Ամերիկյան Սոլթ Լեյք Սիթի քաղաքում (Յուտա նահանգ) ցույցի ժամանակ կրակոցներ են տեղի ունեցել, և մեկ մարդ գտնվում է ծանր վիճակում, հայտնում է քաղաքային ոստիկանությունը X սոցիալական ցանցում։

«Մենք հետաքննում ենք կրակոցների դեպք, որը, ենթադրաբար, կապված է Սթեյթ փողոցի մոտ տեղի ունեցած ցույցի հետ... Կարող ենք հաստատել, որ կրակոցների հետևանքով մեկ մարդ ծանր վիճակում է», - ասվում է ոստիկանության հայտարարության մեջ։

Հայտարարության մեջ նաև ասվում է, որ ոստիկանությունը միջադեպից հետո ձերբակալել է մեկ անձի: Տեղական հեռուստաընկերությունը և KUTV հեռուստաալիքը հայտնել են, որ միջադեպը տեղի է ունեցել ԱՄՆ նախագահ Դոնալդ Թրամփի քաղաքականության դեմ ուղղված «Ո՛չ թագավորներին» (No Kings) համազգային բողոքի ակցիայի ժամանակ: