ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ադրբեջանի խորհրդարանի անդամ Ազեր Բադամովին Ռուսաստանի Դաշնություն մուտք գործելու մերժման պատճառը նրա բազմիցս արված հակառուսական և ռուսատյաց հայտարարություններն էին։ Դրա մասին ТАСС-ին հայտնել է աղբյուրը։
Նշվում է, որ 2025 թվականի մայիսի 4-ին Ադրբեջանի Միլլի Մեջլիսի (խորհրդարանի) պատգամավոր Բադամովին թույլ չեն տվել մուտք գործել Ռուսաստանի տարածք։ «Ազեր Բադամովային արգելվում է մուտք գործել Ռուսաստան՝ ըստ «ՌԴ-ից դուրս գալու և ՌԴ մուտք գործելու կարգի մասին» Ռուսաստանի Դաշնության դաշնային օրենքի 26-րդ և 27-րդ հոդվածների։ Դրա համար հիմք է ծառայել այն փաստը, որ Միլլի Մեջլիսի պատգամավորը բազմիցս հակառուսական և ռուսատյաց հայտարարություններ է արել», - նշել է գործակալության աղբյուրը։
Աղբյուրն ընդգծել է, որ Բադամովի դեմ ձեռնարկված միջոցներն «անհատական բնույթ» ունեն և չեն ազդում «ռուսական կողմի անփոփոխ հանձնառության վրա՝ զարգացնելու ռուս-ադրբեջանական հարաբերությունները ռազմավարական գործընկերության և դաշինքի ոգով»։
«Ռուսաստանը բարեկամ երկրների հետ հարաբերություններում stop list-երի պրակտիկայի կողմնակից չէ։ Ինչպես հայտնի է, նախկինում Ադրբեջան մուտք գործելու արգելք էր դրվել մի շարք ռուսաստանցի օրենսդիրների նկատմամբ։ Վերջին նման դեպքը վերաբերում է Պետդումայի պատգամավոր Նիկոլայ Վալուևին։ Մոսկվայում կարծում են, որ նման հարցերը ճիշտ կլինի լուծել դիվանագիտական ուղիներով, այլ ոչ թե լրատվամիջոցներով բողոքի հայտարարություններ անելով»,-հավելել է աղբյուրը։
51-ամյա Սոֆիա Վերգարան պատրաստ է լողափի սեզոնին։ Դերասանուհին լուսանկարների շարք է հրապարակել, որոնցում Sofia Vergara Swim-ի եւ Walmart-ի համակցված լողազգեստով է։
Շապիկի լուսանկարում կոլումբիացի դերասանուհին պառկած է բազմոցին, հագին՝ մուգ դարչնագույն ամբողջական լողագեստ։
Աքսեսուարները համալրելով մատանիներով եւ ապարանջաններով՝ Վերգարան կերպարն ամբողջացրել է՝ երկար, ուղիղ մազերով, որոնք թափվում են ուսերին։
Ես նշել եմ, որ այն նախաձեռնությունները, որի հիմքում կանգնած է Էդգար Ղազարյանը, ես ոչ միայն չեմ միանում, այլ ընդհանրապես չեմ էլ քննարկում անլուրջ մարդկանց անլուրջ առաջարկները, ինչի մասին էլ որ այն լինի: Այս մասին 24news-ի հետ զրույցում ասաց «Հայաստան» դաշինքի պատգամավոր Գեղամ Նազարյանը՝ պատասխանելով այն հարցին , թե ինչու չի ուզում միանալ նախաձեռնությանը:
«Ես չեմ մասնակցում, ես նաև ասել էի, եթե նույնիսկ ֆանտաստիկայի ժանրից ՔՊ-ից 20 հոգի միանա Էդգար Ղազարյանի նախաձեռնությանը, ես չեմ միանա, միայն նրա պատճառով, որ Էդգար Ղազարյանն է հիմքում, որ այս մեր քաղաքական դաշտում նպաստեմ լրջության հաստատմանը, որովհետև հերիք է , քանի որ ինքնին անլուրջ և անպատասխանատու մարդ է, որը վկայում է, որ Հայաստանում անլուրջ քաղաքական մթնոլորտ է»,-ասաց Նազարյանը:
Լրագրողի հարցին, թե միգուցե սրանք պատճառաբանություններ են, որպեսզի չմիանա գործընթացին՝ Նազարյանը պատասխանեց. «Ինչքան հիշում եմ, Էդգար Ղազարյանն ուզում էր մարդու իրավունքների պաշտպան դառնար, դրա համար անհարմար վիճակի մեջ գցեց Հայաստան խմբակցությանը»:
Լրագրողի հարցին, որ եթե իմպիչմենթի գործընթացն այլ մարդիկ նախաձեռնեն, հնարավո՞ր է, որ ինքը միանա՝ պատասխանեց.
