Մայիսի 04, 2025
Արցախի ՊԲ-ն ենթարկվում էր ՀՀ-ին մինչև վերջին օրը, բայց ՀՀ-ն մատը մատին չտվեց, որ մնայինք այնտեղ
Սահմանազատման գործընթացին համամիտ չեմ եղել և բարձրաձայնել եմ, որ ճիշտ մոտեցումը 1925-1926 թթ. քարտեզներով սահմանազատում անելն է։ Ըստ այդ քարտեզների ՀՀ-ն 30․000 ք/կմ է։ Ադրբեջանը մեզանից ուզում է, որ Մեղրիով ճանապարհ կառուցենք, իրենց տանք, որ հեշտացված կարգով անցնեն ու Նախիջևանին միանան, հիմա հարց է ծագում՝ ո՞ր քարտեզն է ճիշտ։ Նախիջևանը կտրված է Ադրբեջանից ավելի շատ Իրանի հսկողության տակ է, եթե Ադրբեջանն ուզում է ճանապարհ ստանալ, պատրաստ է գնալ քայլերի։ 24TV-ի հաղորդման ժամանակ նման կարծիք հայտնեց ԱՀ պաշտպանության բանակի նախկին հրամանատար, ԱՀ ԱԽ նախկին քարտուղար Սամվել Բաբայանը։
«1976 թվականի քարտեզն ի նպաստ Ադրբեջանի է, սպասելի է, որ ամբողջ տարածքը կսահմանազատվի այդ քարտեզներով, բայց համոզված եմ, որ Ադրբեջանն ամբողջական սահմանազատման չի գնալու։ Փաշինյանը, չորս գյուղերը տալով, բարի կամքի ժեստ է արել, բայց Բաքուն գրաված տարածքներից հետ չի քաշվելու»,- ընդգծեց Բաբայանը։
Նախկին հրամանատարի խոսքով, 1999 թվականից հետո ՀՀ-ն է դարձել Արցախի անվտանգության երաշխավորը․
«Ղարաբաղցիների Արցախից դուրս գալու մինչև վերջին օրն Արցախի ՊԲ-ն ենթարկվում էր ՀՀ-ին, ինչը սխալ էր, նամակներ ունեմ գրած, որ ենթարկացնեին այնտեղ»։
Դիտարկմանը, թե ինչո՞ւ Արցախի ՊԲ-ն մեկ օրում զենքերը հանձնեց, Բաբայանը պատասխանեց, որ հարցնենք ՀՀ ՊՆ-ին ու հրամանատարին։
«ՀՀ իշխանությունը մատը մատին չխփեց, որ մնանք Արցախում, ասեցին՝ ձեր ներքին գործն է, չենք խառնվում, դա փաստ է։ Վերջ տվեք, հատվածային իրար վրա մեղք գցելուն, պարտվողը բոլորս ենք, որ լռել ենք այդքան տարի»։
Անդրադառնալով Նիկոլ Փաշինյանի հրաժարականը պահանջող պայքարին Սամվել Բաբայանը նշեց, որ ինքը դեռ երկու տարի առաջ է ասել, որ պետք է արտահերթ ընտրություններ լինեն, բայց եթե ընդդիմությունն ուզում է, որ Բագրատ Սրբազանը պայքարը տանի մինչև վերջ, պետք է մանդատները դնեն, այդ ժամանակ միայն հրապարակի թիվը կքառապատկվի։
Մանրամասները տեսանյութում։
Latest from ArmNews
- Տղամարդն իր հարսանիքից հետո է պարզել, որ իր հարսնացուն իրականում տղամարդ է
- Իսրայելը փորձում է ներսիրիական հակամարտություն հրահրել. Էրդողան
- Մոսկվայում արգելվել է հրավառությունը
- Նոր պայթյուն Իրանում․ գործարանում խոշոր հրդեհ է բռնկվել
- Սիրեկանների չորս տեսակ. թույլ, չափավոր, ինտենսիվ եւ ցանկասեր
- Բրազիլիայի ոստիկանությունը ահաբեկչություն է կանխել Լեդի Գագայի համերգի ժամանակ
- Սին հույսեր չեմ տալիս, բայց գալու է նպատակը առաջ տանելու ժամանակը. Սերժ Սարգսյան. Տեսանյութ
- Թրամփը հայտարարել է, որ մտադիր չէ 3-րդ անգամ առաջադրվել նախագահի պաշտոնում
Լրահոս
Prev
Next
Ֆոտո
