Իսրայելի կողմից իրանական միջուկային օբյեկտների վրա գրոհի դեպքում ԱՄՆ-ն կդիտարկվի որպես մեղսակից. Իրանի ԱԳՆ
Իրանական միջուկային օբյեկտներին Իսրայելի հարվածի դեպքում Իրանը Միացյալ Նահանգներին կդիտարկի որպես այդ գրոհի մեղսակից և կստիպի նրան պատասխան տալ դրա համար։
Mehr գործակալությունը հաղորդում է, որ այս մասին Իրանի արտաքին գործերի նախարար Աբբաս Արաղչին նամակ է գրել ՄԱԿ-ի գլխավոր քարտուղար Անտոնիու Գուտերեշին և Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսիին:
«Իրանը սիոնիստական ռեժիմին զգուշացնում է զերծ մնալ ցանկացած չմտածված գործողությունից և հայտարարում, որ այդ ռեժիմի կողմից ցանկացած սպառնալիք կամ խախտում կարժանանա կոշտ և վճռական պատասխանի: Մենք նաև համոզված ենք, որ սիոնիստական ռեժիմի կողմից Իրանի Իսլամական Հանրապետության միջուկային օբյեկտների վրա հարձակման դեպքում ԱՄՆ-ի կառավարությունը կդառնա այս հարձակման մեղսակիցը և դրա համար իրավական պատասխանատվություն կկրի», – ասվում է Արաղչիի նամակում։
Ավելի վաղ ամերիկացի մի շարք պաշտոնյաներ CNN-ին հայտնել էին, որ ԱՄՆ-ն նոր հետախուզական տվյալներ է ստացել, որոնք վկայում են այն մասին, որ Իսրայելը պատրաստվում է հարված հասցնել Իրանի միջուկային օբյեկտներին՝ չնայած նախագահ Դոնալդ Թրամփի վարչակազմը փորձում է համաձայնության հասնել Թեհրանի հետ նրա միջուկային ծրագրի շուրջ:
Latest from ArmNews
- 2025 թ-ի ապրիլին Հայաստան է այցելել 123,705 զբոսաշրջիկ
- Վրաստանի բանկը սահմանափակել է ռուսաստանցիների համար գնումների վճարումը
- Թուրքիան ակնկալում է, որ Բաքուն և Երևանը խաղաղության պայմանագիր կստորագրեն
- Թրամփը կմասնակցի Կանադայում կայանալիք G7-ի գագաթնաժողովին. Սպիտակ տուն
- Ուկրաինան Ռուսաստանին է փոխանցել «1000-ը՝ 1000-ի դիմաց» ձևաչափով գերիների փոխանակման անվանացանկը
- Ով է ընտրվել Արցախի խորհրդարանի նախագահ
- Հնդիկ գործարարները բոյկոտ են հայտարարել Թուրքիային և Ադրբեջանին
- Թուրքիայի Ազգային անվտանգության խորհրդի նիստում քննարկվել է Ադրբեջանի և Հայաստանի միջև խաղաղության գործընթացը
Լրահոս
Ֆոտո
