Բուլղարիայի 50-րդ գումարման Ժողովրդական ժողովի նախագահ է ընտրվել հայազգի իրավաբան Ռայա Նազարյանը, հայտնում է Raduo Bulgaria-ն։

Նրա թեկնածությանը կողմ է քվեարկել 131, դեմ՝ 66, ձեռնպահ՝ 39 պատգամավոր։

Ընտրվելուց հետո Ռայա Նազարյանն իր ելույթում նշել է, որ պատգամավորները կարող են իր վրա հույս դնել երկխոսության, արդարության, իրավահավասարության և Ազգային ժողովի կանոնադրությանը, օրենքներին ու կանոնակարգերին անվերապահորեն հետևելու առումով։

ՀՀԿ գործադիր մարմնի անդամ Էդուարդ Շարմազանովի ֆեյսբուքյան գրառումը․ «Եվ դաշնակիցները, և գործընկերները, և նույնիսկ հակառակորդներն արձանագրել են Սերժ Սարգսյանի անվտանգային ու արտաքին քաղաքական կուրսի ձեռքբերումները։

Վերջին շրջանում տարբեր իշխանական շրջանակներ, տարատեսակ հաճախորդներ ու նույնիսկ որոշ «ընդդիմադիրներ» հերթական արշավն են ձեռնարկել Սերժ Սարգսյանի ու ՀՀԿ-ի դեմ։

Նիկոլին թողած՝ նախկինների դեմ են պայքարում։

Ուզո՞ւմ եք համեմատենք նախկինն ու ներկան, խնդիր չկա:

Սերժ Սարգսյանը Շուշին է ազատագրել, իսկ Նիկոլը՝ հանձնել։

Սերժ Սարգսյանը 1994-ի հաղթական զինադադարն է ստորագրել, իսկ Նիկոլը՝ նոյեմբերի 9-ի կապիտուլյացիան։

Սերժ Սարգսյանի օրոք ԱՄՆ-ի, ՌԴ-ի ու Ֆրանսիայի նախագահները 5 հայտարարություններ են արել՝ ճանաչելով Արցախի ժողովրդի ինքնորոշման իրավունքը, իսկ Նիկոլի օրոք՝ Արցախում հայ չի մնացել։

Սերժ Սարգսյանի օրոք Արաքսի հովտից մինչեւ Օմար կանգնած էր հայ զինվորը, Նիկոլի ժամանակ՝ ՀՀ 300 քառ.կմ օկուպացված է։

Սերժ Սարգսյանի ժամանակ՝ 2016-ի գարնանը Թուրքիան ստիպված միանում էր ԵԱՀԿ Մինսկի խմբի Արցախյան խնդիրը ռազմական ուժով լուծելու դատապարտող հայտարարությանը, իսկ Նիկոլի ժամանակ՝ Ալիեւը կոչ է անում փակել ԵԱՀԿ Մինսկի խմբի համանախագահությունը։

Սերժ Սարգսյանի օրոք՝ 2016-ի հոկտեմբերի 7 -ին Ալիեւին ճնշում էին ճանաչել Արցախի անկախությունը, իսկ հիմա Ալիեւն է ՀՀ-ն անվանում «Արևմտյան Ադրբեջան»։

Աերժ Սարգսյանը ՄԱԿ-ի ամբիոնից «գրողի ծոցը» ուղարկեց թուրքական նախապայմաններն ու արձանագրությունները, իսկ Նիկոլը զանգում շնորհավորում է «բայրաքթարներով» հազարավոր հայեր սպանած թուրքական աշխարհի ղեկավարին։

Սերժ Սարգսյանի օրոք՝ 2015-ի ապրիլի 24-ին Ֆրանսիայի ու ՌԴ-ի նախագահներ Օլանդն ու Պուտինը Ծիծեռնակաբերդում դատապարտում էին Հայոց ցեղասպանությունը, իսկ այսօր Նիկոլը վախում է նույնիսկ խոսել ցեղասպանության դատապարտումից։

Սերժ Սարգսյանից Ալիևը «վառված» է, քանի որ 30 տարի Ադրբեջանը պարտված է եղել։

Իսկ թե ինչո՞ւ են նիկոլիստները, հաճախորդներն ու կեղծ ընդդիմադիրները «վառված» Սերժ Սարգսյանից ու ՀՀԿ-ից՝ եզրակացրեք ինքներդ։

Երևի Բաքվից կամ Անկարայից հրահանգ են ստացել»։

Աղբյուրը` Էդուարդ Շարմազանով

Լրագրող Նաիրի Հոխիկյանը թելեգրամյան իր ալիքում գրում է․ «Գրեթե միաժամանակ Հայաստանի իշխանական ու ընդդիմադիր առաջնորդների հետ հանդիպեցին ու հրապարակային ուղերձներ հղեցին ԱՄՆ բարձրաստիճան պաշտոնյաները և նրանց շահերի սպասարկող քաղաքական ուժերը։

Նախ հունիսի 11-ին Հայաստան ժամանեց ԱՄՆ փոխպետքարտուղար Ջեյմս Օ՛Բրայենը և Նիկոլ Փաշինյանի հետ հանդիպմանը հայտարարեց, որ ԱՄՆ-ը Հայաստանի հետ երկկողմ առևտուրն ընդլայնելու, ինչպես նաև գլոբալ առևտրում Հայաստանի մասնաբաժինը մեծացնելու հնարավորություններ է տեսնում։ Ակտիվ քննարկում եղավ ԱՄՆ և Հայաստանի իշխանությունների միջև փակ դռների հետևում։

Հետո, հունիսի 16-ին Բագրատ Սրբազանի հետ հանդիպում ունեցան ու այդ հանդիպման լուրը լայնորեն տարածեցին ամերիկյան երազանքով ու ԱՄՆ -ից սնվող ԱԺԲ կուսակցության առաջնորդները' շեշտելով համագործակցությունը խորացնելու մտադրությունը։

Դրանից ուղիղ մեկ օր անց' հունիսի 17-ին, Հայաստան ժամանեց ԱՄՆ պետքարտուղարի տեղակալ Ռիչարդ Վերման, ով պաշտոնական հանդիպումներ ունեցավ ՀՀ վարչապետի, նախագահի և ԱԳ նախարարի հետ, քննարկեց տարածաշրջանային կոնկրետ հարցեր։

Իշխանության խոհանոցից տեղեկատվական արտահոսքից իմանում ենք, որ ԱՄՆ -ն շտապեցնում է Հայաստանի իշխանությանը' օր առաջ կյանքի կոչել դեռևս 2020 թվականի պատերազմից առաջ խոստացված "Զանգեզուրի միջին միջանցք" նախագիծը, որով Ադրբեջանը ուղիղ ցամաքային անվերահսկելի կապ կունենա Նախիջևանի և Թուրքիայի հետ, ապա' դեպի Եվրոպա և հատկապես Անգլիա' Արցախից տեղափոխելով անսահման քանակության ոսկու, պղնձի, ուրանի և այլ հանքանյութեր։

Մյուս կողմից Ռուսաստանը և Իրանը թույլ չեն տալիս Հայաստանի հարավը դարձնել արևմտյան բեռնափոխադրումների անվերահսկելի հարթակ' ձգտելով իրենց հսկողության տակ պահել այն։

Այս համատեքստում պատահական չէին ԱՄՆ փոխպետքարտուղար Ջեյմս Օ՛Բրայենի և պետքարտուղարի տեղակալ Ռիչարդ Վերմայի իրար հաջորդող այցերը Հայաստան։ ԱՄՆ -ն սկսել է ավելի կոշտ միջոցներով ճնշել ՀՀ կառավարությանը' արագացնելու տված խոստման կատարումը' սպառնալով, որ եթե Նիկոլը դրժի տված խոստումը, ԱՄՆ -ն աջակցություն կհայտնի Բագրատ Սրբազանին։ ԱԺԲ-ի հունիսի 16-ի հանդիպումը Սրբազանի հետ և լայնորեն լուսաբանումը հենց այդ նպատակն ունի։

Կարևոր է, որ ազգային ընդդիմությունը զգոն լինի և չդառնա գործիք աշխարհաքաղաքական կենտրոնների ձեռքին»։

Աժ «Հայաստան» խմբակցության պատգամավոր Գառնիկ Դանիելյանն այսօր «Հայելի» ակումբում անդրադարձավ «Տավուշը հանուն հայրենիքի» շարժման անդամ Սուրեն Պետրոսյանին․ «Ինքը «Տավուշը հանուն հայրենիքի» շարժման խորհրդի մեջ չի մտել, Սուրենն այդ պահին Ոսկեպարում էր որոշակի մարդկանց հետ:

Հենց որ շարժումը սկսվեց ու թափ առավ գյուղերում, և, երբ պիտի քայլեինք, գայինք Երևան, Սրբազանն առաջարկեց, որ լինի նաև Սուրենը։

Թեպետ շատ-շատ արժանավոր, ավելի մեծ ճանապարհ անցած մարդիկ կային, որոնք էդ շարժման ակունքներում կանգնած են եղել, ռազմական գործիչներ և այլն, որոնք և պատրաստ էին, և արժանի էին, որ լինեին:

Սրբազանի մեծահոգության շնորհիվ Սուրենը եկավ և մեզ հետ քայլեց:

Պարզ է, որ մարդիկ Սրբազան հոր շուրջն են հավաքվել:

