Մենք ապրում ենք այնպիսի ժամանակում, երբ սովորական ապրելու իրավունքը վերածվել է պայքարի թեմայի։ Թանկանում է ամեն բան՝ հացից մինչև վառելիք, դեղորայքից մինչև տրանսպորտ։ Ապրանքի գները աճում են ամիս առ ամիս, իսկ աշխատավարձը՝ մնում նույնը։ Շուկայում օր օրի ավելի է դժվարանում գոյատևելը։ Սա այլևս ոչ թե տնտեսական ցուցանիշ է, այլ ժողովրդի սովածության ճիչ։
Այս պայմաններում իշխանության լռությունը հավասարազոր է անգործության ։
ԻՆՉՈՒ ԵՆ ԹԱՆԿԱՑՈՒՄՆԵՐԸ ՎՏԱՆԳԱՎՈՐ

Անվերահսկելի գնաճ – սև ու սպիտակ հացը, կարագը, ձեթը դառնում են անհասանելի։
 Թոշակառուն թոշակով միայն հաց ու դեղ չի կարող գնել։
Աշխատող ընտանիքները ստիպված են կրճատել նույնիսկ երեխաների սնունդը։
 Գյուղացին արտադրում է, բայց հումքը թանկ է, շուկան՝ մենաշնորհային, շահույթ՝ չկա։

Դեղերը դառնում են շքեղություն, բուժվելը՝ անհասանելի։
 Վառելիքը թանկանալով՝ ազդում է ամբողջ շղթայի վրա՝ տրանսպորտից մինչև բերքի գին։

ՄԵՐ ՇԱՐԺՄԱՆ ՊԱՀԱՆՋՆԵՐԸ ԿԱՌԱՎԱՐՈՒԹՅԱՆԸ
Անմիջապես սահմանել առաջին անհրաժեշտության ապրանքների (հաց, ձեթ, շաքար, դեղ, վառելիք) գնային շեմ՝ պետական կարգավորմամբ։
Տեղական արտադրողին՝ գյուղացուն, աջակցել հումքի գնման, մթերման և վերամշակման գործընթացներում՝ արտադրանքի էժանացման համար։
Վերանայել վառելիքի ակցիզային հարկերը, որոնք ուղղակիորեն թանկացնում են ամեն ապրանք։
 Վերացնել մենաշնորհներն ու վերահսկել մանրածախ ցանցերի գերշահույթները։
 Սոցիալապես խոցելի խմբերին տրամադրել թանկացման փոխհատուցման մեխանիզմ՝ բոնուս, նպաստ կամ գնային զեղչ համակարգ։

ՄԵՐ ԿՈՉԸ ԺՈՂՈՎՐԴԻՆ
Դու արժանի ես ապրելու արժանապատիվ կյանքով՝ ոչ թե սովի ու վարկի մեջ։ Դու իրավունք ունես պահանջելու գին, որը համարժեք է քո աշխատավարձին։
Մենք բոլորս նույն սեղանի շուրջ սակավություն ենք կիսում։
Միացիր մեզ։ Բարձրացրու քո ձայնը։
Հ․Գ․ Չկա պառլամենտական ընդդիմություն, որ այս խնդիրը բերի օրակարգ․․․

 Վանիկ Նիկոյան
«ԴԵՄ ԵՄ» Քաղաքացիական Շարժման նախագահ

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Անվստահության գործընթաց Ազգային ժողովի պատգամավորները չեն նախաձեռնել հետևյալ հանրային փողոցային մեծ աջակցության դեպքում․ 

1. 2022 թվականի մայիսի 4-ին, երբ «Դիմադրություն» շարժման նախաձեռնությամբ Ազգային ժողովի շենքի մոտ հավաքվել էին տասնյակ հազարավոր քաղաքացիներ

2. 2022 թվականի սեպտեմբերի 15-ին (Ադրբեջանի ռազմական հարձակման և Նիկոլ Փաշինյանի սկանդալային հայտարարության օրերին), երբ Ազգային ժողովի շենքի մոտ հավաքվել էին մինչ այդ ամենամեծ թվով քաղաքացիներ

3. 2023 թվականի սեպտեմբերի 19-ին և դրա հաջորդ օրերին (Արցախի վրա Ադրբեջանի ռազմական հարձակման շրջան), երբ Հանրապետության հրապարակում հավաքվել էին տասնյակ հազարավոր մարդիկ։ Հայտարարվեց «Ազգային կոմիտե» անհասկանալի ինքնակոչ մարմնի ստեղծման մասին, որի կազմում էին Վազգեն Մանուկյանը, Իշխան Սաղաթելյանը, Հայկ Մամիջանյանը, Անդրանիկ Թևանյանը և Ավետիք Չալաբյանը։

