ՀՀ և ՌԴ փոխարտգործնախարարները քննարկել են երկկողմ հարաբերությունները
Մարտի 20-ին Մոսկվայում Հայաստանի Հանրապետության և Ռուսաստանի Դաշնության արտաքին գործերի նախարարությունների միջև կայացել են քաղաքական խորհրդակցություններ ՀՀ ԱԳ նախարարի տեղակալ Մնացական Սաֆարյանի և ՌԴ ԱԳ նախարարի տեղակալ Միխայիլ Գալուզինի գլխավորությամբ։ Այս մասին տեղեկացնում են ՀՀ ԱԳՆ-ից։
Խորհրդակցությունների շրջանակներում կողմերը քննարկել են երկկողմ հարաբերությունների օրակարգի հարցերի լայն շրջանակ: Հայաստանի Հանրապետության և Ռուսաստանի Դաշնության միջև հարաբերությունների զարգացման համատեքստում կարևորվել է բոլոր մակարդակներում, այդ թվում՝ արտաքին գործերի նախարարությունների գծով քաղաքական երկխոսությունը, ինչպես նաև տարբեր ոլորտներում փոխշահավետ համագործակցության շարունակականությունը։
Մտքեր են փոխանակվել Հայաստանի և Ռուսաստանի միջև առևտրատնտեսական փոխգործակցության զարգացման, ինչպես նաև մշակութային և հումանիտար ուղղություններով առաջիկայում իրականացվելիք համատեղ միջոցառումների և ծրագրերի վերաբերյալ:
Նախարարի տեղակալը ՌԴ գործընկերոջը տեղեկացրել է ՀՀ արտաքին քաղաքականության հիմնական ուղղությունների և տեսլականի, ինչպես նաև Ադրբեջանի հետ երկկողմ ձևաչափում սահմանազատման ուղղությամբ արձանագրված առաջընթացի, խաղաղության համաձայնագրի համաձայնեցման, ՀՀ կողմից «Խաղաղության խաչմերուկ» ծրագրի շրջանակներում ապաշրջափակման ուղղությամբ տարվող աշխատանքների վերաբերյալ:
Քննարկվել են նաև տարածաշրջանի զարգացումներին առնչվող մի շարք հարցեր:
Latest from ArmNews
- Առաջիկա օրերին ԱՄՆ-ն, Մեծ Բրիտանիան, Ֆրանսիան և Գերմանիան անմիջականորեն կմիանան Իսրայելին՝ Իրանի դեմ պատերազմում․ ԶԼՄ-ներ
- ԱՄՆ-ը տարհանում է Երուսաղեմում և Թել Ավիվում գտնվող իր դիվանագետներին և նրանց ընտանիքներին
- Պարզապես փախեք, մենք որոշում ենք կայացրել․ Իրանն Իսրայելի վրա հրթիռային հարվածների նոր ալիք է սկսել․ Մանրամասներ
- Չեղարկվել են դեպի Դուբայ և Աբու Դաբի չվերթները
- Իրանն Իսրայելին հակահարված է տվել հին սերնդի հրթիռներով
- Երևանում Hyundai-ն բախվել է կայանված Ford և 2 Toyota Camry մեքենաներին. գլխիվայր շրջվել. կին վարորդը եղել է ոչ սթափ
- Գիտեք, մենք բոլորս միամիտ մարդիկ ենք, միշտ վստահում ենք բոլորին. Պուտին
- ՌԴ-ն Ուկրաինային է հանձնել ևս 1,200 զինվորի մարմին
Լրահոս
Ֆոտո
