Ուկրաինայի նախագահ Վոլոդիմիր Զելենսկին հայտարարել է, որ պատվիրակություն է ուղարկելու Ստամբուլ՝ Ռուսաստանի հետ բանակցությունների համար։ Այն կգլխավորի պաշտպանության նախարար Ումերովը: 

«Մենք ռուսական պատվիրակության կազմում եկածների մեջ չենք տեսնում նրանց, ովքեր որոշումներ են կայացնում: Չնայած դրան, հարգելով Թրամփին, Թուրքիային և Էրդողանին, ցանկանալով փորձել համաձայնության գալ, փորձելով հասնել դեէսկալացիայի առաջին քայլերին, ես որոշեցի մեր պատվիրակությունը ուղարկել Ստամբուլ»,- ասել է Զելենսկին։

Միևնույն ժամանակ, Զելենսկին նախազգուշացրել է, որ եթե Ռուսաստանը պատերազմին վերջ տալու իրական պատրաստակամություն չցուցաբերի, Ուկրաինան կդիմի ԱՄՆ-ին, ԵՄ-ին և համաշխարհային հարավի երկրներին՝ Ռուսաստանի դեմ կոշտ պատժամիջոցներ կիրառելու խնդրանքով։

ԱՄՆ նախագահ Դոնալդ Թրամփի օդանավն էմիրաթական կործանիչների ուղեկցությամբ ժամանել է Արաբական Միացյալ Էմիրությունների մայրաքաղաք Աբու Դաբի։ Այս մասին հայտնում է Աբու Դաբի հեռուստաալիքը։

Օդանավակայանում Թրամփին դիմավորել է ԱՄԷ նախագահ Մուհամմադ բին Զայիդ ալ-Նահյանը։

Թրամփին դիմավորել են ազգային երգ ու պարով։

Դիմավորման արարողությունից հետո երկու երկրների առաջնորդները զրույց են ունեցել, որից հետո օրակարգի համաձայն՝ Թրամփը մեկնել է  Շեյխ Զայիդի մեծ մզկիթ։

Առաջիկա ժամերի ընթացքում դիմավորման պաշտոնական արարողություն տեղի կունենա Կասր ալ-Ուատան նախագահական պալատում։

Այցի ընթացքում Թրամփը ներկա կգտնվի ԱՄԷ-ԱՄՆ տնտեսական ֆորումին, որին կմասնակցեն երկու կողմերի բիզնես առաջնորդներ։

Թրամփն իր այցը կամփոփի պաշտոնական ընթրիքով, որին կմասնակցեն երկու կողմից հայտնի անձինք։

Սա ԱՄՆ նախագահի առաջին այցն է ԱՄԷ 17 տարվա ընթացքում, իսկ նախագահի պաշտոնում՝ ընդհանրապես առաջին այցը։ Ըստ էմիրաթական հեռուստաալիքի՝ այս այցելությունը հաստատում է Արաբական Միացյալ Էմիրությունների և Ամերիկայի Միացյալ Նահանգների միջև ռազմավարական գործընկերության խորությունը և արտացոլում է համատեղ հանձնառությունը՝ խթանելու խաղաղությունը, ամրապնդելու անվտանգությունն ու բարգավաճումը տարածաշրջանում։

Մայիսի 15-ին ԱՄԷ այցով Դոնալդ Թրամփը կավարտի իր մերձավորարևելյան շրջագայությունը, որը ներառել է այցելություններ նաև Սաուդյան Արաբիա և Կատար։

Բեռլինը պատրաստ է հետևել ԱՄՆ նախագահ Դոնալդ Թրամփի պահանջին, որ ՆԱՏՕ-ի անդամ երկրները պետք է պաշտպանական ծախսերը հասցնեն իրենց ՀՆԱ-ի 5%-ին։ Deutsche Welle-ն տեղեկացնում է, որ այս մասին Անթալիայում ԱՄՆ պետքարտուղար Մարկո Ռուբիոյի հետ բանակցություններից հետո հայտնել է Գերմանիայի արտգործնախարար Յոհան Վադեֆուլը։

Դաշինքի արտգործնախարարների ոչ պաշտոնական հանդիպման շրջանակներում լրագրողների հետ զրույցում Վադեֆուլն ասել է, որ ՆԱՏՕ-ի գլխավոր քարտուղար Մարկ Ռյուտեն նախանշել է «5%-ի նպատակին հասնելու ծրագիրը, որը պահանջում է նախագահ Թրամփը, և որը նա անհրաժեշտ է համարում»:

«Եվ մենք կհետևենք դրան», – ասել է Գերմանիայի ԱԳՆ ղեկավարը։

Իր հերթին ԱՄՆ պետքարտուղարն ասել է, որ ՆԱՏՕ-ն ձգտում է վերացնել իր կառուցվածքում «թույլ օղակները», որպեսզի ամրապնդի դաշինքի ընդհանուր հզորությունը։

«Դաշինքի հզորությունը որոշվում է նրա ամենաթույլ օղակի ուժով, և մենք ձգտում ենք նրան, որ ՆԱՏՕ-ում թույլ օղակներ չլինեն», – ասել է Ռուբիոն։

Գլխավոր քարտուղար Ռյուտեն ավելի վաղ առաջարկել էր, որ դաշնակիցները մինչև 2032 թվականը մեծացնեն ռազմական ծախսերը մինչև ՀՆԱ-ի 3,5%-ը, իսկ ևս 1,5%-ը ծախսեն պաշտպանության հետ կապված այլ նպատակների վրա, ինչպիսիք են ենթակառուցվածքները և կիբերանվտանգությունը: Այս ծրագիրն արդեն աջակցություն է ստացել ԱՄՆ-ից։ Դաշինքի ներկայիս թիրախը 2%-ն է, թեև ոչ բոլոր երկրներին է հաջողվել հասնել նույնիսկ այդ մակարդակին։

Ռյուտեն ՆԱՏՕ-ի արտգործնախարարների հանդիպմանը ժամանելիս ուշադրություն էր հրավիրել Ռուսաստանի պաշտպանական արդյունաբերության հաջողությունների վրա։

«Մենք պետք է ավելի շատ արտադրենք ՆԱՏՕ-ում, հատկապես, երբ նայում ենք Ռուսաստանին. նրանք այնքան են հաջողել այս հարցում, և մենք պետք է գերազանցենք նրանց այս առումով», – ընդգծել է դաշինքի ղեկավարը։

Առաջիկայում վայր եմ դնելու մանդատս որպես Վաղարշապատ համայքնի ավագանու անդամ ու այլևս չեմ զբաղեցնելու համայնքի ղեկավաի պաշտոնը։

Վաղարշապատ համայնքի ղեկավար Դիանա Գասպարյան

Կայծակի հուժկու հարվածը Գեղարքունիքի Գագարին գյուղում։

Գագիկ Սուրենյանը տեսանյութ է հրապարակել։

Արարատի մարզի Մխչյան գյուղի Քրիստափոր Ալավերդյանի անվան դպրոցում տեղի ունեցած դեպքով նախաձեռնվել է քրեական վարույթ: 4 անձի նկատմամբ հարուցվել է հանրային քրեական հետապնդում, 1 անձի վերաբերյալ կա ձերբակալման որոշում: Այս մասին հայտնեցին Քննչական կոմիտեից: 

«Դեպքի առթիվ նախաձեռնվել է քրեական վարույթ՝ Քրեական օրենսգրքի 258-րդ հոդվածի 2-րդ մասի 2-րդ, 5-րդ, 8-րդ կետերով (շորթումը, որը կատարվել է մի խումբ անձանց կողմից նախնական համաձայնությամբ անօգնական վիճակում գտնվողի նկատմամբ, անչափահասի նկատմամբ):

4 անձի նկատմամբ հարուցվել է հանրային քրեական հետապնդում՝ Քրեական օրենսգրքի 258-րդ հոդվածի 2-րդ մասի 2-րդ, 5-րդ, 8-րդ կետերով: 2-ի նկատմամբ որպես խափանման միջոց կիրառվել է դաստիարակչական հսկողություն և վարչական հսկողություն, 1-ի նկատմամբ՝ տնային կալանք և բացակայելու արգելք, 1 անձի վերաբերյալ կա ձերբակալման որոշում»,- նշել են ՔԿ-ից:

