Արմեն Հովասափյանը ֆեյսբուքյան իր էջում գրում է. «Երեկ լրահոսում առանցքային դերակատարն անկասկած Սերժ Սարգսյանն էր, ով շուրջ 2 ժամ 30 րոպե հանգամանալից անդրադարձավ մի շարք խորքային հարցերի՝ ներկայացնելով առանցքային պարզաբանումներ։

Հասկանալի է, որ որոշ շրջանակների համար այդ ձևակերպումները կարող էին բավականին ցավոտ լինել։ Սակայն, ինչպես նշում է երրորդ նախագահը, անհրաժեշտ է ընդունել և համակերպվել նոր իրողություններին։ Նախագահի խոսքում բացակայում էր պաթոսը. նրա խոսքը կառուցված էր տրամաբանված և փաստարկված դիտարկումների վրա։ Եթե որոշ լսարանների համար դա առաջացրել է անհարմարություն կամ ցավ, պատճառները, անկասկած, պետք է փնտրել սեփական քաղաքական անցյալի և ներկայի մեջ։

Ըստ էության, Սարգսյանը վերահաստատեց դեռ մեկ ամիս առաջ հնչեցրած իր հիմնական թեզը՝ առանց համազգային համերաշխության անհնար է որևէ էական հաջողության հասնել։

Սա սկզբունքային շեշտադրում է, որն, ըստ արժանվույն, հաճախ անտեսվում է։ Իր՝ որպես պետականակենտրոն գործչի կերպարը, այս գաղափարով ևս մեկ անգամ ընդգծվում է։ Սարգսյանի առաջարկած իշխանափոխության մոդելը չունի վրեժխնդրության կամ պառակտման օրակարգ։ Նա հստակ ասում է՝ իշխանափոխությունից հետո առաջնայինը պետք է լինի ոչ թե «վհուկների որսը», այլ ազգային համերաշխության ձևավորումը, որն էլ հիմք կհանդիսանա պետության կայուն վերակառուցման և առաջընթացի համար։

Նա ընդգծում է՝ ի տարբերություն գործող իշխանությունների, ինքը երբեք իշխանության չի եկել ատելության հողի վրա։ Եվ նույնիսկ ընդդիմադիր լինելով՝ երբեք չի փորձել քանդել պետական համակարգը։ «Ես երբեք ինձ թույլ չեմ տվել հայրենիքի դեմ խոսել՝ նույնիսկ ամենածանր օրերին»,- նշել է նախագահը։

Սարգսյանի ելույթը անհրաժեշտ է դիտարկել ոչ միայն որպես հերթական ընդդիմադիր քննադատություն, այլ որպես գաղափարական և ռազմավարական ինքնաարտահայտման ուղերձ։

Նա իր խոսքի միջոցով վերահաստատում է, որ լինելով պետական գործիչ իր համար առաջնահերթությունը պետության շահն է, այս կեպարը հակադրվելով թե՛ գործող իշխանությանը, և թե՛ ընդդիմադիր դաշտի այն դերակատարներին, ովքեր ըստ նրա՝ առաջնորդվում են անձնական ամբիցիաներով»։

ՀՀ-ում ԱՄՆ դեսպանությունից հայտնում են․

Եթե վիզա ստանալիս ստել եք, աշխատել եք առանց համապատասխան թույլտվության կամ վիզայով սահմանված ժամկետից երկար եք մնացել ԱՄՆ-ում, ապա դա կարող է հանգեցնել արտաքսման կամ ապագայում ԱՄՆ վիզա ստանալու մշտական արգելքի։

ՌԴ նախագահ Վլադիմիր Պուտինը հայտարարել է, որ անընդհատ մտածում է իրավահաջորդի մասին, սակայն վերջնական ընտրությունը պետք է լինի ռուսաստանցիներինը, հաղորդում է «Ինտերֆաքսը»։

«Ես միշտ դրա մասին եմ մտածում», – ասել է նա «Ռոսիա 1» (ВГТРК) հեռուստաալիքի «Ռուսաստան. Կրեմլ. Պուտին. 25 տարի» վավերագրական ֆիլմում՝ պատասխանելով այն հարցին, թե արդյոք մտածում է նրա մասին, թե ով ապագայում կղեկավարի երկիրը։

«Բայց վերջնարդյունքում ընտրությունը մարդկանցն է, Ռուսաստանի ժողովրդինը, քաղաքացիներինը, ընտրողներինը», – շարունակել է Ռուսաստանի նախագահը։