4. 2024 թվականի մայիսի 9-ին՝ Սրբազան շարժման գագաթնակետին (Տավուշից գյուղեր և տարածքներ Ադրբեջանին հանձնելու օրերին), երբ Բագրատ Սրբազանի առաջնորդությամբ տասնյակ հազարավոր մարդիկ հավաքվել էին Հանրապետության հրապարակում։

Հ․Գ․ Այս տեղեկանքը կազմված է հատկապես Ազգային ժողովի այն պատգամավորների համար, ովքեր Նիկոլ Փաշինյանին անվստահություն հայտնելու առաջարկի վերաբերյալ մինչև մայիսի 8-ին պատասխան հնչեցնելու համատեքստում կփորձեն կարևորել այդ գործընթացում հանրային աջակցության նշանակությունը։ Դա մի քանի անգամ արդեն եղել է, սակայն իրենցից ոչ մեկը դեռ Նիկոլ Փաշինյանին անվստահություն հայտնելու գործընթաց չեն նախաձեռնել»։

Երեկ գիշերը Ռուսաստանից Ուկրաինայի տարածքի վրա 5 «Իսկանդեր-Մ» բալիստիկ հրթիռ է արձակվել և տարբեր տեսակի 170 անօդաչու թռչող սարքեր: Այս մասին հայտնել է Ուկրաինայի ռազմաօդային ուժերի հրամանատարությունը։

Ուկրաինայի զինված ուժերը հայտնել են, որ առավոտյան ուկրաինական զինվորականները խոցել են 74 «Շահեդ» տիպի գրոհային անօդաչու թռչող սարք։ Հարձակման հետևանքով տուժել են Օդեսայի, Խարկովի, Սումիի, Դոնեցկի և Կիևի մարզերը։

Օդեսայում վնասվել են բազմահարկ բնակելի և մասնավոր տներ, սուպերմարկետ, դպրոց և մեքենաներ: Այս մասին հայտնել է Օդեսայի մարզի ղեկավար Օլեգ Կիպերը։ Քաղաքում մի քանի հրդեհներ են եղել։ Ուկրաինայի արտակարգ իրավիճակների պետական ​​ծառայությունը հայտնել է, որ երկու մարդ զոհվել է, ևս 15-ը՝ վիրավորվել։

Դիետոլոգ, Ռուսաստանում XFIT ֆիթնես թեստավորման մասնագետ Ինեսսա Ցարկովան պատմել է, թե ինչպես կարելի է նիհարել մինչև ամառ։ Gazeta.Ru-ի հետ զրույցում նա խորհուրդ է տվել ուտելուց 10 րոպե առաջ մեկ բաժակ գոլ կամ տաք ջուր խմել։

Որպես առաջին ուտեստ, որը կօգնի նիհարել, սննդաբանն նշել է հում բանջարեղենով և խոտաբույսերով պատրաստված աղցանը։ Երկրորդ ուտեստը շոգեխաշած կտավատի սերմերից պատրաստված շիլան է՝ պատրաստված թարմ աղացած կտավատի սերմերից՝ աղացած դարչինի կամ հասած բանանի կամ կանաչ խնձորի քառորդ մասի հետ: Դիետոլոգն այն խորհուրդ է տվել ամեն օր ուտել։

Ինչպես նշել է Ցարկովան, երրորդ պարտադիր ճաշատեսակը պետք է պարունակի ամբողջական ձավարեղեն կամ լոբազգիներ։ Նրա խոսքով՝ ավելի լավ է դրանք օգտագործել բողբոջած տեսքով։

«Այս ճաշատեսակին անհրաժեշտ է ավելացնել ճիշտ ճարպեր՝ յուղ, դդմի սերմեր, արևածաղկի սերմեր, ցանկացած ընկույզ (նախապես թրջված): Մեկ այլ հիանալի հավելում է ընկույզը կամ սերմը: Նման ճաշատեսակները կարելի է քաղցր պատրաստել՝ ավելացնելով հատապտուղներ կամ մրգեր (ոչ ավելի, քան 10% քաշով) և/կամ բնական մեղր։ Կամ սխտորի, համեմունքների, խոտաբույսերի, լոլիկի ավելացմամբ»,- ասել է սննդաբանը։

Ցարկովան նաև ընդգծել է, որ կարևոր է սնունդն ընդունել հանգիստ վիճակում՝ մանրակրկիտ ծամելով և չշեղվելով կողմնակի բաներից, այնուհետև այն լավ կներծծվի օրգանիզմի կողմից։