Ավելի վաղ ԶԼՄ-ներում լուրեր էին տարածվել, որ օրեր առաջ դպրոցում տեղի է ունեցել սարսափելի միջադեպ։ Ըստ տեղեկությունների՝ բարձր դասարանների մի քանի տղաներ դպրոցի զուգարանում կապկպել են 4-րդ դասարանի երկու աշակերտի և ստիպողաբար թմրանյութ տվել, որից հետո երեխաների մոտ կախվածություն է առաջացել, նրանք սկսել են տնից գումար գողանալ՝ կրկին նույն աշակերտներից թմրանյութ գնելու նպատակով։

Թուրքիայի արտգործնախարար Հաքան Ֆիդանը հույս է հայտնել, որ Ստամբուլում մեկնարկող ՌԴ-Ուկրաինա խաղաղ բանակցությունները «թույլ կտան նոր էջ բացել»: Այս մասին դիվանագետն ասել է թուրքական Անթալիայում ՆԱՏՕ-ի երկրների ԱԳ նախարարների ոչ պաշտոնական հանդիպման ժամանակ։

«Թուրքիան մշտապես հանդես է եկել դիվանագիտության միջոցով խաղաղության հասնելու օգտին։ Երեք տարվա տառապանքներից հետո մենք տեսնում ենք, որ հնարավորությունների պատուհան է բացվել։ Հուսով եմ, որ բանակցությունները, որոնք տեղի կունենան Ստամբուլում, թույլ կտան մեզ նոր էջ բացել»,-հայտարարել Է Թուրքիայի արտգործնախարարը։

ՀՀ ԱԳՆ-ից հայտնում են, որ ՀՀ վարչապետ Նիկոլ Փաշինյանի պատվիրակության կազմում նախարար Միրզոյանը մեկնել է Ալբանիա, որտեղ կանցկացվի Եվրոպական քաղաքական համայնքի հերթական՝ 6-րդ գագաթնաժողովը:

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ կատարվել են Մայր Աթոռ Սուրբ Էջմիածնի միաբանների նոր նշանակումներ։

Հոգեշնորհ Տ. Ռուբեն վարդապետ Զարգարյանը սույն թվականի մայիսի 15-ից նշանակվել է Մայր Աթոռ Սուրբ Էջմիածնի Եկեղեցական հայեցակարգային բաժնի տնօրեն՝ ազատվելով Քրեակատարողական հիմնարկների հոգևոր տեսչի պարտականություններից:

Հոգեշնորհ Տ․ Իսահակ վարդապետ Պողոսյանը սույն թվականի մայիսի 15-ից նշանակվել է Մայր Աթոռ Սուրբ Էջմիածնի Քրեակատարողական հիմնարկների հոգևոր տեսուչ՝ ազատվելով Սուրբ Խոր Վիրապ վանքի վանահոր պարտականություններից։

ԱՄՆ նախագահ Դոնալդ Թրամփը հայտարարել է, որ Ռուսաստանի և Ուկրաինայի միջև հակամարտության շուրջ բանակցություններում «ոչինչ տեղի չի ունենա», մինչև ինքը չհանդիպի ՌԴ նախագահ Վլադիմիր Պուտինի հետ։ Սպիտակ տան ղեկավարն այս մասին լրագրողներին ասել է նախագահական ինքնաթիռում՝ Կատարից ԱՄԷ մեկնելիս։ Այս մասին հաղորդում է CNN-ը։

«Ոչինչ չի լինի, մինչև ես և Պուտինը չհանդիպենք, լա՞վ: Եվ ակնհայտորեն, նա չէր պատրաստվում գնալ: Նա պատրաստվում էր գնալ, բայց կարծում էր, թե ես գնում եմ։ Նա չէր գնա, եթե ես այնտեղ չլինեի, և ես չեմ կարծում, որ որևէ բան տեղի կունենա, դա ձեզ դուր գա թե ոչ, մինչև ես և նա չհանդիպենք: Բայց մենք ստիպված կլինենք լուծել սա, քանի որ շատ մարդիկ են մահանում», – ասել է Թրամփը։

Նա հավելել է, որ հիասթափված չէ Թուրքիա մեկնած ռուսական պատվիրակության կազմի պատճառով։

«Ես ոչնչից էլ հիասթափված չեմ…. Ես ոչինչ չգիտեմ պատվիրակության մասին, նույնիսկ չեմ ճշտել», – ասել է Թրամփը՝ նշելով, որ իր այցի ընթացքում 4 տրիլիոն դոլարի ներդրումներ է գրավել, ուստի հիասթափված լինելու առիթ չունի։