Որ պահին մտավ այս դահլիճ, պատասխան է տալու իր արածների համար, սկզբում վերբալ պատասխան է տալիս, հետո արդեն՝ վերբալ պատասխանից կախված: Այդ մասին, այսօր՝ մայիսի 14–ին, Ազգային ժողովում հայտարարեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ խոսքն ուղղելով «Հայաստան» խմբակցության պատգամավոր Լևոն Քոչարյանին:

Հաճախ հնչող դիտարկմանը, թե ինչ են անելու իշխանական պատգամավորները, եթե մի օր պաշտոն չունենան, Ալեքսանյանը պատասխանեց.

«Որ վաղը պաշտոն չունենանք, կարողանալու ենք ու անելու ենք այն նույն բանը, ինչ կարողանում և անում ենք հիմա: Գիտե՞ք ինչու, որովհետև մենք հիմա ԱԱԾ-ին չենք ուղարկում, որ մեր սիրած աղջկան մոտեցող տղայի գլուխը ջարդի, որ մեր տղայական ու անձնական հարցերը լուծի:

Մեր հարցերը էլի մենք ենք լուծում, էլի ինքներս ենք անում: Ոնց կարողանում ենք, լուծում ենք: Փողոցից սկսած, դպրոցական տարիքից սկսած, մանկապարտեզից սկսած՝ այս դահլիճի այս կողմում նստած մարդիկ ինքնուրույն են հարցերը լուծում (ցույց է տալիս իշխանական խմբակցության պատգամավորական աթոռները - խմբ.)»:

Իրանի արտաքին գործերի նախարար Աբբաս Արաղչին մեկնաբանել է ԱՄՆ-ի նախագահ Դոնալդ Թրամփի այն խոսքերը, որ Իսլամական Հանրապետությունը, իբր, «ահաբեկչություն է սերմանում» Մերձավոր Արևելքում։

«Թրամփը վերահաստատել է իր մտադրությունը՝ վարելու առավելագույն ճնշման քաղաքականություն։ ԱՄՆ-ի նախագահն աչք է փակում տարածաշրջանում Իսրայելի բոլոր հանցագործությունների վրա և փորձում է Իրանին ներկայացնել` որպես սպառնալիք։ Սա մաքուր խաբեություն է և (հասկացությունների) փոխարինում, երբ սպառնալիքները տեղերով փոխվում են։ Ո՞ր ռեժիմն է սպանել 60.000 մարդու Գազայում։ Ո՞վ է նման մասշտաբի ավերածություններ պատճառել Գազայում։ Ո՞ր ռեժիմն է հարձակվում Պաղեստինի շրջակայքի, այդ թվում՝ Լիբանանի, Սիրիայի և Եմենի վրա»,- լրագրողներին ասել է Արաղչին։

«Վերջին ամիսներին Իսրայելի կողմից օկուպացված սիրիական տարածքն ավելի մեծ է, քան ամբողջ Գազայի հատվածը։ Իսրայելը Գազայում տնտեսական շրջափակման մեջ է պահում մի ամբողջ ազգի։ Այս բոլոր փաստերն անտեսվում են, միաժամանակ փորձեր են արվում Իրանը ներկայացնել` որպես տարածաշրջանի համար սպառնալիք, որպեսզի մոռացվի իրական սպառնալիքը։ Սակայն նրանք դա էլ չեն հաջողի»,- նշել է դիվանագետը։

Նրա խոսքով՝ «իրանական ժողովուրդը ընտրություն է կատարել ժողովրդավարական, անկախ և զարգացած երկրի օգտին, և հենց Միացյալ Նահանգներն է, որ տարիներ շարունակ խոչընդոտել է Իրանի առաջընթացը՝ պատժամիջոցների և ճնշման միջոցով»։

Թուրքիայի իշխանությունները հինգշաբթի՝ մայիսի 15-ին չեն սպասում ԱՄՆ նախագահ Դոնալդ Թրամփի այցին՝ ուկրաինական ճգնաժամի խաղաղ կարգավորման շուրջ բանակցություններին մասնակցելու համար, հայտնել է Bloomberg գործակալությունը։

Ըստ լրատվամիջոցի՝ թուրքական իշխանությունները, միաժամանակ, չեն բացառում ամերիկացի առաջնորդի՝ Ստամբուլ ժամանումն առաջիկա օրերին, մասնավորապես, եթե Ռուսաստանի նախագահ Վլադիմիր Պուտինը ժամանի Թուրքիա։

Թրամփն ավելի վաղ հայտարարել էր, որ կմտածի Թուրքիա այցելելու շուրջ՝ հղում անելով Մերձավոր Արևելքի իր խիտ շրջագայության գրաֆիկին։

Այսօր ուժեղ կարկուտ է տեղացել Արմավիրի մարզի Նալբանդյան–Ջանֆիդա համայնքներում։ Այս մասին տեսանյութ է հրապարակել Գագիկ Սուրենյանը։

Ավելի վաղ, «Հիդրոօդերևութաբանության և մոնիթորինգի կենտրոն» ՊՈԱԿ–ը հայտնել էր որ մայիսի 14-15-ին Հայաստանը կշարունակի գտնվել ակտիվ ցիկլոնի ազդեցության գոտում, ժամանակ առ ժամանակ հանրապետության ողջ տարածքում սպասվում է անձրև և ամպրոպ, առանձին հատվածներում կտեղա կարկուտ։

Քանի որ «Հայաստան» խմբակցությունը որպես պոլի շոր է ծառայում Լևոն Քոչարյանի ու Ռոբերտ Քոչարյանի համար, պետք է անդրադառնալ Լևոն Քոչարյանին, թե չէ ինքն էդքան չկար։ Այս մասին այսօր՝ մայիսի 14–ին, Նյուզի փոխանցմամբ, Ազգային ժողովի նիստում ունեցած ելույթում ասաց «Քաղաքացիական պայմանագիր» խմբակցության պատգամավոր Արսեն Թորոսյանը։

«Ի՞նչ է ասում Լևոն Քոչարյանը, ասում է թղթով սաղ ճիշտ է։ Ի դեպ, պարոն Ռուբինյան, մենակ դատախազությունը չի ասում, որ այդ ապօրինի գույքը ապօրինի է, այլ ասում է ամբողջ հայ ժողովուրդը։ Օրինակ ամբողջ հայ ժողովուրդը հիշում է, 2000-ականներին ոնց չէին թողնում ներկրել բջջային հեռախոսներ, որովհետև դա Սեդրակ Քոչարյանի մենաշնորհն էր, և ծանոթ էին գտնում, որ Սեթրակ Քոչարյանը զանգեր ոնց որ թե Արմեն Ավետիսյանին ու ասեր՝ խնդրում եմ էլի, այս մի 500 հատ հեռախոսը թողեք այս մյուս ֆիրման էլ ներմուծի։ 

Բոլորը շատ լավ հիշում են, որ օրինակ, Toyota-ի բացվելուց հետո բոլոր պետական պաշտոնյաները սկսեցին Toyota քշել, դժբախտաբար մինչև հիմա էլ քշում են, կամ բարեբախտաբար։ Պարզվում է՝ այդքան էլ վատ ավտոներ չեն, բայց այն ժամանակ պարտադրանքով էր։

Բոլորը շատ լավ հիշում են բիզնեսների խլելը, օրինակ Royal Armenia-ի հայտնի դեպքը, երբ էլի իրենց ինչ-որ կամ հենց իրենց կամ իրենց հետ աֆիլյացված մեկի համար բիզնես էին խլում, հետո էլ դատավորին զրկում իր պաշտոնից, որովհետև համարձակվել էր դեմ քայլ անել։

«Համբալի» մասով. ոչ միայն ապօրինի գույք ունեցողն է համբալ, այլ այն երկրի ղեկավարը, որ օրինակ երկու կոպեկի համար գույք է տալիս պարտքի դիմաց։

Կամ համբալ չի՞ արդյոք այն երկրի նախագահը, որ գազամուղի տրամագիծ է փոքրացնում ինչ-որ մի երկրի շահի համար, որ մենք այսօր այլընտրանք չունենանք։ Կամ էլ, օրինակ, բան, կեղծ փաստաթղթով, ընտրություն կեղծելով, նախագահ է դառնում, ո՞վ է այդ նախագահը, եթե ոչ համբալ։