Պուտինը նաև համաձայնել է այն պնդման հետ, որ ինքն անընդհատ նայում և գնահատում է յուրաքանչյուր հնարավոր թեկնածուի ներուժը։

Նա նշել է, որ «լուրջ բան անելու շանսեր դժվար թե ունենա այն մարդը, որի հետևում չկա ժողովրդի վստահությունը»։

«Որպեսզի երկիրը կայուն լինի, որպեսզի լինեն պայմաններ, որոնք կապահովեին նրա զարգացումը, անվտանգությունը, պետք է մեկ շատ կարևոր պայման՝ մարդկանց վստահությունը երկրի բարձրաստիճան պաշտոնատար անձանց նկատմամբ։ Բայց որպեսզի հասնենք այդ վստահությանը, պետք է, իհարկե, արդյունավետ և ազնվորեն աշխատել, բարելավել մեր քաղաքացիների վիճակը», – ասել է Պուտինը։

Շարունակելով՝ որպես օրինակ նա բերել է այն փաստը, որ հիմա երկրում աղքատության ամենացածր մակարդակն է։

«Հասկանալի է, որ մարդիկ միշտ նայում են առաջ և միշտ ելնում են նրանից, որ կարող էր ավելի լավ լինել։ Եվ այդ հարցում մարդիկ, իհարկե, ճիշտ են։ Եվ եթե մարդիկ հավատում են, ապա գլխավոր պայմանը, այն է՝ իշխանության նկատմամբ վստահությունը, որոշակի չափով ապահովված կլինի, իսկ դա այն է, առանց որի չի կարող լինել հասարակության միասնություն։ Ահա թե ինչի մասին եմ ես միշտ մտածում։ Հասարակության ներքին համախմբվածությունը մեր բոլոր ձեռքբերումների հիմքն է։ Եվ ես շատ շնորհակալ եմ մարդկանց այն վստահության համար, որը նրանք ինձ ցուցաբերում են, և ոչ միայն ընտրություններում, այլև այսպիսի ընթացիկ աշխատանքում։ Առանց դրա ո՛չ ապրել, ո՛չ աշխատել հնարավոր չէ», – ասել է ՌԴ նախագահը։

Պուտինը նաև հայտարարել է, որ ավելի լավ կլիներ, որ ինքն ունենար մի քանի իրավահաջորդ, որպեսզի ռուսաստանցիներն ընտրություն ունենային։

«Ես մտածում եմ այն մասին, որ պետք է հայտնվի մի մարդ, իսկ ավելի լավ է՝ մի քանի մարդ, որպեսզի մարդիկ ընտրություն ունենան, ովքեր կկարողանային հասնել երկրի քաղաքացիների կողմից այդ վստահությանը», – ասել է ՌԴ նախագահը վավերագրական ֆիլմում՝ պատասխանելով այն հարցին, թե արդյոք մտածում է նրա մասին, թե ով ապագայում կղեկավարի երկիրը։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 5-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևանի Կենտրոն վարչական շրջան՝

11:00-17:00 Տերյան փ. 68ա, 68/3 շենքեր, Կորյունի փ. 13, 13ա, 15, 15ա շենքեր և հարակից ոչ բնակիչ-բաժանորդներ,

Երևանի Արաբկիր վարչական շրջան՝

11։00-17։00 Շահսուվարյան փ. 3-9, Կոմիտասի պող. 27-35Ա, 29/2-31, 34-38, 35/2, 37, 40-44, 41-43, 45/1-49, 46-68Ա, 52-54/1, 56, 59/6-61 շենքեր, Ադոնցի փ. 18/8 շենք, Վրացական փ. 4-8, 9, 10, 15-17 շենքեր, Գրիբոյեդովի փ. 1Ա, 1Բ, 1/1, 2-4/6, 5, 5Ա, 7-31 շենքեր, Զարյան փ. 1-2/1, 15-17, 19-21 շենքեր և 2-18 առանձնատներ, Հայրիկ Մուրադյան փ. 16-35 շենքեր, Գյուլբենկյան փ. 2-2/1 շենքեր, Հր.Քոչարի փ. 165-171 շենքեր, Ա․Խաչատրյան փ. 30-32, 31/1-33/1 շենքեր, Մամիկոնյանց փ. 35-39, 42-44, 50, 54-58Ա շենքեր, Ն․Տիգրանյան փ. 5-7 շենքեր,

Երևանի Քանաքեռ-Զեյթուն վարչական շրջան՝

11։00-17։00 Ֆանարջյան փ. 1-91/3 առանձնատներ, Ուլնեցի փ. 139 շենք և 1-34/8 առանձնատներ, Հասրաթյան փ. 18/7 շենք,

Երևանի Էրեբունի վարչական շրջան՝

10:00-16:00 Սասունցի Դավթի փողոց, Աճեմյան 2-րդ նրբանցք և հարակից ոչ բնակիչ-բաժանորդներ, Երկաթուղայինների փողոցի առանձնատներ, Ռոստովյան փ. 17/1 շենք, «Մեդլայն կլինիկ» ՍՊԸ և հարակից ոչ բնակիչ-բաժանորդներ,

Երևանի Շենգավիթ վարչական շրջան՝

10:00-16:00 Արշակունյաց պող․ 30, 32 շենքեր, Լազոյի փ․ 6 շենք և հարակից ոչ բնակիչ-բաժանորդներ,

Երևանի Աջափնյակ վարչական շրջան՝

10:00-16:00 Գ․Հասրաթյան փ. 25/2, 25/4, 25/6 շենքեր,

Երևանի Մալաթիա-Սեբաստիա վարչական շրջան՝

10:00-16:00 Լուկաշին և Օտյան փողոցներ մասնակի և Ռ․Մելիքյան փողոց,

Երևանի Նոր Նորք վարչական շրջան՝

11:00-14:00 Նոր Նորք 3-րդ զանգ.՝ «Դինաստիա» ՍՊԸ, «Տաշիր Պիցցա» ՍՊԸ, «Մաքս» բենզալցակայան և հարակից ոչ բնակիչ-բաժանորդներ,

Երևանի Նորք Մարաշ վարչական շրջան՝

11:00-17:00 Նորք Մարաշ՝ Նորքի Այգիներ թաղ. 154, 202, 202/1, 208, 212/2, 225/5 առանձնատներ, Ա․ Արմենակյան փ. 133/1, 202, 202/6, 202/3, 225, 225/5 առանձնատներ, «Գոլդ Գլաս», «Բասնա» ՍՊԸ-ներ, թիվ 121 մսուր-մանկապարտեզ, հարակից ոչ բնակիչ-բաժանորդներ,

Արմավիրի մարզ՝

11։00-17։00 Արշալույս գյուղ,

Արագածոտնի մարզ՝

11:00-17:00 Աշտարակ քաղաք՝ Մուղնի թաղամաս, Ռյա Թազա, Միրաք, Մելիքգյուղ, Դերեկ, Միջնատուն, Սիփան, Ավշեն, Ալագյազ, Գեղարոտ, Ծիլքար, Լեռնապար, Ջամշլու և Ալագյազ գյուղեր,

Արարատի մարզ՝

10։00-11։00 Դաշտավան, Դարբնիկ, Նիզամի գյուղեր և հարակից ոչ բնակիչ- բաժանորդներ,

10:00-12:00 Նոր Կյուրին գյուղ մասնակի և հարակից ոչ բնակիչ-բաժանորդներ, Մարմարաշեն գյուղ մասնակի և հարակից ոչ բնակիչ-բաժանորդներ,

10:00-13:00 Վեդի քաղաք՝ Ա․ Խաչատրյան փողոց մասնակի և հարակից ոչ բնակիչ-բաժանորդներ, Արարատ գյուղ, Լուսառատ և Բերքանուշ գյուղեր մասնակի և հարակից ոչ բնակիչ-բաժանորդներ, Սիսավան գյուղ մասնակի և հարակից ոչ բնակիչ-բաժանորդներ,

10։00-16։00 Զորակ գյուղեր և հարակից ոչ բնակիչ-բաժանորդներ,

Վայոց Ձորի մարզ՝

10:30-12:30 Վայք քաղաք՝ Ազատության, Երկրաբանների, Վ․ Համբարձումյան, Սիամանթոյի փողոցներ մասնակի և հարակից ոչ բնակիչ-բաժանորդներ, Արին գյուղ մասնակի և հարակից ոչ բնակիչ-բաժանորդներ,

Կոտայքի մարզ՝

11։00-17։00 Մայակովսկի, Հատիս, Զովաշեն և Կապուտան գյուղեր, Ջրվեժ, Գառնի, Հացավան, Գեղադիր և Գողթ գյուղեր մասնակի,

Գեղարքունիքի մարզ՝

10:00-16:00 Գեղհովիտ բնակավայրն ամբողջությամբ և հարակից ոչ բնակիչ-բաժանորդներ,

11:00-15:00 Աստղաձոր և Երանոս բնակավայրն ամբողջությամբ և հարակից ոչ բնակիչ-բաժանորդներ,

