Իրան-ԱՄՆ բանակցությունների 5-րդ փուլը տեղի կունենա մայիսի 23-ին Հռոմում
Վաշինգտոնի և Թեհրանի միջև Իսլամական Հանրապետության միջուկային ծրագրի շուրջ տարաձայնությունները հարթելու նպատակով բանակցությունների 5-րդ փուլը տեղի կունենա մայիսի 23-ին Հռոմում: Այս մասին հայտնում է Իրանի ԱԳՆ Telegram ալիքը՝ վկայակոչելով գերատեսչության ղեկավար Էսմայիլ Բաղաին։
Բաղաին հավելել է, որ Թեհրանը «վճռական է պաշտպանել Իրանի ժողովրդի իրավունքներն ու շահերը միջուկային էներգիայի խաղաղ օգտագործման հարցում»։
Իրանի և ԱՄՆ-ի միջև միջուկային հիմնախնդրի և ամերիկյան պատժամիջոցների վերացման շուրջ բանակցությունները շարունակվում են ապրիլից։ Վաշինգտոնը մտավախություն ունի, որ Թեհրանը կարող է միջուկային զենք ստեղծել սեփական ծրագրի շրջանակում:
Միաժամանակ Իրանը պնդում է, որ այդ ծրագիրն օգտագործվում է խաղաղ ճանապարհով։ ԱՄՆ նախագահ Դոնալդ Թրամփը պարզաբանել է, որ Իսլամական Հանրապետության հետ պոտենցիալ նոր համաձայնագիրը կտարբերվի Գործողությունների համատեղ համապարփակ ծրագրից (ԳՀՀԾ) և կլինի «ավելի ուժեղ»։
Latest from ArmNews
- Մոսկվայի 3 օդանավակայանում ավելի քան 160 չվերթ է հետաձգվել
- Թուրքիայում ցունամիի նախազգուշացում է տրվել
- Բաքու թռչող ինքնաթիռում ՌԴ քաղաքացի է մահացել
- Պայման ենք դնելու կnնյակագործների առաջ. Պապոյան
- Bitcoin-ի գինը գերազանցել է պատմական առավելագույնը՝ 110,000 դոլար
- Որքան ժամանակ է մնացել Բայդենին ապրելու. բժիշկը մանրամասներ է հայտնել
- Սպասվում է առանց տեղումների եղանակ. օդի ջերմաստիճանն էապես չի փոխվի
- Պետական բյուջեից 84,5 մլն դրամ կհատկացվի ԱՆԻՖ-ին
Լրահոս
Ֆոտո
