«Տելեգրամ» հարթակում հայալեզու, բայց ՀՀ-ից դուրս ստեղծված անհայտ ծագմամբ ալիքներ կան. ՊՆ
Telegram հարթակում ակտիվացել են անհայտ ծագում ունեցող մի շարք ալիքներ. առկա են հիմնավոր կասկածներ, որ այդ ալիքները ստեղծվել են ՀՀ-ից դուրս։ Այս մասին գրել է ՀՀ ՊՆ մամուլի քարտուղարը։
«ԶԼՄ հարգելի՛ գործընկերներ, վերջերս «Տելեգրամ» հարթակում ակտիվացել են անհայտ ծագում ունեցող մի շարք ալիքներ։
Չնայած այն հանգամանքին, որ այդ ալիքներում հրապարակվող բովանդակությունը հայերեն է, առկա են հիմնավոր կասկածներ և որոշ տեղեկություններ, ըստ որոնց՝ այդ ալիքները ստեղծվել են Հայաստանից դուրս։ Այս կապակցությամբ ԶԼՄ ներկայացուցիչներին կոչ ենք անում զերծ մնալ նման ալիքներին հղում կատարելուց, ինչպես նաև՝ չվերահրապարակել և չտարածել դրանցում զետեղված տեղեկությունները։
Անդրադառնալով բանակին, բանակային դիրքերին և առհասարակ պաշտպանական ոլորտին առնչվող տեղեկատվությանը՝ հորդորում ենք ցանկացած տեղեկություն հրապարակելուց առաջ անհրաժեշտ ճշտումներ կատարել ՀՀ պաշտպանության նախարարության համապատասխան ստորաբաժանման հետ»,-գրել է նա։
Latest from ArmNews
- Թուրքիայում պատրաստվում են անվստահություն հայտնել Էրդողանին
- Իրանը ցանկանում է իրավահավասար հիմունքներով երկխոսություն վարել այլ երկրների հետ. նախագահ Փեզեշքիան
- Իրանը հայտարարել է իր միջուկային ծրագրի շուրջ բանակցությունները վերսկսելու պայմանների մասին
- Տարադրամի փոխարժեքները ապրիլի 6-ին
- Այսօր Մեծ պահքի 6-րդ՝ Քրիստոսի Գալստյան կիրակին է
- Վրաստանում երկրաշարժ է տեղի ունեցել
- Անիմաստ է ուղիղ բանակցել մի կողմի հետ, որը սպառնnւմ է nւժի դիմել, բայց մենք պատրաստ ենք փորձել. Իրանի ԱԳ նախարար
- Իրանում երկրաշարժ է տեղի ունեցել
Լրահոս
Ֆոտո
