցությամբ լուսանկար։

Որոշ երկրպագուներ ենթադրել են, որ երեխաների հայրը կարող է Մասկը լինել:

Հարդի խոսքով՝ երկրորդ անգամ մայր է դարձել մայիսի 11-ին՝ խորհրդանշական տոնին՝ Մայրերի օրը: Նա նաև հայտնել է փոքրիկների անունները՝ որդուն անվանել է Օուշեն, իսկ դստերը՝ Ագնես։ Դերասանուհին որոշել է չբացահայտել, թե ով է երեխաների հայրը, ինչպես դա եղել է ավագ դստեր՝ Ունայի դեպքում, որը չորս տարի առաջ ծնվել էր փոխնակ մոր միջոցով։

«Մայրերի օրը 2025 թվականը հավերժ դաջված կմնա իմ հիշողության մեջ: Այս տարի ես լցված եմ անհուն ուրախությամբ, քանի որ նշում եմ այն ​​ընտանիքի ծնունդը, որի մասին երազել և հանուն որի աշխատել եմ տարիներ շարունակ»,- գրել է Հարդը։

Դերասանուհին խոստովանել է, որ երկվորյակների ծնունդ տանող ճանապարհը հեշտ չի եղել, քանի որ դժվարությունների է հանդիպել հղիանալու հարցում։