«Կենկրետ իմ կողմից շատ հարգված ու լուրջ մարդիկ լինեն, ես առաջին շարքերում կլինեմ, ես բոլորի ասածներն ու հայտարարությունները շատ ուշադիր կարդացել եմ, ու շատ տխրել եմ, որ ինչ են ասում իրենք: ՔՊ-ին կարող եմ միանալ հանուն պետության, իսկ Փաշինյանի իմպիչմենտին չեմ մասնակցելու»,-ասաց Նազարյանը:
Նազարյանի խոսքով՝ միասնական թեկնածու երբեք չի լինելու: Դաշտը միասնական չէ՝ բոլոր օբյեկտիվ ու ոչ օբյեկտիվ պատճառներով:
«Ես հիմա ազատ եմ, կարող է ինչ-որ մեկի հետ կապված կարծիքը չկիսեմ, ես ազատ խոսում եմ ճշմարտության մասին, որի իրավունքը չունեմ չասելու: Մարդկանց հերիք է խաբեն ու միմոսությամբ զբաղվեն»:
Լրագրողի հարցին, թե այդ դեպքում ի՞նչ ճանապարհով պետք է Փաշինյանին հեռացվի՝ Նազարյանը պատասախանեց. «Փաշինյանին հեռացնելու երկու ճանապարհ կա, մեկը համաժողովրդական համախմբումն է, մյուսը՝ հերթական ընտրություններն են»:
Ռուսաստանի ԱԳ նախարար Սերգեյ Լավրովը մոտ ապագայում կայցելի Հայաստան։ Այս մասին լրատվամիջոցներին ասել է Հայաստանի ԱԳ նախարարության խոսնակ Անի Բադալյանը:
Ամսաթվի վերաբերյալ ԱԳՆ-ն կծանուցի այցին ավելի մոտ ժամկետում։
Կրեմլում կարծում են, որ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը պահանջված է։ Բայց դա պետք է լավ պատրաստվի, լրագրողներին ասել է ՌԴ ղեկավարի մամուլի քարտուղար Դմիտրի Պեսկովը։
«Նման հանդիպումն ակնհայտորեն բոլորի շուրթերին է: Շատ առումներով, մենք կարծում ենք, որ դա, իհարկե, անհրաժեշտ է: Այն պետք է համապատասխան կերպով պատրաստվի, և դա պահանջում է փորձագիտական տարբեր մակարդակներում ջանքեր: Դա պահանջում է Մոսկվայի և Վաշինգտոնի միջև շարունակվող շփումները, որոնք սկսվել են և ներկայումս շարունակվում են:
ԱՄՆ առաջնորդն ավելի վաղ ասել էր, որ մայիսի կեսերին թագավորություն կատարած այցի ժամանակ կքննարկի Սաուդյան Արաբիայում Պուտինի հետ հնարավոր հանդիպման հնարավորությունը:
ԱՄՆ դոլարի փոխարժեքն այսօր՝ մայիսի 5-ին, կազմել է 389.46 դրամ՝ նախորդ օրվա համեմատ աճել է 0.05 դրամով: Այդ մասին տեղեկանում ենք Կենտրոնական բանկի պաշտոնական կայքից։
Եվրոյի փոխարժեքը կազմել է 441.84 դրամ (աճել է 0.56 դրամով), բրիտանական ֆունտի փոխարժեքը կազմել է 518.41 դրամ (աճել է 0.81 դրամով), իսկ ռուսական ռուբլու փոխարժեքը կազմել է 4.80 դրամ (աճել է 0.09 դրամով):
Հայաստանյան բանկերում դոլարը գնվում է 386-387.5 դրամով, վաճառվում է 391-392.5 դրամով:
Եվրոն բանկերում գնվում է 430-436 դրամով, վաճառվում է 443-449 դրամով:
Ռուբլին բանկերում գնվում է 4.55-4.72 դրամով, վաճառվում է 4.85-5.02 դրամով: Փոխանակման կետերում իրավիճակը հետևյալն է.
դոլարը գնվում է 388 դրամով, վաճառվում՝ 391 դրամով:
Եվրոն գնվում է 440 դրամով, վաճառվում է 444 դրամով:
Ռուբլին գնվում է 4.65 դրամով, վաճառվում է 4.72-4.75 դրամով:
89 տարեկանում մահացել է ԵՊՀ նախկին ռեկտոր, ԳԱԱ նախկին նախագահ Ռադիկ Մարտիրոսյանը, այս մասին հայտնում է «Հայաքվե» նախաձեռնությունը:
Ռադիկ Մարտիրոսյանը 1958թ. ավարտել է Երևանի պետական համալսարանի ֆիզիկամաթեմատիկական ֆակուլտետը՝ աստղաֆիզիկոսի որակավորմամբ։
1960-1960 թթ. սովորել է ԽՍՀՄ ԳԱ Մոսկվայի Պ. Լեբեդևի անվան ֆիզիկայի ինստիտուտի ասպիրանտուրայում։ 1964-1968 թթ. եղել է ՀԽՍՀ ԳԱ ռադիոֆիզիկայի և էլեկտրոնիկայի իսնտիտուտի ավագ գիտաշխատող, 1968-1970 թթ.՝ լաբորատորիայի բաժնի վարիչ, 1970-1980 թթ.՝ գիտական աշխատանքների գծով փոխտնօրեն, 1980-2006 թթ.՝ տնօրեն։ 1965 թվականից դասավանդել է ԵՊՀ-ում, 1983-1993 թթ.՝ ԵՊՀ գերբարձր հաճախությունների ֆիզիկայի ամբիոնի վարիչ, 1993-2006 թթ.՝ ԵՊՀ ռեկտոր։ 2006 թվականից իր ստեղծած ԳԲՀ ռադիոֆիզիկայի և հեռահաղորդակցության ամբիոնի վարիչն էր, 2006-2021 թվականներին՝ Հայաստանի գիտությունների ազգային ակադեմիայի նախագահը:
Հասարակական գործիչ Նարեկ Մալյանի ֆեյսբուքյան գրառումը՝ կից տեսանյութով․ ««Կրելու ենք» կարգախոսով ժողովրդից քվե ստացած «Հայաստան» խմբակցության ղեկավար գեներալ-գնդապետ Սեյրան Օհանյանն այսօր հայտարարել է, որ իմպիչմենթի հիմքեր չկան և ես ու Էդգար Ղազարյանն անլուրջ ենք:
Սրտի ցավով եմ տեղադրում այս տեսանյութը, որտեղ անցյալում փառահեղ ռազմական ուղի անցած գեներալի հետ ԱԺ դահլիճում նման կերպ է վերաբերվում ըստ իս աշխարհի ամենաանլուրջ մարդը, ում քաղաքական ուժին հեռացնելու խոստումով նույն գեներալը ստացել է քվե:
Հիմա հարց.
Իմպիչմենթն անլուրջ է, իսկ այս իրավիճակում հայտնվելը լո՞ւրջ է…
Ի՞նչ ասեմ, շարունակեք ձեր «լուրջ» գործունեությունն ԱԺ-ում»:
Իրանի արտաքին գործերի նախարար Աբբաս Արաղչին պաշտոնական այցով ժամանել է Իսլամաբադ։ Այս մասին հայտնել է իրանական Mehr լրատվական գործակալությունը։
Իսլամաբադի միջազգային օդանավակայան ժամանելուց հետո լրագրողների հետ զրույցում Արաղչին նշել է, որ այցի ընթացքում կքննարկի երկկողմ հարաբերություններն ու տարածաշրջանային հարցերը՝ ավելացնելով, որ քայլեր է ձեռնարկում Իրանի և Պակիստանի միջև համագործակցությունն ավելի լավ ուղու վրա դնելու ուղղությամբ։
Արաղչին մեծ նշանակություն է տվել երկու երկրների միջև հարաբերություններին, նաև կարևորել է Իրանի հարաբերությունները տարածաշրջանի այլ երկրների, այդ թվում՝ Հնդկաստանի հետ։ Նրա խոսքով՝ տարածաշրջանում ստեղծված իրավիճակը շատ կարևոր է Իրանի համար։
Արաղչին ընդգծել է Հնդկաստանի և Պակիստանի միջև լարվածությունը նվազեցնելու Թեհրանի կոչը։Իրանի ԱԳ նախարարը նշել է, որ Իսլամաբադ կատարած իր այցի հիմնական նպատակներից մեկը Պակիստանի և Հնդկաստանի միջև լարվածության նվազեցումն է։
Արաղչին նաև նշել է, որ Պակիստանում նախատեսված են սերտ խորհրդակցություններ։
«Պակիստանի նախագահի, վարչապետի և արտաքին գործերի նախարարի հետ նախատեսված են հանդիպումներ, որոնց ընթացքում կքննարկվեն երկկողմ և տարածաշրջանային հարցեր», – նշել է նա։
Պակիստանից հետո Արաղչին նաև նախատեսում է մեկնել Հնդկաստան։
|
ՀՀԿ ԳՄ անդամ Արտակ Զաքարյանի ֆեյսբուքյան գրառումը. «Հայաստանի Հանրապետության Սահմանադրությամբ ՀՀ կառավարությանն անվստահություն հայտնելու սահմանադրա-իրավական գործընթացը բնութագրվում է որպես կոնստրուկտիվ անվստահության քվե։ Խորհրդարանական կառավարման ձևը բնութագրվում է նրանով, որ կառավարությունը քաղաքական պատասխանատվություն է կրում խորհրդարանի առջև իր վարած քաղաքականության համար, և իր ստեղծման ու գոյատևման համար կախված է խորհրդարանի վստահությունից: Կառավարության կայունությունն առավել չափով ապահովելու նպատակով ՀՀ Սահմանադրությամբ նախատեսված է քաղաքական պատճառներով կառավարության պաշտոնանկություն միայն կոնստրուկտիվ անվստահության քվեի միջոցով, ընդ որում՝ գործող վարչապետին անվստահություն հայտնելը և նոր վարչապետի ընտրությունը տեղի է ունենում միաժամանակ՝ Ազգային ժողովի մեկ որոշմամբ: Նիկոլի հաջորդ կառավարության ծրագիրն ԱԺ կողմից հաստատվել է 2019թ․ փետրվարի 14-ին՝ պատգամավորների 83 կողմ, 37 դեմ ձայներով։ Դեմ են քվեարկել «Լուսավոր Հայաստան» և «Բարգավաճ Հայաստան» կուսակցության պատգամավորները։ Այս կառավարությունը գործեց երկու տարի 7 ամիս և Հայաստանի պատմության մեջ մտավ որպես դավադրությունների, ապազգային քաղաքականության, երիրը պատերազմի և միտումնավոր պարտության տանող, շուրջ 5000 չհիմնավորված զոհեր տված, պետության ներքին և արտաքին քաղաքականությունն ավիրող կառավարություն։ Այն չի կատարել իր ծրագրի որևէ էական դրույթ։ Անվստահությունից խուսափելու և վերարտադրվելու նպատակով, հենց այս կառավարությունն է նախաձեռնել արտահերթ խորհրդարանական ընտրություններ։ Ի հեճուկս բոլոր զգուշացումների և սպասումների՝ ՔՊ-ն վերընտրվեց։ Նույնիսկ Ալիևն էր զարմացել։ Նիկոլի ձևավորած երրորդ կառավարության ծրագիրն ԱԺ կողմից հաստատվել է 2021թ․ օգոստոսի 26-ին՝ պատգամավորների 70 կողմ, 0 դեմ, 0 ձեռնպահ ձայներով։ «Հայաստան» և «Պատիվ ունեմ» խմբակցությունները քվեարկությանը չեն մասնակցել։ Այս կառավարությունը ոչ միայն խաբել ու չի կատարել իր գործունեության ծրագիրը, այլ արել է տրամագծորեն հակառակը։ Ամբողջությամբ հանձնել է Արցախը, այն ճանաչելով Ադրբեջանի մաս և ոչինչ չի արել Արցախում էթնիկ զտումներն ու բռնի տեղահանումը կանխելու համար։ Թույլ է տվել ՀՀ տարածքների օկուպացիա, ինչպես նաև սահմանազատման անվան տակ՝ նոր տարածքներ է հանձել Ադրբեջանին։ Հարցականի տակ է դրել ԵԱՀԿ ՄԽ գոյությունը, նահանջ է արձանագրել Հայոց Ցեղասպանության միջազգային ճանաչման գործընթացից, կորցրել է արտաքին աջակցության և վստահության ռեսուրսները, կեղծ և ձախողված խաղաղության ու նոր կապիտուլյացայի օրակարգ է ներմուծել՝ էլ ավելի վտանգելով Հայաստանի և նրա քաղաքացիների անվտանգությունն ու ապագան։ Չունի տնտեսական հեռանկարային լուծումներ, չունի սոցիալական բավարար երաշխիքներ։ Հարցականի տակ է դրել ՀՀ սահմանդրության և հայոց պետականության համար հիմնարար փաստաթուղթ համարվող Անկախության Հռչակագիրը։ Պետությունը կանգնեցրել է նոր մարտահրավերների, սպառնալիքների ու փակուղու առջև։ Թուլացրել է երկրի պաշտպանունակությունը և վտանգել է քաղաքացու բնականոն գործունեության համար անհրաժեշտ ռեսուրսները։ Հետևաբար, ի՞նչ իմաստ և նպատակ է ունենալու 2026թ․ հերթական ընտրություններում Նիկոլի կառավարության վերարտադրությունը։ Այն լինելու է ՔՊ-ական իշխանությունը պահելու (այդ թվում նաև կոալիցիայի միջոցով), երկիրն ամբողջովին թուրքական հարթակ դարձնելու և հայկական գործոնը տարածաշրջանից վերացնելու ժամանակաշրջան։ Չեմ բացառում 2026թ․ ընտրություններում գործող կառավարիչներին հեռացնելու հնարավորությունը, բայց այս պահին այն խիստ մշուշոտ ու քիչ հավանական է։ Ոչինչ չի խանգարելու նրանց՝ կեղծել ընտրությունների արդյունքները, նոր ռեպրեսիաների գնալ և հանուն իշխանության պահպանման՝ հակապետական ու ապազգային նոր հանձնառություններ վերցնել դրսից։ Հետևաբար, կառավարությանը կոնստրուկտիվ անվստահություն հայտնելու գործընթացի համար առկա են բոլոր իրավաքաղաքական հիմքերը, և այն հնարավորություն կարող է լինել հասարակությանը կոնսոլիդացնելու, բոլոր ընդդիմադիր քաղաքական ուժերին միավորելու, ինչպես նաև Հայաստանի Հանրապետությանը և նրա բոլոր քաղաքացիներին ապագա սպառնալիքներից զերծ պահելու համար։ Հետո ոչ թե ուշ, այլ շատ ուշ է լինելու։ Երկրի ու ժողովրդի համար»։ |
Ֆոտո