Տավուշի մարզ՝

11:00-13:00 Այգեձոր, Չինարի գյուղեր և հարակից ոչ բնակիչ-բաժանորդներ,

12։00-16։00 Դիլիջան քաղաք՝ Թբիլիսյան խճուղի մասնակի, Պարզ Լիճ փողոց մասնակի, Թեղուտ գյուղ,

Լոռու մարզ՝

11:00-17:00 Արծնի, Ապավեն, Սարչապետ, Պրիվոլնոյե, Նորաշեն, Պետրովկա, Ձորամուտ և Գոգավան գյուղեր,

Սյունիքի մարզ՝

09:30-11:00 Վերին Գիրաթաղ գյուղ:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Մոսկվայի հարավում՝ գեներալ Տյուլենևի փողոցի բազմահարկ շենքում գազի պայթյուն է տեղի ունեցել, ինչի արդյունքում երկու բնակարաններում հրդեհ է բռնկվել։

Ինչպես հայտնում են ռուսական լրատվամիջոցները, պայթյունի հետևանքով, նախնական տվյալներով, 15 տուժած կա, այդ թվում՝ երեխաներ։ Երկու մարդ մահացել է։

Դեպքի վայրում աշխատում են փրկարարները, բնակիչները տարհանվում են։

Skype կապի ծառայությունը կդադարեցնի գործունեությունը մայիսի 5-ին, ասվում է օգտատերերին ուղղված հաղորդագրության մեջ, փոխանցում է ՏԱՍՍ-ը։

Նշվում է, որ այն «տեղափոխվում է» Teams, որը թույլ կտա մուտք գործել Skype-ի մուտքային տվյալներով։

Skype-ից Teams-ին անցումը անվճար է օգտատերերի համար և չի պահանջում հաշվի մուտքագրման տվյալների փոփոխություն։

Skype-ի տվյալները օգտատերերի համար հասանելի կլինեն մինչև 2026 թվականի հունվարը, «որպեսզի ժամանակ լինի որոշելու, թե ինչպես վարվել դրանց հետ», դրանք կարող են նաև ինքնուրույն ջնջվել: Տվյալները կջնջվեն ինքնուրույն, եթե որևէ գործողություն չձեռնարկվի մինչև 2026 թվականի հունվարը: Ծրագիրը գործում էր 2003 թվականից։

90․000 ֆունտ ստեռլինգ (մոտ 120․000 դոլար — խմբ․) արժողությամբ նոր «Mercedes»-ը ջրասույզ է եղել ալիքների տակ այն բանից հետո, երբ անհաջողակ վարորդը մայրամուտը դիտելու համար մտել է լողափ և հայտնվել մակընթացության տակ, հայտնում է The Sun-ը։

Վարձույթով վերցված սև մեքենան երկու օր խրված է մնացել Հյուսիսային Ուելսի Գվինեդում գտնվող Բլեք Ռոքս լողափի ավազի մեջ։

«Mercedes»-ը խրված և մասամբ խորտակված է մնացել այդ երկու օրը, մինչ նրա տերերը սպասում էին տեղատվությանը՝ այն դուրս բերելու փորձ կատարելու համար։

Բոլորովին նոր «Mercedes-Benz» կուպեն բազմաթիվ մեքենաներից վերջինն է, որոնք գեղատեսիլ լողափում հայտնվել են մակընթացության տակ։

Այս տարի արդեն մի քանի մեքենա է ջրասույզ եղել ծովում՝ չնայած հեռու մնալու բազմակի նախազգուշացումներին։

Ընդամենը երկու շաբաթ առաջ նույն լողափի հակառակ ծայրում նույն ճակատագրին է արժանացել «Audi» մակնիշի մի մեքենա։

Թանգարանի փորձագետները նշում են, որ Չեխիայում երկու զբոսաշրջիկ վերջերս պատահաբար գտել են ոսկե մետաղադրամների զգալի քանակություն, որոնց ընդհանուր քաշը 15 ֆունտ է, իսկ արժեքը՝ գնահատվում է 340,000 դոլար: Արևելյան Բոհեմիայի թանգարանը իր Ֆեյսբուքյան էջում հայտարարել է, որ ձեռք է բերել Չեխիայի խիտ անտառի եզրին գտնվող թաքստոցում հայտնաբերված գանձերի անսովոր հավաքածու, հաղորդում է Daily Mail-ը։

Զվիչինա բլրի հարավային լանջով զբոսաշրջիկների հանգիստ զբոսանքի ժամանակ երկու զբոսաշրջիկ հանքում նկատեցին մասամբ բաց ալյումինե պատյան։

Ինչպես հաղորդում է Daily Mail-ը, Արևելյան Բոհեմիայի թանգարանի հնագիտության բաժնի վարիչ Միրոսլավ Նովակը զարմանք է հայտնել անհավանական գտածոյի վերաբերյալ՝ նշելով, որ այն պարունակում է մեծ քանակությամբ ոսկի։ Թանգարանի կողմից տարածված հայտարարության մեջ Նովակը գտածոն որակել է որպես «եզակի»՝ նշելով արժեքավոր իրերը թաղելու հին սովորությունը, սովորաբար անկայունության ժամանակահատվածներում, հետագայում դրանք վերականգնելու համար։

Մոտենալով զբոսանքի ժամանակ հայտնաբերված անսովոր կուժին՝ զբոսաշրջիկները հայտնաբերել են ոչ թե աղբ, այլ թաքնված գանձ։ Տարայի մեջ իշխանությունները հայտնաբերել են 598 փայլուն ոսկե մետաղադրամ, որոնք կոկիկ դասավորված էին 11 սյուներով և փաթաթված սև կտորով։ Ոսկու վրա պատահաբար գտնելով՝ ճանապարհորդները զննեցին շրջակայքը։ Պեղումների վայրից մոտ մեկ մետր հեռավորության վրա նրանք գտան մետաղական արկղ, որը պարունակում էր տարբեր ոսկե իրեր, այդ թվում՝ 16 ծխախոտի պարկ, 10 ապարանջան, նրբագեղ մետաղալարե ցանցե պարկ, փոշու կոմպակտ և բանալիի շղթա։

Արևելյան Բոհեմիայի թանգարանին ներկայացնելով իրենց արդյունքները՝ թանգարանի փորձագետները հայտարարել են, որ մետաղադրամների գնահատված արժեքը կազմում է մոտավորապես 340,000 դոլար։

Հատկանշական է, որ այս գնահատումը հիմնված էր թանկարժեք մետաղների ներքին արժեքի, այլ ոչ թե դրանց անվանական արժեքի վրա որպես արժույթ։

Հայտնաբերված մետաղադրամները թվագրվում են 1808-1915 թվականների միջև ընկած ժամանակահատվածով։

Մասնագետների տեսության համաձայն՝ գանձը, հավանաբար, պահվել է 1921 թվականից հետո որոշ ժամանակ անց։ Ապացույցները վկայում են, որ տերը մտադիր էր վերադարձնել իր գանձերը։

Ինդոնեզացի տղամարդն իր հարսանիքից հետո է պարզել, որ իր հարսնացուն իրականում տղամարդ է։ «Կինը» պարզապես ցանկացել է գողանալ «ամուսնու» ունեցվածքը։

AK կեղծանվամբ 26-ամյա ինդոնեզացին 2024 թվականին սոցցանցերում ծանոթացել է աղջկա՝ Ադինդա Կանզայի հետ։ Գրել է South China Morning Post-ը։ Դրանից հետո նրանք ժամադրվել են մեկ տարի։ Այս ամբողջ ընթացքում Կանզան նիկաբով է ժամադրության եկել՝ պնդելով, որ ինքը «արդար մուսուլման է»: 

2025 թվականի ապրիլին զույգը համեստ հարսանիք է արել փեսայի տանը։ Աղջիկն ասել է, որ իբր հարազատներ չունի, ուստի արարողությանն իր կողքին մարդ չի եղել։ Կանզան նաեւ 5 գրամ ոսկի է բերել որպես օժիտ։

12 օր անց AK-ն նկատել է, որ իր կինը հրաժարվում է շփվել ընտանիքի հետ, շարունակում է տանը նիկաբ կրել, ինչպես նաև խուսափել է մտերմությունից՝ պատճառաբանելով վատ առողջական վիճակը: Հետո տղամարդը պարզել է, որ Կանսան հարազատներ ունի, իսկ նա Էշ անունով տղամարդ է։

Էշն ասել է, որ ցանկացել է ամուսնանալ ԱԿ-ի ունեցվածքը գողանալու համար։ Ոստիկանությունը նշել է, որ Էշը իսկապես նման է կնոջ, հատկապես, երբ դիմահարդարվում է, և հավելել, որ տղամարդն ունի «ցածր ձայն, որը շատ նման է կանացի ձայնին»:

Ձերբակալված «կնոջ» մեղադրանք է ներկայացվել խարդախության համար։ Ձախողված «կնոջը» սպառնում է մինչև չորս տարվա ազատազրկում։