ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Իսրայելը դժգոհ է Սիրիայում իրավիճակի կարգավորումից և փորձում է այնտեղ ներքին հակամարտություն հրահրել։ Այս մասին Թուրքիայի նախագահ Ռեջեփ Թայիփ Էրդողանը հայտարարել է լրագրողների հետ զրույցում։
«Խաղաղության և հանգստության մթնոլորտը վերջին բանն են, որ Իսրայելը ցանկանում է: Նա մտահոգված է Սիրիայում երկար տարիներ շարունակվող քաղաքացիական պատերազմի ավարտով, այն փաստով, որ սիրիացի ժողովուրդն ինքն է որոշում իր ապագան և այն, որ երկրում ձևավորվում են միասնություն և ամբողջականություն:
Այդ իսկ պատճառով նա փորձում է նոր կոնֆլիկտային իրավիճակ ստեղծել՝ հրահրելով Սիրիայում որոշ խմբերի։ Իսրայելը, որը չի վարանում խաթարել իրավիճակը տարածաշրջանում, նաև շատ մտահոգված է տարածաշրջանում Թուրքիայի ազդեցության և նրա ձեռք բերած հաջողություններով»,- ասել է Էրդողանը:
Նա հավելել է, որ «բոլորը պետք է ձգտեն նոր Սիրիա կառուցել՝ հիմնված միասնության ու տարածքային ամբողջականության վրա»։
«Իսրայելական սադրանքները խոստանում են միայն արյուն, արցունքներ և մահ: Այսօրվա Սիրիան բարեկեցիկ ապագայի բանաձև է: Ինչպես մենք միշտ հայտարարել ենք, մենք թույլ չենք տա, որ մեր հարևան Սիրիան ներքաշվի նոր հակամարտության մեջ», - ասել է Թուրքիայի ղեկավարը:
Ավստրալացի գիտնականները սիրեկաններին բաժանել են չորս կարգի. ամենաէքստրեմալները սեքսով զբաղվում են շաբաթը 20 անգամ, վկայում է իր տեսակի մեջ առաջին հետազոտությունը, որը հրապարակվել է Personality and Individual Differences ամսագրում։
«Բանն այն է, որ բոլորս չէ, որ միանման ենք սիրում»,- ասել է Ավստրալիայի ազգային համալսարանի (Կանբերա) գլխավոր գիտաշխատող եւ ասպիրրանտ Ադամ Բոդեն, որի խոսքը փոխանցում է Phys.org-ը։
Նրա խոսքով՝ոլորտը «չափազանց թերի է ուսումնասիրված՝ հաշվի առնելով դրա կարեւորությունը ընտանեկան եւ ռոմանտիկ հարաբերությունների ձեւավորման, մշակութային ազդեցության եւ ենթադրյալ ունիվերսալության մեջ»:
«Թեեւ կան ապացույցներ ռոմանտիկ սիրո հոգեբանական դրսեւորման տարբերությունների մասին՝ մեր տեղեկություններով ոչ ոք չի փորձել ուղղակի էմպիրիկորեն ուսումնասիրել այս երեւույթը»,-գրել է նա:
Բոդեն եւ նրա թիմը տվյալները վերցրել են Romantic Love Survey 2022-ից՝ տվյալների բազա, որը ներառում է ավելի քան 1 500 մարդու տվյալներ 33 տարբեր երկրներից:
Նրանք այնուհետեւ դասակարգել են սիրահարված 809 երիտասարդների՝ հիմնված նվիրվածության, սեւեռուն մտքերի, հուզական ինտենսիվության եւ սեքսի հաճախակիության վրա:
Այդ արդյունքների հիման վրա հետազոտողները կարողացել են խմբավորել հարցվողներին սիրեկանների չորս կարգերում՝ թույլ, չափավոր, ինտենսիվ եւ ցանկասեր։
Թույլ սիրահարները, որոնք կազմել են բոլոր սիրեկանների 20 տոկոսը, ցույց են տվել ռոմանտիկ սիրո բոլոր կատեգորիաների ամենացածր մակարդակը՝ նվիրվածությունից մինչեւ սեռական ակտիվություն: Նրանք սեքսով են զբաղվել միջինում շաբաթը երկու անգամ։
Այս քառյակում լավագույնս ներկայացված են չափավոր սիրեկանները, որոնք կազմել են սիրեկանների 40 տոկոսը: Նրանք բնորոշվել են որպես «բոլորովին աննկատ»՝ իրենց հավասարակշռված ռոմանտիկ սիրային գծերի պատճառով, ներառյալ «համեմատաբար ցածր ինտենսիվությունը եւ համեմատաբար ցածր սեւեռուն միտքը, համեմատաբար բարձր նվիրվածությունը եւ սեքսի համեմատաբար չափավոր հաճախակիությունը»:
Նրանք սեքսով զբաղվել են շաբաթը 2,5 անգամ։
Սպեկտրի մյուս ծայրում են «ինտենսիվ ռոմանտիկ սիրեկանները», որոնք կազմել են 29 տոկոս բարձր ինտենսիվության միավորներով յուրաքանչյուր կատեգորիայում: «Այս սիրեկանները ցույց են տվել ամենաբարձր ինտենսիվությունը, ամենաուժեղ սեւեռուն մտածողությունը, ամենաուժեղ նվիրվածությունը եւ սեքսի համեմատաբար բարձր հաճախակիությունը»,- ասել է Բոդեն։
Սա միակ խումբն էր, որտեղ կանայք ավելի շատ էին (60 տոկոս), քան տղամարդիկ։ Սեքսի հաճախակիությունը՝ շաբաթական 3 անգամ։
Վերջին եւ ամենափոքր խումբը (ընդամենը 9%). այս ցանկասերները սիրով զբաղվել են շաբաթը միջինում 10 անգամ՝ երբեմն անկողնում հասնելով 20 սեանսի։
Նրանք ամենից քիչ են հակված եղել տեղեկացնել անհանգստության կամ դեպրեսիայի մասին։ Քմահաճ սիրեկանները ցուցադրել են նաեւ հուզական ինտենսիվության բարձր մակարդակ, հավատարմություն եւ սեւեռուն մտածողություն, եւ նրանցից շատերը լուրջ հարաբերությունների մեջ են եղել՝ չնայած այն բանին, որ զուգընկերների հետ չեն ապրել։
Բրազիլիայի ոստիկանությունը կանխել է ահաբեկչությունը, որը ցանկացել են իրականացնել ամերիկացի երգչուհի Լեդի Գագայի համերգի ժամանակ։
Համերգին մասնակցել է ավելի քան 2 միլիոն մարդ։ Այս մասին հայտնում է Ռիո դե Ժանեյրո նահանգի քաղաքացիական ոստիկանությանը։
Ոստիկանության կայքում հրապարակված մամուլի հաղորդագրությունում ասվում է, որ քաղաքացիական ոստիկանությունը կանխել է պայթյուն Լեդի Գագայի համերգի ժամանակ։ Նշվում է նաև, որ հանցագործները հավաքագրել են քաղաքացիների, այդ թվում՝ դեռահասների՝ ինքնաշեն պայթուցիկներով և մոլոտովի կոկտեյլներով հարձակումներ կազմակերպելու համար։
Նշենք, որ նՆախօրեին Ռիո դե Ժանեյրոյի Կոպակաբանա լողափում տեղի է ունեցել Լեդի Գագայի անվճար համերգը, որին մասնակցել է ավելի քան 2 միլիոն մարդ։
Սին հույսեր չեմ տալիս, բայց գալու է նպատակը առաջ տանելու ժամանակը. Սերժ Սարգսյան. Տեսանյութ
Ես շատ մոտիկից եմ շփվել Մանվել Գրիգորյանի հետ, ես չեմ ասի, որ նա ամեն ինչում իդեալական էր, բայց չգնահատել նրա վաստակը՝ ուղղակի ապերախտություն է. այս մասին ասել է ՀՀ 3-րդ նախագահ Սերժ Սարգսյանը Հայկական համալսարանի ունկնդիրների և դասախոսների հանդիպման ժամանակ՝ խոսելով գեներալ Մանվել Գրիգորյանի հետ տեղի ունեցածի մասին։
Նա նշել է՝ Մանվել Գրիգորյանն Ազգային հերոս է, նրա վաստակը շատ մեծ է։
Սերժ Սարգսյանն ընդգծել է, որ տարիներ առաջ հենց Մանվել Գրիգորյանն էր խնդրել, որ կողմ քվեարկեն իրեն անձեռնմխելիությունից զրկելու որոշմանը։
«ԱԺ պատգամավորներն ավելի հակված էին եղել կատարել Մանվելի խնդրանքը, քան՝ դեմ քվեարկել, որովհետև ինչքան էլ ժողովրդի ճնշում լիներ, իշխանության ճնշում լիներ, որևէ մեկը չէր կարող ինձ համոզել, որ Մանվել Գրիգորյանը «տուշոնկա ուտող է», այն էլ՝ զինվորի։ Մանվել Գրիգորյանն այնքան մեծ հեղինակություն է ունեցել զինվորականների շրջանում, որ, երբ ապրիլյան պատերազմի 2-րդ օրը մի քանի հազար ԵԿՄ-ականներով հասել էր Ստեփանակերտ, ինձ պարբերաբար զեկուցում էին, որ զորքում ոգևորություն է տիրում, տարածվում էր՝ «տղերք, Մանվելը հասել է»... դրանից ավելի մեծ վաստակ ո՞վ է ունեցել»,- նշել է Սերժ Սարգսյանը։
Մենք վարչապետի թեկնածու չենք առաջադրում, որովհետև այսօր չենք լուծում վարչապետի հարց, ուզում ենք իշխանափոխություն։ Այս մասին Հայկական համալսարանի ունկնդիրների և դասախոսների հանդիպման ժամանակ ասել է ՀՀ երրորդ նախագահ Սերժ Սարգսյանը:
«Հիմա ո՞րն է մեր նպատակը, իշխանափոխություն անելը, թե կառավարիչի մոտ ընդդիմություն աշխատելը։ Սա շատ կարևոր հարց է: Ընդդիմության պրոբլեմներից մեկն էլ այն է, որ այդ ընդդիմության ճնշող մեծամասնությունն ուզում է տեսնել առաջին հերթին իր տեղն այդ իշխանությունում, հետո նոր` իշխանափոխություն։ Ես համարում եմ, որ հակառակը պետք է լինի»,- նշել է նա։
Հեռուստալրագրող Պավել Զարուբինին տված հարցազրույցում «Ռուսաստան։ Կրեմլ։ Պուտին։ 25 տարի» ֆիլմում ՌԴ նախագահ Վլադիմիր Պուտինը ցույց է տվել, թե ինչպես է ապրում և որտեղ է հյուրեր ընդունում։
Նա ցույց է տվել, թե որտեղ է թեյ խմել Չինաստանի առաջնորդ Սի Ծինփինի հետ։ Պատմել է, որ այստեղ է եղել նաև Բիլ Քլինթոնը:
Հարցին, թե թոռնիկները կարող են անսպասելի զանգել ու հյուր գալ, Պուտինը պատասխանել է. «Կարող են, բայց, այնուամենայնիվ, հասկանում են, որ ես «նոն ստոպ» գրաֆիկ ունեմ, փորձում են նախապես զգուշացնել, հարցնել, թե երբ եմ ինչ-որ «պատուհան» ունենալու»։
Ռուսաստանի նախագահը խոստովանել է, որ խիստ չէ թոռների նկատմամբ։
Բնակարանը գտնվում է Կրեմլի աշխատասենյակից ոչ հեռու։ Սենյակներից մեկում կա սպիտակ դաշնամուր, գրադարան և մատուռ։
Պուտինը պատմել է, որ առաջին անգամ ծնկի է եկել «Նորդ Օստ» կինոթատրոնի գրավման ժամանակ աղոթելու համար:
«Ժամանակ առ ժամանակ ցանկություն է առաջանում դիմել Բարձրյալին։ Եվ նման ներքին կարիք ինձ մոտ է լինում», - պատմել է ՌԴ նախագահը։
Նրա խոսքով ՝ ռուս մարդը արևմտյան հասարակությունից տարբերվող վերաբերմունք ունի հավիտենականի նկատմամբ, և նույնիսկ աթեիստը հավատ ունի:
Ֆոտո