Կարող է մի քանի հոգի ենթադրենք ինձ համար են եկել, մի քանի հոգի՝ Սուրենի համար, բայց շարժումը ունի հստակ առաջնորդություն, դա Սրբազան հոր առաջնորդությունն է:

Ամեն անգամ փորձել սա ուրիշ կերպ ներկայացնել, առնվազն արդար չէ: Շարժումը քեզ շատ բան է տվել, բերել է առաջին շարք, եթե դու չես գնահատում, չես արժևորում․․․ մարդու արածը գնահատելը մեծագույն արժեք է:

Եթե դու այդ արժեքների կրողը չես, բան չունեմ ասելու»,-ասաց Գառնիկ Դանիելյանը՝ չհամաձայնվելով Սուրենի Պետրոսյանի այն մտքի հետ, թե շարժումը մարում է:

«Վաղը մամուլի ասուլիս եմ հրավիրելու ու բոլոր հարցերին պատասխան տամ։

Ես հասկանում եմ, որ երբ Շարժումը մարում է, կամ անհաջողության է գնում, այդ ժամանակ մեղավորներ, նաև հակահերոսներ են պետք, հասկանում եմ, որ բոլորն այդ փնտրտուքի մեջ են»,-«Թերթ»-ի հետ զրույցում ասել է «Տավուշը հանուն հայրենիքի» շարժման նախաձեռնողներից, «Ժողովրդավարական համախմբում» կուսակցության նախագահ Սուրեն Պետրոսյանը։

Նա չի ցանկացել այլ հարցերի պատասխանել՝ նշելով, որ բոլոր հարցերին կանդրադառնա հրավիրվող մամուլի ասուլիսին։

Հիշեցնենք, որ hունիսի 12-ին Ազգային ժողովի մոտ՝ Դեմիրճյան-Բաղրամյան փողոցների խաչմերուկում ոստիկանության կողմից հատուկ միջոցների կիրառումից Սուրեն Պետրոսյանն անհետացել էր։

Այնուհետև, Բագրատ Սրբազանի խոսքով, ասել էր, որ իրեն ԱԱԾ աշխատակիցներն են տարել։

Իսկ իրավապահ մարմիններն հայտնել էին, որ բերման ենթարկվածների, ձերբակալվածների մեջ Սուրեն Պետրոսյանը չկա ։

Լրագրող Սյուզի Բադոյանի ֆեյսբուքյան գրառումը․ «Կեսգիշերին եւ լուսաբացին իրավապահները
մարդաորսի են դուրս ելել մարզերով ու Երևանյան հասցեներով մեկ։

Փնտրել ու գտնել են Նիկոլին մերժողներին, որոնք ակտիվ մասնակցում են Սրբազան պայքարի բոլոր հավաքներին։

Բնականաբար ՀՅԴ-ից էլ տարել են արժեհամակարգային տղերքի։

Առավոտ կանուխ ձերբակալել են մարդկանց` միայն այն պատճառով, որ նրանք հունիսի 12-ին եղել են Բաղրամյանում։

Իսկ քողարկված նպատակը ` Սրբազանը վաղվանից գնում է մարզեր
.. Նիկոլին պետք չէ, որ շարժումը լայն մասսաներ ընդգրկի, Արբազան հոր ընդունելությունը պատշաճ կազմակերպվի։

Ուրեմն պիտի վաղօրոք ձերբակալվեին ու փակի տակ լինեին
իրենց թաղում ու լայն միջավայրում քաշային տղերքը, որ չօգնեն Սրբազան պայքարին ու մարզային այցերը մեծ թափ չհավաքեն։

Ձերբակալվածներից մեկը մեր Սեւակն է։ Մամուլը գրել է անուններ։ Վիդեոները նայում ու հերթով նույնականացնում-ձերբակալում են տղերքին։

Բարև ռեպրեսիա։

Սրբազան պայքարը հաղթելու է նեռին»։

Աղբյուրը` Սյուզի Բադոյան

Բրիտանական «Barclays» բանկի վերլուծաբաններն անդրադարձել են Թուրքիայի ազգային արժույթի՝ լիրայի արժեզրկման գործընթացին:

Այս մասին տեղեկացնում է ermenihaber.am-ը:

Նրանց կանխատեսումների համաձայն՝ ամռանը թուրքական լիրան կարող է էապես անկում ապրել:

Սրան զուգահեռ նշվում է նաև, որ 2024-ի ամբողջ ընթացքում Թուրքիայի դրամավարկային քաղաքականությունը փոփոխության չի ենթարկվելու:

Իշխանությունը, օգտագործելով «խաղաղության դրոշակը», գնում է ադրբեջանական զիջումների.

Աբրահամյան (տեսանյութ)