ԱՄՆ նախագահ Դոնալդ Թրամփը Չինաստանի հետ սակագնային պայքարում վրիպել է, քանի որ ՉԺՀ-ի տնտեսությունը կարող է դիմակայել ցանկացած ճնշման: Այս մասին հայտարարել է Ռուսաստանի Անվտանգության խորհրդի նախագահի տեղակալ Դմիտրի Մեդվեդևը Telegram-ի իր ալիքում։

«Չինաստանն ունի իր հսկայական ռեսուրսները և ներքին շուկան, ուստի նրա տնտեսությունը, անշուշտ, կդիմանա ցանկացած ճնշման», - ասել է Մեդվեդևը:

Անվտանգության խորհրդի փոխնախագահն ընդգծել է, որ այդ հարցում «Թրամփը վրիպել է»։ Մեդվեդևը հավելել է, որ ամերիկյան առաջնորդի սակագնային քաղաքականությունը «ուղղված է բոլորի դեմ»՝ ազդելով Եվրոպայի երկրների և Մեծ Բրիտանիայի վրա:

«Ժողովուրդ» օրաթերթը գրում է. «Մրցակցության պաշտպանության հանձնաժողովն օրերս Ազգային ժողովում ներկայացրեց 2024 թվականի հաշվետվությունը։

Հաշվետվության համաձայն՝ Հանձնաժողովն իրականացված վարույթի շրջանակում արձանագրել է, որ 2022 թվականի հունվարի 1-ից մինչև 2024 թվականի հունիսի 10-ն ընկած ժամանակահատվածում «Սի Փի Էս Էներջի Գրուպ», «Ֆլեշ», «Մեգա Թրեյդ» ընկերությունները, «Մաքս Օիլ» ու «Կամօյլ» ընկերությունները բենզինի իրացման գները ընդհանուր առմամբ փոփոխել են նույնանման՝ անկախ այն հանգամանքից, որ նրանց ծախսերը միմյանցից էականորեն տարբերվել են։ Ընկերությունների անուղղակի հակամրցակցային համաձայնության վարքագիծն առավել վառ դրսևորվել է 2022 թվականի նոյեմբեր-դեկտեմբեր և 2023 թվականի սեպտեմբեր-հոկտեմբեր ամիսներին։

Նրանք միաժամանակ՝ նույն օրը կամ մինչև երկու օրվա տարբերությամբ, բարձրացրել և իջեցրել են ԱԻ-92 տեսակի բենզինի մանրածախ իրացման գներն այն դեպքում, երբ նրանց ծախսերը միմյանցից տարբերվել են։ Ավելին, եղել են դեպքեր, երբ ընկերությունների ինքնարժեքի իջեցումը զուգակցվել է իրացման գնի բարձրացմամբ և հակառակը։

Նշվածի հաշվառմամբ՝ Հանձնաժողովը 2024 թվականի դեկտեմբերի 10-ին ընդհանուր 1 078 363 000 ՀՀ դրամի չափով տուգանել է բենզին իրացնող 4 խոշոր ընկերությունների՝ հակամրցակցային համաձայնություն կնքելու համար»։

Առավել մանրամասն թերթի այսօրվա համարում

Մայիսի 1-ին` տեղական ժամանակով ժամը 07:47-ին (Գրինվիչի ժամանակով` ժամը 03։47-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.25⁰ և արևելյան երկայնության 45․20⁰ աշխարհագրական կոորդինատներով Հայաստան՝ Գավառ քաղաքից 13 կմ հարավ-արևելք, օջախի 10 կմ խորությամբ 2․8 մագնիտուդով երկրաշարժ։ Այս մասին հայտնում են ՀՀ ՆԳՆ-ից։

Էպիկենտրոնային գոտում ստորգետնյա ցնցման ուժգնությունը կազմել է 3-4 բալ:

Երկրաշարժը զգացվել է Գեղարքունիքի մարզի՝ Գավառ և Մարտունի քաղաքներում, ինչպես նաև Երանոս, Վարդաձոր, Ձորագյուղ, Սարուխան, Լանջաղբյուր և Գեղարքունիք գյուղերում՝ 2-3 բալ ուժգնությամբ։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 387․50 դրամ, վաճառքի նվազագույն արժեքը՝ 390.5 դրամ:

Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 443 դրամ: 

Ռուսական ռուբլու առքի առավելագույն արժեքն է 4.7 դրամ, վաճառքի նվազագույն արժեքը՝ 4.85 դրամ: