Մեղադրվող անձինք թաղապատերանի բաժիններից մեկում զբաղեցրել են առաջատար մասնագետների պաշտոնը։ Տեղյակ լինելով այն մասին, որ զվարճանքի կենտրոններից մեկը գիշերային ժամերին աշխատելու թույլտվություն չունի ու չի վճարել 1 մլն ՀՀ դրամի չափով տեղական տուրքը, կաշառք են ուզել տվյալ կենտրոնից՝ հովանավորչության և ապօրինի անգործության համար։ Մասնավորաբար, նրանք որևէ միջոց չեն ձեռնարկել իրավախախտումն արձանագրելու համար, ավելին՝ 1 տարվա ընթացքում զվարճանքի կենտրոնի աշխատանքին չխոչընդոտելու համար 2025 թվականի ապրիլի 15-ին կենտրոնի ներկայացուցչից պահանջել են 600.000 ՀՀ դրամ կաշառք:

«Կաշառք ստանալու և կաշառք տալու նմանակում» գաղտնի քննչական գործողության արդյունքում հիշյալ աշխատակիցներից մեկը ձերբակալվել է 600.000 ՀՀ դրամ կաշառքը ստանալու պահին։

Երկու աշխատակիցներին մեղադրանք է ներկայացվել ՀՀ քրեական օրենսգրքի 435-րդ հոդվածի (կաշառք ստանալ) 1-ին, 2-րդ և 3-րդ կետերով: Նրանցից մեկի նկատմամբ որպես խափանման միջոց է կիրառվել տնային կալանքը, իսկ մյուսի նկատմամբ՝ կալանքը: