Համացանցում են հայտնվել դերասան Ջուդ Լոուի՝ Վլադիմիր Պուտինի կերպարով առաջին կադրերը, որտեղ նա մարմնավորել է Պուտինին «Կրեմլի կախարդը» ֆիլմի նկարահանման հրապարակում։ Լուսանկարները, lurer.com-ի փոխանցմամբ,  հրապարակել է Ura.ru Telegram ալիքը։

Բացի Ջուդ Լոուից՝ ֆիլմում նկարահանվել են նաև Թոմ Սթարիջը, Փոլ Դանոն և Զաք Գալիֆիանակիսը։ Նկարահանումները ընթանում են Ռիգայում։

Իտալիայի վարչապետ Մատեո Ռենցիի ավագ խորհրդական Ջուլիանո դա Էմպոլիի համանուն գրքի հիման վրա նկարահանված «Կրեմլի կախարդը» ֆիլմը նկարահանվում է ֆրանսիացի ռեժիսոր և սցենարիստ Օլիվյե Ասայասի կողմից։ Ըստ սյուժեի՝ պրոդյուսեր Վադիմ Բարանովն իր կարիերայի սկզբում դառնում է ՌԴ նախագահի քաղաքական ստրատեգ։ Մի շարք փորձագետների կարծիքով՝ գրքի հերոսի նախատիպը ռուս պաշտոնյա Վլադիսլավ Սուրկովն է։ Ինքը՝ աստղային դերասանը, այս դերն անվանել է պրոֆեսիոնալ «Էվերեստ»։

ՌԴ նախագահի մամուլի քարտուղար Դմիտրի Պեսկովը հայտնել է, որ Կրեմլը գիտի նկարահանումների մասին, սակայն ֆիլմի ստեղծողները խորհրդակցությունների համար չեն դիմել։

Վաշինգտոնում Ռուսաստանի դեսպան Ալեքսանդր Դարչիևը մարտի 26-ին կմեկնի ԱՄՆ։ Այս մասին ՏԱՍՍ-ին հայտնել է աղբյուրը։

Մարտի սկզբին ՌԴ նախագահ Վլադիմիր Պուտինը հրամանագիր է ստորագրել Դարչիևին, ով մինչև վերջերս ղեկավարում էր ՌԴ ԱԳՆ Հյուսիսատլանտյան վարչությունը, Վաշինգտոնում, Ռուսաստանի դեսպան նշանակելու մասին։ 

Փետրվարի 18-ին Էր Ռիադում Մոսկվայի և Վաշինգտոնի միջև բանակցությունների ընթացքում պայմանավորվածություն է ձեռք բերվել ապահովելու ԱՄՆ-ում Ռուսաստանի և Ռուսաստանում ԱՄՆ դեսպանների արագ նշանակումը: Սա Ռուսաստանի և ԱՄՆ-ի միջև հարաբերությունների կարգավորման շուրջ նորացված երկխոսության արդյունքն էր, որն ուղղված է առաջին հերթին, ինչպես նշել է Մոսկվան, դիվանագետների լիարժեք աշխատանքի վերականգնմանը։

ԱՄՆ-ում Ռուսաստանի նախկին դեսպան Անատոլի Անտոնովն իր առաքելությունն ավարտել է 2024 թվականի հոկտեմբերին։

Ռուսական Առաջին ալիքի ռազմական թղթակից Աննա Պրոկոֆևան զոհվել է Բելգորոդի մարզում, վիրավորվել է նաև օպերատոր Դմիտրի Վոլկովը, որն ուղեկցել է նրան: Այս մասին հայտնել է ռուսական Առաջին ալիքը։

«Մասնագիտական պարտքը կատարելիս զոհվել է Առաջին ալիքի ռազմական թղթակից Աննա Պրոկոֆևան։ Դա տեղի է ունեցել Բելգորոդի մարզում՝ Ուկրաինայի հետ սահմանին, որտեղ Առաջինի նկարահանող խումբը պայթել է թշնամու ականի վրա։ Աննայի հետ գտնվող օպերատոր Դմիտրի Վոլկովը վիրավորվել է»,-հայտնել են ալիքից։

Վաղարշապատի քաղաքապետ Դիանա Գասպարյանը հաստատում է տեղեկությունը, որ սկեսրային պատկանող գազալցակայանում տեղի ունեցած սպանությունից հետո իրավապահները խուզարկել են իրենց բնակարանը: Այս մասին հաղորդում է Ազատությունը:

Խոսնակի փոխանցմամբ, իրավապահները փնտրել են գազալցակայանի տեսախցիկների կրիչները, բայց դրանք չեն հայտնաբերել:

Ըստ խոսնակի՝ «ոչինչ չեն հայտնաբերել, քանի որ գազալցակայանի տարածքը եղել է նորգման մեջ և տեսախցիկներով պետք է կահավորվեր աշխատանքների ավարտին»:

էջմիածնեցի 35-ամյա Արթուր Պարոնյանի՝ գազալցակայանում սպանությունից հետո, քննչականը քրեական գործ է հարուցել, մեկ հոգու մեղադրյալ ներգրավել։ Իրավապահները չեն հայտնում, թե ով է մեղադրյալը և արդյո՞ք նրան գտել ու ձերբակալել են:

«Հետք»-ի տեղեկություններով՝ սպանություն կատարելու մեջ կասկածվում է 33-ամյա «Ճապ» մականունով տղամարդը:

ՀՀ սննդամթերքի անվտանգության տեսչական մարմնի ղեկավարի հրամանով՝ 2025թ. մարտի 26-ից ժամանակավորապես արգելվել է Գերմանիայի Դաշնային Հանրապետությունից, ինչպես նաև այլ երկրներից գերմանական ծագում ունեցող, Գերմանիայով տարանցիկ փոխադրվող դաբաղ հիվանդության նկատմամբ ընկալունակ կենդանիների (խոշոր և մանր եղջերավոր կենդանիների, խոզերի և ուղտազգիների), ինչպես նաև դրանցից ստացված թարմ, պաղեցված, սառեցված մսի և ենթամթերքների, խոշոր եղջերավոր կենդանիների (ներառյալ գոմեշների) չմշակված մորթերի ներմուծումը Հայաստանի Հանրապետություն:

Արգելանքը սահմանվել է՝ հիմք ընդունելով Գերմանիայի Դաշնային Հանրապետությունում արձանագրված դաբաղ հիվանդության վերաբերյալ Կենդանիների առողջության համաշխարհային կազմակերպության (OIE) պաշտոնական կայք էջում հրապարակված տեղեկատվությունը:

Մարտի 26-ին Հալեպում ՀՀ գլխավոր հյուպատոսություն է այցելել Հալեպում Թուրքիայի գլխավոր հյուպատոս Մուամմեր Հաքան Ջենքիզը և փոխհյուպատոս Էրինը: Ողջունելով հյուրերին Հալեպում ՀՀ գլխավոր հյուպատոս Արա Ավետիսյանը շնորհավորել է Մ. Ջենքիզին՝ նախ երկարաժամկետ դադարից հետո Թուրքիայի հյուպատոսության վերաբացման. ապա այդ պաշտոնում իր նշանակման և Ռամադան ամսվա կապակցությամբ: Նա տեղեկացրել է, որ ՀՀ գլխավոր հյուպատոսությունը գործում է Հալեպում ավելի քան 30 տարի և իր հիմնադրման օրվանից երբևէ չի դադարեցրել իր գործունեությունը, նույնիսկ Հալեպի պաշարման և պատերազմի օրերին: Ա. Ավետիսյանը շնորհակալություն է հայտնել վերջերս ՀՀ-ից Սիրիա մարդասիրական օգնության տեղափոխման հարցում թրքական կողմի աջակցության և այդ երկրով ավտոշարասյան անարգել անցման կապակցությամբ:

Շնորհակալություն հայտնելով ընդունելության համար Մ. Ջենքիզը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու Հալեպում գործող միակ դիվանագիտական ներկայացուցչություն և ծանոթանալու իր հայ գործընկերոջը:

ՀՀ գլխավոր հյուպատոսը հաջողություն է մաղթել թուրք գործընկերոջը իր դժվարին առաքելությունում է: Հանդիպման ավարտին Մ. Ջենքիզը ջերմ շնորհակալություն է հայտնել ընդունելության համար և հրավիրել է Ա. Ավետիսյանին Թուրքիայի գլխավոր հյուպատոսության բացմանը, ինչպես նաև հարմարության դեպքում այցելելու ԹՀ հյուպատոսության ժամանակավոր գրասենյակ՝ հրավերն ընդունվել է: Կողմերը պայմանավորվել են շարունակել գործակցությունը:

Եթե Աղազարյանը շարունակեր մնալ ՔՊ-ում արդյո՞ք կգայիք նույն միջնորդությամբ. Թովմասյանը՝ դատախազին

Բաքու-Թբիլիսի-Կարս (ԲԹԿ) երկաթուղին կմիանա նաև Ադրբեջանի էքսկլավին՝ Նախիջևանին: Այս մասին գրում է aliq.ge-ն։

Վրաստանյան bpn.ge լրատվամիջոցի փոխանցմամբ՝ նախագծի ղեկավար Օսման Բեշերեկն ասել է, որ արդեն իրագործման փուլում է գտնվում Թուրքիայի Կարսի, Իգդիրի և Ադրբեջանի Նախիջևանի միջև երկաթուղային նախագիծը, որն ապագայում ինտեգրվելու է Բաքու-Թբիլիսի-Կարս (ԲԹԿ) երկաթուղուն:

Նրա խոսքով, Նախիջևան-Իգդիր երթուղին կնվազեցնի Կարս ճանապարհորդության ժամանակը մինչև 85 րոպե, իսկ ԲԹԿ-ի հետ ինտեգրումը կնպաստի Եվրոպայի և Ասիայի միջև առևտրային հարաբերությունների զարգացմանը և նոր հեռանկարներ կստեղծի միջազգային բեռնափոխադրումների համար:

Ի վերջո, Կենտրոնական Ասիայի և Եվրոպայի միջև ուղևորափոխադրումների ժամանակը 18-ից կկրճատվի մինչև 12 օր։

Ծրագրի շրջանակներում Թուրքիայում 5 նոր երկաթուղային կայան կկառուցվի՝ Դիգորում, Թուզլուջայում, Իգդիրում, Արալիկայում և Դիլուջուում։ Ներկայումս Իգդիրում աշխատանքների հիմնական մասն է ընթանում։

Կարս-Իգդիր-Նախիջևան երկաթուղային գծի երկարությունը կկազմի մոտավորապես 224 կմ։ Իգդիրում արդեն կառուցվում է առաջին շինարարական բազան, որից հետո կսկսվի երկաթուղու շինարարությունը։ Երկուղային երկաթուղային երթուղին ամբողջությամբ էլեկտրիֆիկացված և կահավորված կլինի ազդանշանային համակարգով: Նախագիծը նախատեսվում է ավարտել 5 տարում։

Բեշերեկի խոսքով, «Կարս-Իգդիր-Նախիջևան երկաթգիծը «Զանգեզուրի միջանցք»-ի մի մասն է և ոչ միայն Թուրքիան կապելու է Ադրբեջանի հետ, այլև դառնալու է համաշխարհային տրանսպորտային և առևտրային ուղիների հիմնական զարկերակներից մեկը»։

Գործարկվելուց հետո գնացքները երկաթուղային գծով կընթանան մինչև 160 կմ/ժ արագությամբ:

«Հրապարակ» թերթը գրում է. «Արդարադատության նախարար Սրբուհի Գալյանը նշանակման օրվանից կադրային ջարդ է սկսել նախարարությունում։ Ազատել է նախարարի տեղակալներին, որոշ վարչության պետերի, ստորաբաժանումների ղեկավարների։

Մեր տեղեկություններով՝ նախկին նախարար Գրիգոր Մինասյանի կադրերից ազատվելը ոչ միայն նրա ցանկությունն է, այլեւ վերեւից իջած հրահանգ։ Անգամ չի խնայել իր համակուրսեցուն, որը Մինասյանի հետ մտերիմ է եղել: Փորձեցինք պարզել, թե քանի պաշտոնյա է հեռացել ԱՆ-ից: Ազատվել է վերահսկողության պետը, նրա փոխարեն նշանակվել է նախկին դատախազ Արսեն Սիմոնյանը։

Ազատվել է Քրեական օրենսդրության, քրեակատարողական եւ պրոբացիայի ոլորտի քաղաքականության մշակման վարչության պետը, նշանակվել է Կլարա Գասպարյանը, Միջազգային իրավական համագործակցության վարչության պետ է նշանակվել Ռուբինա Մխիթարյանը, որը նախարարությունում բաժնի պետ է եղել։ Առհասարակ, Գալյանը կանանց հանդեպ թուլություն ունի եւ անգամ Քրեակատարողական ծառայության պետ նշանակեց կնոջ` Ծովինար Թադեւոսյանին, որին համակարգը չի ընդունում:

Մեզ ասացին, որ կադրային ջարդը շարունակվելու է։ Նախարարությունից մեկնաբանություն խնդրեցինք կադրային ջարդի վերաբերյալ, պատախանեցին․ «Բոլոր կառույցներին բնորոշ, ԱՆ-ում նույնպես կադրային փոխատեղումներ եւ շարժեր են լինում: Փոփոխությունների, նշանակումների վերաբերյալ տեղեկատվությունն օպերատիվ կերպով թարմացվում է նախարարության կայքում: Այդ գործընթացները բնավ նույնական չեն «կադրային ջարդ» ձեւակերպմանը»:

Արմեն Հովասափյանը գրում է. «Տևական ժամանակ չարչրկվող «խաղաղության համաձայնագրի» մասին անդադար խոսող իշխանությունը կարծես մոռանում է մեկ կարևոր բան։ Հանրությունը դեռևս տեղյակ չէ, թե ինչի մասին են այդքան շահարկվող «17 կետերը», ինչ հարցերի շուրջ են Ադրբեջանի հետ համաձայնության եկել, և ամենակարևորը՝ ինչ ենք զիջել, որ գերմանացի դիվանագետը դա բնորոշեց որպես «խիզախ զիջումներ», իսկ ՔՊ-ական մի ներկայացուցիչ էլ Հ1-ի տաղավարում նույն բառերով վերահաստատեց այդ ձևակերպումը։

Նման իրավիճակում թվում է, թե իշխանությունն իր հերթին վերածել է այս գործընթացը մի նոր «Գարնան 17 ակնթարթի»՝ «Համաձայնագրի 17 կետերի» անվան տակ։

Կարևոր է արձանագրել, որ վերջին երկու «խիզախ զիջումների»՝ «պետական սահմանին երրորդ երկրի ներկայացուցիչ չունենալու» և «միմյանց նկատմամբ միջազգային հայցերը հետ կանչելու» մասին մենք առաջինը տեղեկանում ենք ադրբեջանական կողմից։ Փաստացի, Ալիևի վարչակազմն է հայտարարում, որ այս թեման արդեն փակված է, և որ իրենք եկել են վերջնական արդյունքի։

Այստեղ առաջանում է ևս մեկ լեգիտիմ հարց․ ստացվում է, որ իշխանությունները ստեղծել են այնպիսի միջավայր, որտեղ սովորական քաղաքացին սկսում է ավելի շատ հավատալ Ալիևին, քան Նիկոլին։ Ավելին, տպավորություն է, թե Ալիևը նույնիսկ ավելի անկեղծ ու ուղղախոս է, քանի որ նրա հայտարարած որևէ բան հայկական կողմը չի հերքում, այլ պարզապես գլխիկոր իրականացնում է։ Այս ամենը միայն մեկ բան է ապացուցում՝ իշխանությունը դարձել է Ալիևի «պատվավոր հյուպատոսը» Հայաստանում և փաստացի տանում է պանթյուրքիզմի առաջխաղացման քաղաքականություն»։