ՀՀ և ՌԴ փոխարտգործնախարարները քննարկել են երկկողմ հարաբերությունները
Մարտի 20-ին Մոսկվայում Հայաստանի Հանրապետության և Ռուսաստանի Դաշնության արտաքին գործերի նախարարությունների միջև կայացել են քաղաքական խորհրդակցություններ ՀՀ ԱԳ նախարարի տեղակալ Մնացական Սաֆարյանի և ՌԴ ԱԳ նախարարի տեղակալ Միխայիլ Գալուզինի գլխավորությամբ։ Այս մասին տեղեկացնում են ՀՀ ԱԳՆ-ից։
Խորհրդակցությունների շրջանակներում կողմերը քննարկել են երկկողմ հարաբերությունների օրակարգի հարցերի լայն շրջանակ: Հայաստանի Հանրապետության և Ռուսաստանի Դաշնության միջև հարաբերությունների զարգացման համատեքստում կարևորվել է բոլոր մակարդակներում, այդ թվում՝ արտաքին գործերի նախարարությունների գծով քաղաքական երկխոսությունը, ինչպես նաև տարբեր ոլորտներում փոխշահավետ համագործակցության շարունակականությունը։
Մտքեր են փոխանակվել Հայաստանի և Ռուսաստանի միջև առևտրատնտեսական փոխգործակցության զարգացման, ինչպես նաև մշակութային և հումանիտար ուղղություններով առաջիկայում իրականացվելիք համատեղ միջոցառումների և ծրագրերի վերաբերյալ:
Նախարարի տեղակալը ՌԴ գործընկերոջը տեղեկացրել է ՀՀ արտաքին քաղաքականության հիմնական ուղղությունների և տեսլականի, ինչպես նաև Ադրբեջանի հետ երկկողմ ձևաչափում սահմանազատման ուղղությամբ արձանագրված առաջընթացի, խաղաղության համաձայնագրի համաձայնեցման, ՀՀ կողմից «Խաղաղության խաչմերուկ» ծրագրի շրջանակներում ապաշրջափակման ուղղությամբ տարվող աշխատանքների վերաբերյալ:
Քննարկվել են նաև տարածաշրջանի զարգացումներին առնչվող մի շարք հարցեր:
Latest from ArmNews
- Այս պահին Իրանը հրթիռակոծում է Իսրայելը
- Իրանը ծրագրում է մոտ ժամանակներս ավերիչ հարվածներ հասցնել Իսրայելին
- Կրակոցներ՝ Երևանում հայտնի «Ուրարտու» ռեստորանային համալիրում․ կա վիրավոր
- ՔՊ-ական նախկին թաղապետ է կալանավորվել
- Ժամեր առաջ իսրայելական 2 ԱԹՍ-ի հարվածից վնասվել են «Հարավային Փարս» և «Ֆաջր-ե Ջամ» գազային ենթակառուցվածքները. Վարդան Ոսկանյան
- Իսրայելը հարվածում է թիրախներին, Իրանի ՀՕՊ-ը հետ է մղում
- Եթե փողոցը սկսվի մինչև ընդդիմության միավորվելը, այդ այն կլինի նաև չմիացած «ընդդիմադիրների» դեմ. Նարեկ Մալյան
- Պուտինն ու Թրամփը քննարկել են Մերձավոր Արևելքում սրվող իրավիճակը
Լրահոս
Ֆոտո
