ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ադրբեջանը ցանկանում է գնել թուրքական T-155 Yavuz հրանոթ, որը պարամետրերով նման է ֆրանսիական CAESAR-ին։
Հրանոթը թուրքական MKE ընկերության արտադրանքն է, որն ունի 155 մմ տրամաչափ։
Այն, ինչպես հայտնումմ են փորձագետները, պարամետրերով շատ նման է ֆրանսիական CAESAR հրանոթին։
ՀԿ փոխնախագահ Էդուարդ Շարմազանովը գրում է․
«Եւ դաշնակիցները, եւ գործընկերները, եւ նույնիսկ հակառակորդներն արձանագրել են Սերժ Սարգսյանի անվտանգային ու արտաքին քաղաքական կուրսի ձեռքբերումները։
Վերջին շրջանում տարբեր իշխանական շրջանակներ,տարատեսակ հաճախորդներ ու նույնիսկ որոշ «ընդդիմադիրներ» հերթական արշավն են ձեռնարկել Սերժ Սարգսյանի ու ՀՀԿ-ի դեմ։
Նիկոլին թողած՝ նախկինների դեմ են պայքարում։
Ուզու՞մ եք համեմատենք նախկինն ու ներկան, խնդիր չկա։
Սերժ Սարգսյանը Շուշին է ազատագրել,իսկ Նիկոլը՝ հանձնել։
Սերժ Սարգսյանը 1994-ի հաղթական զինադադարն է ստորագրել,իսկ Նիկոլը՝ նոյեմբերի 9-ի կապիտուլյացիան։
Սերժ Սարգսյանի օրոք ԱՄՆ-ի, ՌԴ-ի ու Ֆրանսիայի նախագահները 5 հայտարարություններ են արել՝ ճանաչելով Արցախի ժողովրդի ինքնորոշման իրավունքը, իսկ Նիկոլի օրոք՝ Արցախում հայ չի մնացել։
Սերժ Սարգսյանի օրոք Արաքսի հովտից մինչեւ Օմար կանգնած էր հայ զինվորը,Նիկոլի ժամանակ ՝ՀՀ 300 քառ.կմ օկուպացված է։
Սերժ Սարգսյանի ժամանակ ՝2016-ի գարնանը Թուրքիան ստիպված միանում էր ԵԱՀԿ Մինսկի խմբի Արցախյան խնդիրը ռազմական ուժով լուծելու դատապարտող հայտարարությանը,իսկ Նիկոլի ժամանակ ՝Ալիեւը կոչ է անում փակել ԵԱՀԿ Մինսկի խմբի համանախագահությունը։
Սերժ Սարգսյանի օրոք՝ 2016-ի հոկտեմբերի 7 -ին Ալիեւին ճնշում էին ճանաչել Արցախի անկախությունը,իսկ հիմա Ալիեւն է ՀՀ-ն անվանում «Արեւմտյան Ադրբեջան»։
Աերժ Սարգսյանը ՄԱԿ-ի ամբիոնից «գրողի ծոցը» ուղարկեց թուրքական նախապայմաններն ու արձանագրությունները, իսկ Նիկոլը զանգում շնորհավորում է «բայրաքթարներով» հազարավոր հայեր սպանած թուրքական աշխարհի ղեկավարին։
Սերժ Սարգսյանի օրոք ՝2015-ի ապրիլի 24-ին Ֆրանսիայի ու ՌԴ-ի նախագահներ Օլանդն ու Պուտինը Ծիծեռնակաբերդում դատապարտում էին Հայոց ցեղասպանությունը,իսկ այսօր Նիկոլը վախում է նիւյնիսկ խոսել ցեղասպանության դատապարտումից։
Սերժ Սարգսյանից Ալիեւը «վառված» է,քանի որ 30 տարի Ադրբեջանը պարտված է եղել։
Իսկ թե՞ ինչու՞ են նիկոլիստները, հաճախորդներն ու կեղծ ընդդիմադիրները «վառված» Սերժ Սարգսյանից ու ՀՀԿ-ից ՝եզրակացրեք ինքներդ։
Երեւի Բաքվից կամ Անկարայից հրահանգ են ստացել»։
Վստահ չեմ, որ բոլորը գիտեն հիփոթեքային ծրագրի մասին, իրազեկու՞մ եք.
Փաշինյան
տեսանյութ
Աղասի Միքայելյանն իր ֆեյսբուքյան էջում գրել է.
«Բաբկեն Թունյանը` ՔՊ-ի ցուցակի իմ կարծիքով ամենաինտելեկտուալ պատգամավորը գրել ա, որ ցավ ա ապրում Սրբազանի ու Հայ Առաքելական Սուրբ եկեղեցու համար։
Բաբկեն, իսկ ցավ չե՞ս ապրում Հայաստանի համար, որի ԱԺ-ի նախագահը Սիմոնյան Ալենն ա, ում մի ժամանակ հպարտորեն հայտարարում էիր, որ չես բարևում։
Ցավ չե՞ս ապրում քո համար, որ անկախ լրագրողից դարձար ՔՊ չաթերի հրամանների կատարող։ Իսկ էս ցավ ապրելը էլի՞ հրաման ա»։
Մինչ Ռուսաստանի և Վիետնամի նախագահները բանակցություններ են վարում,
Հանոյում նախագահական պալատի մոտ հերթ է գոյացել՝ Վլադիմիր Պուտինի Aurus–ի մոտ լուսանկարվելու համար։
Կառավարությունն իր այսօրվա՝ հունիսի 20-ի նիստում որոշեց ՊՆ-ից հետ վերցված և ՏԿԵՆ պետգույքի կառավարման կոմիտեին փոխանցված անշարժ գույքը կրկին ամրացնել ՊՆ-ին:
Խոսքը Կոտայքի մարզի Նաիրի համայնքի Քասախ գյուղի Վ. Տերյան 36 հասցեում գտնվող անշարժ գույքի մասին է: Այն հետ է վերցվել ՊՆ-ից և ամրացվել է կոմիտեին, սակայն հանձնում-ընդունում տեղի չի ունեցել, քանի որ նշված անշարժ գույքը պետական գրանցման ենթարկված չի եղել, այդ աշխատանքներն ավարտվել են միայն 2024թ. հունվարին և անշարժ գույքը պետական գրանցում է ստացել նախարարության անունով, միաժամանակ, ԶՈՒ կառուցվածքային փոփոխությունների և ռազմաքաղաքական իրավիճակով պայմանավորված, անհրաժեշտություն է առաջացել անշարժ գույքն օգտագործել ՀՀ զինված ուժերի կարիքների համար, որի կապակցությամբ առաջարկվում է ուժը կորցրած ճանաչել որոշման հավելվածի 53-րդ կետը:
Ավստրալուհին իր առջեւ նպատակ է դրել մինչև 2024 թվականի վերջը քնել 600 հոգու՝ տղամարդկանց եւ կանանց հետ, փոխանցում է NEWS.am STYLE-ը։ Անցյալ տարի 26-ամյա Էննի Նայթը հայտնվեց մամուլի կիզակետում, երբ պնդեց, որ մեկ տարվա ընթացքում 300 սիրեկան է ունեցել: Այս տարի նա բարձրացրել է նշաձողը. նրա նպատակը 600-ն է: Եվ մայրը աջակցում է նրա էրոտիկ մտադրություններին:
Love Don't Judge-ին տված հարցազրույցում 26-ամյա շիկահերը պատմել է, որ երբ մորը՝ Կարինին, հայտնել է լուրը, ստացել է «անսպասելի հուսադրող պատասխան»։ «Դու գիտես, թե ինչ ես անում»,-ասել է նա,-միգուցե դու փորձում ես ցույց տալ, որ կինը կարող է կառավարել այն, ինչ անում է իր կյանքում»:
Այնուամենայնիվ, ոչ բոլորն են պաշտպանում աղջկա սեռական ախորժակը: «Ես շատ հակասական արձագանքներ եմ ստանում»,- խոստովանել է նա: «Որոշ մարդիկ շատ են աջակցում ինձ, սակայն մարդկանց մեծամասնությունը քննադատում է՝ ասելով, որ ես տարված եմ եւ զզվելի»:
Նայթն OnlyFans-ում ունի հաշիվ, եւ նա, պարբերաբար, ստուգվում է ցանկացած վարակի համար: «Ես շատ զգույշ եմ, քանի որ իմ աշխատանքով ես, ակնհայտորեն, պետք է ապահով լինեմ»,-ասում է նա:
Էննին նշել է, որ տղամարդիկ եւ կանայք տարբեր չափանիշներով են չափվում, երբ խոսքը վերաբերում է նրանց սեռական վարքագծին: «Ի՞նչ տարբերություն կա տղամարդու միջեւ, ով կարող է օրական հինգ կնոջ հետ քնել, եւ այն կնոջ միջեւ, ով նույնն է անում: Չեմ հասկանում, թե ինչու, երբ տղամարդը դա անում է, նրան գովում եւ լեգենդար են անվանում, իսկ երբ կինն է դա անում է, մեզ անվանարկում են ու ծաղրում։ Դա պարզապես արդար չէ»:
Վիետնամն անտեսել է ՌԴ նախագահ Վլադիմիր Պուտինի այցի վերաբերյալ ԱՄՆ դիրքորոշումը, գրում է Bloomberg-ը: Գործակալությունը մեջբերում է Հանոյում ԱՄՆ դեսպանատան՝ հունիսի 17-ի հայտարարությունը, որում ասվում է, որ «ոչ մի երկիր չպետք է հարթակ տրամադրի Պուտինին՝ նրա ագրեսիվ պատերազմն առաջ մղելու համար»։
Պուտինը Վիետնամ է ժամանել հունիսի 19-ի երեկոյան։ Մինչ այդ Պուտինն այցելել էր ԿԺԴՀ։
Վիետնամում Պուտինը հանդիպումներ կանցկացնի Վիետնամի Կոմունիստական կուսակցության կենտկոմի գլխավոր քարտուղար Նգուե Ֆու Չոնգի, նախագահ Տո Լամի, վարչապետ Ֆամ Մին Տինի և խորհրդարանի նախագահ Չան Թհան Մանի հետ։
Իրանագետ Վարդան Ոսկանյանը թելեգրամյան իր ալիքում գրում է․
«Իրանի նախագահական ընտրարշավի ընթացքում առաջին հեռուստաբանավեճից հետո, ըստ հանրային կարծիքի ուսումնասիրության տվյալների՝ ձևավորվել է առաջատար թեկնածուների հետևյալ հաջորդականությամբ եռյակը՝
Մոհամմադ Բաղեր Ղալիբաֆ (պահպանողսկան) - 17,1%
Սայիդ Ջալիլի (պահպանողսկան) - 16,8%
Մասուդ Փեզեշքիան (բարեփոխական) - 13,7%:
Իրանցի ընտրողների 46%-ը դեռես չի կողմորոշվել, թե թեկնածուներից որ մեկին է տալու իր ձայնն առաջիկա նախագահական ընտրություններում։
Պարզ է, որ պահպանողսկան թևի երկու առաջատար թեկնածուները միասին նկատելի առավելություն ունեն բարեփոխական հավակնորդի նկատմամբ, սակայն չկողմնորոշված ընտրողների բարձր տոկոսը և թեկնածուների ձայների տոկոսային ոչ մեծ տարբերությունը խոսում են այն մասին, որ առաջիկա ընտրությունները լինելու են խիստ մրցակցային»։
ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը․ «ՀՀ ԱԳՆ հայտարարությունն Ադրբեջանի կողմից նախապատրաստվող ագրեսիայի վերաբերյալ ջարդեց ոչ միայն փաշինյանական կեղծ խաղաղասիրական քարոզչությունը, այլ մեծ թվով լրջագույն խնդիրներ առաջ բերեց սահմանային անվտանգության տեսանկյունից:
ԱԳՆ հայտարարությունում մասնավորապես նշվում է, թե ամեն առիթով տարածաշրջանային սրացումներ կանխատեսելու Ադրբեջանի գործելակերպը մտածելու տեղիք է տալիս և գալիս է հիմնավորելու մի շարք կենտրոնների կողմից արվող վերլուծությունները, թե Ադրբեջանն ամեն ինչ անելու է վիժեցնելու Հայաստանի հետ խաղաղության համաձայնագիր կնքելու գործընթացը, 2024թ. նոյեմբերին Բաքվում կայանալիք COP29 գագաթաժողովից հետո ՀՀ-ի նկատմամբ նոր ագրեսիա ձեռնարկելու համար:
Այսինքն` փաշինյանական իրականությունում ադրբեջանական ագրեսիային նախապատրաստվում են կիսատ-պռատ սահմանային ճշգրտումներով, անվտանգության նկատառումներով ծառեր տնկելով, բանակային կորպուսները հետ քաշելով և սահմանապահներ տեղակայելո՞վ:
Բա սահմանամերձ բնակավայրերով շրջում եք ու մարդկանց համոզում (իրականում` ստում), որ իրենց հիմնական խնդիրը տանիքի, անասունի կամ գյուղական նշանակության ինչ-որ կառույցի հարցն է:
Շատերն էլ հավատալով այդ վարդագույն իրականությանը ստախոսին փրկիչ են համարում, իսկ իրականությունը, որն արտացոլված է ԱԳՆ պաշտոնական հաղորդագրությունում շատ ավելի մտահոգիչ է և անհանգստացնող:
Ֆոտո
