Իրանագետ Վարդան Ոսկանյանը գրում է․ 

«Ըստ ՌԴ նախագահի օգնականի տարածած տեղեկատվության՝ Բաքվի բարբարոսական վարչախմբի պարագլուխը չի մասնակցելու մայիսի 9-ին Մոսկվայում կայանալիք միջոցառումներին։ 

Սա, կարծում եմ՝ վերջին մոտ կես տարվա ընթացքում տարբեր միջադեպերով կանոնավորապես վատթարացող ռուս-ադրբեջանական հարաբերությունների տրամաբանական շարունակությունն է, որի հանգուցալուծումն առայժմ տեսանելի չէ։

Մոսկվա նախապես ծրագրված այցից հրաժարվելը, սակայն, ըստ էության, նաև անհարգալից վերաբերմունքի դրսևորում է ոչ միայն  Ռուսասատանի, այլ նաև անձամբ նախագահ Վլադիմիր Պուտինի նկատմամբ, որը մայիսի 9-ի միջոցառումների գլխավոր հյուրընկալն է։

Այս հանգամանքը չի կարող հետևանքներ չունենալ Բաքվի բարբարոսական ռեժիմի համար, որը երևակայելով, թե Արցախի խնդիրն, իբր, վերջնականապես լուծված է, իսկ իր իշխանությունը՝ հարատև, օրըստօրե էլ ավելի հանդուգն ու լկտի է դառնում»։

Չնայած այն հանգամանքին, որ Արցախի քաղաքական թիմը թեկնածուների է առաջադրում եւ փնտրում, այնուամենայնիվ, ներկայիս նախագահ Սամվել Շահրամանյանի թիմը չի պատրաստվում «զիջել դիրքերը»։

«Ժողովուրդ» օրաթերթի տեղեկությունների համաձայն՝ Արցախի Ազգային ժողովի խմբակցությունները առաջիկայում հայտարարությամբ են հանդես գալու։ Նրանք հակված են այն մտքին, որ պետք է այնպես անել՝ Սամվել Շահրամանյանը չզիջի դիրքերը եւ պահպանի իր պաշտոնը։

Արցախի թեւը փորձում է այնպես անել, որ Արցախի իշխանության կրած փոփոխությունները չպառակտեն արցախահայությանը։ Մինչդեռ ՔՊ-ականների կողմից ուղղորդվող թեւը ջանում է պառակտում մտցնել արցախահայերի մեջ:

Հիշեցնենք, որ 2025 թվականի մայիսի 21-ին ավարտվելու է Արցախի Հանրապետության 5-րդ նախագահի պաշտոնավարման ժամկետը:

Մայիսի 21-ին Արցախի Ազգային ժողովի պատգամավորները պետք է նոր նախագահ ընտրեն»։

«Հրապարակ» թերթը գրում է. «ՔՊ-ում իրար ոտքի տակ փորելու, իրար դեմ գործ տալու ժամանակներ են։ Առաջիկա համապետական ընտրությունները որքան մոտենում են, այնքան ներիշխանական գզվռտոցը թափ է հավաքում։ Պատգամավորներից մեկը մեզ պատմեց, որ բոլորը բոլորի դեմ «դոսյեներ» են հավաքում ու զեկուցում «շեֆին»:

Մեկը մյուսին փչացնելով, վատաբանելով` փորձում է շահել առաջնորդի վստահությունը, տեղ ունենալ հաջորդ ցուցակում։ Մեր զրուցակիցը կատակեց՝ ժամանակներն այնպիսին են, որ ինքն անգամ սեփական ստվերին չի վստահում` ձկան պես լուռ գալիս է խորհրդարան ու հեռանում, որ հանկարծ գլխին «չսարքեն»։

Սակայն գիտակցում է նաեւ, որ լռությունն էլ չի երաշխավորում փրկությունը, քանի որ ամեն ինչ կառավարվում է ամենավերին օղակից, եւ ամենաաննշան թվացող միջադեպերը երբեմն այնքան են հատուկ ուռճացվում, որ ում նպատակահարմար գտնեն, պախարակեն, վարկաբեկեն եւ խելոք նստեցնեն իր տեղը»:

ԱՄՆ նախագահ Դոնալդ Թրամփը հայտարարել է, որ ուկրաինական ճգնաժամի լուծման գործընթացում մոտենում է մի պահ, որը պահանջում է որոշումներ։ 

«Մենք հասնում ենք մի կետի, երբ որոշումներ պետք է կայացվեն», - ասել է նա Սպիտակ տանը՝ լրագրողներին։

Լրագրողի հարցին՝ ԱՄՆ փոխնախագահ Ջեյմս Վենսի այն խոսքերի մասին, որ Ռուսաստանը «չափազանց շատ» բաներ է պահանջում կարգավորման մեջ, Թրամփը պատասխանել է. «Դա հնարավոր է»։

«Վենսը կարող է ինչ-որ բան իմանալ, քանի որ ես ուսումնասիրել եմ դա և այլ հարցեր», - հավելել է ԱՄՆ նախագահը։

Տիգրան Աբրահամյանը ֆեյսբուքյան իր էջում գրել է․

«Ադրբեջանը մի ամիս է` սիստեմատիկ ձևով ահաբեկում է սահմանամերձ բնակավայրերի բնակիչներին` գիշերային ժամերին, որոշակի պարբերականությամբ կրակահերթեր արձակելով և հոգեբանական, նյութական ու այլ վնասներ պատճառելով:

Քիչ առաջ էլ, ավանդույթի ուժով, Ադրբեջանը Խնածախի, Խոզնավարի և այլ ուղղություններով հրադադարի ռեժիմը խախտեց:

ԱԺ-ում առյուծ կտրողներն ու ԱԱԾ պադվալով շանտաժ անողները այս ամենն, իհարկե, կանտեսեն, որովհետև Ադրբեջանի հետ հարաբերություններում ծուռվզի, կռացածի ու հպատակվածի կարգավիճակ ունեն:

Իսկ «դեբոշներն» ու կլոունադան բացառապես ներքին լսարանի ու սեփական ժողովրդի դեմ է»:

Վատիկանի Սիքստինյան կապելլայի ծխնելույզից սև ծուխ է բարձրացել, հաղորդում է BBC News-ը։

Դա նշանակում է, որ վաղը կոնկլավում նոր Հռոմի պապ ընտրելու համար քվեարկության ևս մի քանի փուլ կլինի, և եթե որոշում չընդունվի, քվեարկությունը կշարունակվի։

Հիշեցնենք, որ մինչև նոր Հռոմի պապի ընտրությունը կալելլայում գտնվող կարդինալները արտաքին աշխարհի հետ կապ չեն ունենա։

Հայաստանի Հանրապետությունը Ադրբեջանին է փոխանցել հրադադարի ռեժիմի խախտումների համապատասխան տեղեկություններ։ Այս մասին Factor.am-ի գրավոր հարցմանն ի պատասխան հայտնել են ՀՀ վարչապետի աշխատակազմից։

Գերատեսչությունից միաժամանակ հայտնել են, որ Բաքվից ևս Երևանին են ներկայացրել հրադադարի ռեժիմի խախտումների մասին համապատասխան տեղեկություններ։

«Տեղեկությունները հայկական կողմը հետաքննել է և հետաքննության արդյունքերի մասին տեղեկանք է փոխանցել ադրբեջանական կողմին»,-Factor.am-ին հայտնել են վարչապետի աշխատակազմից՝ միաժամանակ Փաշինյանի գրասենյակից չեն հստակեցրել՝ ադրբեջանական կողմը իր իսկ խախտումների մասին է տեղեկություններ տրամադրել, թե հայկական կողմի ենթադրյալ խախտումների։

Չորեքշաբթի Փարիզում Գերմանիայի նորընտիր կանցլեր Ֆրիդրիխ Մերցը և Ֆրանսիայի նախագահ Էմանուել Մակրոնը ցանկություն են հայտնել «միասին լուծել մայրցամաքի առջև ծառացած մարտահրավերները» և «նոր մեկնարկ» տալ երկկողմ հարաբերություններին։

Ելիսեյան պալատում համատեղ մամուլի ասուլիսի ժամանակ արված ամենակարևոր հայտարարությունը ֆրանս-գերմանական «Պաշտպանության և անվտանգության խորհրդի» ստեղծումն էր, գրում է Euronews-ը։

Ըստ լրատվականի, կանցլերի պաշտոնը ստանձնելուց հետո Մերցի առաջին պաշտոնական արտասահմանյան այցը Փարիզ անակնկալ չէր, դա հարգանքի տուրք է ավանդույթին: Չորեքշաբթի Մերցին սպասում են նաև Վարշավայում, որտեղ նա հույս ունի վերսկսել հարաբերությունները, այս անգամ Գերմանիայի արևելյան հարևանի հետ։

Ուկրաինայում շարունակվող պատերազմի վերաբերյալ Մերցը հաստատել է առաջիկա շաբաթներին Կիև այցելելու ծրագրերը՝ ընդգծելով, որ իր նպատակը «կայուն հրադադարի հասնելն ու Ռուսաստանի հետ խաղաղ համաձայնագրի կնքումն է»:

Գերմանիայի նորընտիր կանցլերը նաև հաստատել է իր մտադրությունը՝ Եվրոպայում միջուկային զսպման վերաբերյալ բանակցություններ սկսել Փարիզի և Լոնդոնի՝ ատոմային ռումբ ունեցող երկու տերության հետ։

Մայիսի 9-ին կայանալիք Հաղթանակի շքերթին ներկա գտնվելու նպատակով Ռուսաստանի մայրաքաղաք է ժամանել Չինաստանի նախագահ Սի Ցզինպինը: Այս մասին հայտնում է «Ռոսիա-24» հեռուստաալիքը:

Չինաստանի առաջնորդի ինքնաթիռը վայրէջք է կատարել Մոսկվայի «Վնուկովո» օդանավակայանում։

Ակնկալվում է, որ մինչև մայիսի 10-ը նախատեսված պետական ​​այցի շրջանակում ՉԺՀ ղեկավարը կբանակցի Ռուսաստանի նախագահ Վլադիմիր Պուտինի հետ և կմասնակցի Հաղթանակի 80-ամյակին նվիրված տոնական միջոցառումներին։