«Էդ ձևի ցանկապատ, փշալար էս տարածքում գոյություն չունի»,-Բագրատ Սրբազանի հետ զրույցում ասացին Կիրանցցիները՝ նկատի ունենալով օրեր առաջ Փաշինյանի ցուցադրած սահմանյին փշալարերը։

«Իսկ Բերքաբերի հողերը հետ տվեցի՞ն, դիրքը մնաց ադրբեջանցիների՞ն, թե՞ նահանջել են, մերոնք ե՞ն նահանջել։

Հիմա ստախոսության պատկերը ստացաք։

Ամեն դեպքում գնանք արձանագրենք, գուցե մի թաքնված տեղում գտնեք այդ փշալարերը»,-ասաց Բագրատ Սրբազանը՝ նշելով, որ Կիրանցում միակողմանի զիջման արդյունքում ոչ միայն պետական սահմանի ամուր դիրքերն ու բնագծերն են քանդվել, այլ նաև մարդկանց սեփականության իրավունքներն են խախտվել։

«Այստեղ ստի պատմությունն եք տեսնում։

Մեր պայքարի տրամաբանությունը այդ սուտը կտրելն է»,-ասաց Բագրատ Սրբազանը։

«Էս կալոշը խորհրդանշում է մեր փողոցների վերջին օրերի հետադիմական, նաև արտաքին քաղաքական այն խայտառակությունը, որը մեզ ուզում է տանել դեպի մահ, կործանում։

Այս թունավոր միջավայրից մեզ ազատում է պետք, և այդտեղ երկու կարծիք չի կարող լինել։

Սա պետք է ուղղակի շպրտվի մեր իրականությունից»,- այսօր ԵՄ անդամկացության համար կազմակերպված լսումների ժամանակ Աժ ամբիոնից, կալոշը թափահարելով, ասաց «Հանուն հանրապետության» կուսակցության նախագահ Արման Բաբաջանյանը։

Նա Ազգային ժողովի ամբիոնից Եվրամիության դրոշը կախեց՝ ասելով․ «Որպեսզի պատկերավոր լինի այս քննարկումը, կուզեմ՝ այս դրոշի ներքո անցկացնել քննարկումները։

Կարծում եմ՝ շատ ավելի գեղեցիկ և պատկերվոր կլինի»,-ասաց նա՝ կալոշը դնելով դրոշի վրա։

Նրա քայլը արժանացավ դահլիճի բուռն ծափահարություններին:

Ադրբեջանի նախագահ Իլհամ Ալիևն ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ հայտարարել է, որ «վաղուց ժամանակն է պաշտոնապես դադարեցնել չգործող ԵԱՀԿ Մինսկի խմբի և դրա հետ կապված բոլոր ինստիտուտների գործունեությունը»։

Այս մասին հայտնում են ադրբեջանական լրատվամիջոցները։

Ալիևը նաև նշել է, որ «ժամանակն է ամբողջությամբ փակել հակամարտության էջը»։

Բլինքենն Ալիևի հետ խոսել է խաղաղության պայմանագրի անհապաղ կնքման մասին։

Աջակցելու ենք գործող իշխանություններին.

Արամ Սարգսյան

Տեսանյութ

ՈՒՂԻՂ ՄԻԱՑՈՒՄ

Բագրատ Սրբազանը Կիրանցում է

#ՀԻՄԱ

ՆԳՆ ոստիկանության զորքերի հրամանատար, Ոստիկանության պետի տեղակալ, գեներալ-մայոր Հայկ Բաբայանը ուղերձ է հղել Ոստիկանության զորքերի կազմավորման 32-րդ տարեդարձի առթիվ:

Ուղերձում ասվում է. «Հարգելի՛ հայրենակիցներ, Ոստիկանության զորքերի ծառայակիցներ,

Հայաստանի Հանրապետության Ներքին գործերի նախարարության Ոստիկանության զորքերը հունիսի 21-ին նշում է կազմավորման 32-րդ տարեդարձը։

Արդի մարտահրավերներին զուգընթաց՝ Ոստիկանության զորքերը շարունակում է մասնագիտական վերելքի ու զարգացման պատվավոր ճանապարհը։

Ոստիկանության զորքերի ընթացիկ բովանդակային փոփոխություններն այսօր էլ շարունակվում են ՆԳ նախարարության ստանձնած բարեփոխումների համատեքստում։ Ուստի կոչ եմ անում մեր անձնակազմին շարունակել կատարելագործել մասնագիտական ունակությունները, շարքերը երիտասարդ ու պատրաստված կադրերով համալրելու ընթացքում միավորել ուժերը համակարգի փորձառու աշխատակիցների հետ՝ առավել համակարգված ու կազմակերպված հանդես գալու մարդու իրավունքները հակաիրավական ոտնձգություններից պաշտպանելիս, հասարակության և պետության անվտանգությունը ապահովելու գործառույթն իրականացնելիս։

ՆԳՆ Ոստիկանության զորքերը հետևողական է շարունակելու իր ողջ գործիքակազմով իրականացնել օրենքով իրեն վերապահված գործառույթները՝ ապահովելով հասարակական կարգը և քաղաքացիների անվտանգությունը։ Հետևաբար, Ոստիկանության զորքերի ողջ անձնակազմը պետք է ունենա պետականապաշտպան բարձր պատասխանատվություն։ Որպես պարտադիր կանոն՝ Ոստիկանության զորքերի յուրաքանչյուր ծառայողի համար բարեվարքությունը պետք է լինի առաջնահերթություն՝ հասարակարգին արժանի նոր ոստիկանական որակ ապահովելու համար։

Ձևավորվելով 1990-ականների սկզբին՝ Ոստիկանության զորքերը, բացի երկրի ներքին անվտանգությունն ու հասարակական կարգը պահպանելու գործառույթից, իրականացրել է նաև Հայաստանի Հանրապետության սահմանների պաշտպանությանը մասնակցելու գործառույթ։

Առանձնակի ջերմությամբ ու խոնարհումով շնորհավորում եմ մարտական գործողությունների ժամանակ և ծառայողական պարտականությունները կատարելիս զոհված մեր եղբայրների ընտանիքներին, վիրավորում ստացած մեր ծառայակիցներին, մաղթում ուժ ու կորով:

Ոստիկանության զորքերի անձնակազմի անունից և անձամբ վստահեցնում եմ՝ Հայաստանի Հանրապետության ՆԳՆ Ոստիկանության զորքերը շարունակելու է նույն պատասխանատվությամբ և նվիրվածությամբ ծառայել Հայաստանի Հանրապետությանը։

Ոստիկանության զորքերի կազմավորման օրվա առթիվ՝ մաղթում եմ մեր երկրին խաղաղություն, Ոստիկանության զորքերի անձնակազմին՝ ողջախոհություն, աննկուն կամք՝ պետությանն ու հասարակությանը ծառայելու պատվավոր գործում։

Հավաքական անվտանգության պայմանագրի կազմակերպությունը (ՀԱՊԿ) ակնկալում է, որ Հայաստանը պաշտոնապես կպարզաբանի Հայաստանի կարգավիճակը կառույցում։ Այս մասին լրագրողներին հայտնել է ՀԱՊԿ գլխավոր քարտուղար Իմանղալի Տասմագամբետովը կազմակերպության արտաքին գործերի նախարարների խորհրդի նիստի շրջանակում, տեղեկացրել է «ՌԻԱ Նովոստի»-ն։

«Ես կարծում եմ, որ Հայաստանի քաղաքական ղեկավարությունն այնուամենայնիվ կպարզաբանի իրավիճակը, եւ կլինի պաշտոնական որոշում՝ լինե՞լ կազմակերպության կազմում, թե՞ ոչ»,- ասել է նա։

Ավելի վաղ վարչապետ Նիկոլ Փաշինյանը քանիցս ասել էր, որ Հայաստանը սառեցրել է իր մասնակցությունը ՀԱՊԿ-ում։ Մինչդեռ, ըստ Տասմագամբետովի, ՀԱՊԿ-ը պահպանում է բոլոր պարտավորությունները Հայաստանի առջեւ, երկիրը մնում է կազմակերպության դաշնակիցը։

«Հայաստանը եղել եւ մնում է ՀԱՊԿ գծով մեր դաշնակիցը, եւ մեր բոլոր պարտավորությունները Հայաստանի առջեւ պահպանվում են։ Իսկ ահա կազմակերպությանն անդամակցության հարցը երկրի ինքնիշխան իրավունքն ու որոշումն է»,- ասել է նա։

Ադրբեջանի նախագահ Իլհամ Ալիևն ԱՄՆ պետքարտուղար Էնթոնի Բլինքենի հետ հեռախոսազրույցում նշել է «Ադրբեջանի նկատմամբ տարածքային պահանջներից հրաժարվելու» կարևորությունը, գրում են ադրբեջանական լրատվամիջոցները։

«Ադրբեջանի նախագահը նշել է Ադրբեջանի նկատմամբ տարածքային պահանջների դադարեցման կարևորությունը, որոնք ամրագրված են Հայաստանի Սահմանադրության մեջ, համապատասխան օրենքներում և ներքին նորմատիվ իրավական ակտերում։

Ադրբեջանի նախագահը նաև նշել է, որ Բաքուն և Երևանը շարունակում են կարգավորման շուրջ ջանքերը և առաջ են տանում խաղաղ օրակարգը»,- ասվում է հաղորդագրության մեջ։

«Տավուշը հանուն հայրենիքի» շարժման անդամ Սուրեն Պետրոսյանի ֆեյսբուքյան գրառումը․

«ԶԼՄ հարգելի ներկայացուցիչներ, այսօրվա իմ ասուլիսը չեղարկվում է տեխնիկական պատճառով, սակայն, հարգելով հանրության տեղեկացված լինելու իրավունքը, ինչպես նաև բազմաթիվ լրագրողների հնչեցրած հարցադրումները ինչպես շարժման հետագա անելիքների, այնպես էլ վերջին օրերին իմ շուրջ տեղի ունեցող տեղեկատվական աղմուկի, ուղղորդված արշավի և այլ տարբեր հարցերի վերաբերյալ, կրկին պատրաստակամություն եմ հայտնում պատասխանելու բոլոր այդ հարցերին այլ ձևաչափով, ձեզ հարմար պահի, հարգելի´ լրագրողներ:

Ես հավատարիմ եմ այն սկզբունքներին, որոնցով մեկնել եմ Կիրանց և Ոսկեպար»:

Ես իմ ուղուց չեմ շեղվելու:

Աղբյուրը` Սուրեն Պետրոսյան

Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը

ֆեյսբուքյան իր էջում գրել է․ «Այսօր ամառային արևադարձն է։

Հունիսի 21-ին հյուսիսային կիսագնդում լինում է ամենաերկար ցերեկը, Հայաստանում 15 ժամ 2 րոպե»։

Աղբյուրը` Գագիկ Սուրենյան