Այստեղ լինել դեմքին կասեի, ու երկրորդ դեմքով կասեի, ոչ թե երրորդ դեմքով, բայց այստեղ չի։ Ի տարբերություն այդ ասածների, հիմա ի՞նչ է տեղի ունենում։ Մենք այո, նաև այդ պողպատի մանդատով լիքը հարց ենք լուծում, բաժնետոմսեր ենք հետ բերում այդ ռազմավարական օբյեկտների կոպեկներով սեփականաշնորհած։ Նաև ինքնիշխանություն ենք բարձրացնում մեր սահմանային կետերից օտար սահմանապահներին ուղարկելով իրենց հիմնական ծառայության վայրեր, փոխարինելով նրանց մեր սահմանապահներով»,– հայտարարեց Արսեն Թորոսյանը։ 

Նա, մասնավորապես, անդրադարձավ «Հայաստան» խմբակցության պատգամավոր Լևոն Քոչարյանի այսօրվա ելույթին՝ նշելով. «Փոքրիկ Քոչարյանը խոսում է նաև ինչ-որ մարդկանց շպրտելու մասին, երևի խաբնվել է իր տիկտոկյան գանտել բարձրացնելուն։ Որ մի երկու հատ գանտել է կարում բարձրացնի, գիտի, թե կարա մարդ շպրտի։ Վախենամ մի օր էդ գանտելը գլխին ընկնի, էնքան ծանր գանտել բարձրացնի, զգույշ եղեք, պարոն Քոչարյան։

Եվ վերջում, ոմանք թուրք անվանելը դիտարկում են որպես հայհոյանք և դրան հայհոյանքով են պատասխանում։ Եվ երբ մեզ ասում են թուրք, իրենք նկատի ունեն հայհոյա՞նք, որ մեզ ասում են թուրք, դա հայհոյանք են ընկալում։ Ես էլ էդպես պաշտոնապես հայտարարում եմ, շատ պաշտոնապես բոլոր նախկին ասածներին և բոլոր վաղը մեզ թուրքը որպես հայհոյանք ասողներին, ուրեմն ով մեզ, ինձ, իմ թիմակիցներին կամ որևէ այլ մարդու, կասի թուրք, որպես հայհոյանք, դրա մերն էլ, հերն էլ, լավն էլ, ընտանիքն էլ»,–ընդգծեց նա։

«Փոքրիկ Քոչարյանը խոսում է  ինչ-որ մարդկանց  շպրտելու մասին։ Երևի խաբնվել է իր  տիկտոկյան գանտել բարձրացնելուն։ Որ մի երկու գանտել է կարողանում բարձրացնել, գիտի կարող է մարդ շպրտի։

Ոմանք թուրք անվանելը դիտարկում են որպես հայհոյանք, ես ճի՞շտ եմ հասկանում, և դրան հայհոյանքով են պատասխանո՞ւմ։ Երբ որ մեզ ասում են թուրք, իրենք նկատի ունեն հայհոյա՞նք։  Որ մեզ ասում են թուրք, դա հայհոյանք են ընկալո՞ւմ։ 

Ես էլ այդպես պաշտոապես հայտարարում եմ՝ ով մեզ, ինձ, իմ թիմակիցներին, կամ որևէ այլ մարդու կասի թուրք, որպես հայհոյանք, դրա հերն էլ, մերն էլ, լավն էլ, ընտանիքն էլ...»։

Նա նշեց, որ հանձնաժողովը սակագնային տարին ամփոփում է ամեն տարվա դեկտեմբերի վերջին և սակագնային տարին սկսվում է ամեն տարվա փետրվարին։

«Ըստ այդմ` այդ հարցին ես կարող եմ հստակ պատասխանել դեկտեմբերի վերջերին, սակայն նայելով առաջիկա վեց ամիսների ընթացքը, քանի որ էլեկտրաէներգիայի, գազի, ջրի սակագների վրա բազմավեկտոր գործոններ են ազդում, նախնական կանխատեսումներով` մենք սակագների թանկացման վախ չունենք»,– ընդգծեց Մեսրոպյանը։

Նա հիշեցրեց, որ 2025 թվականին կենցաղային սպառողների համար էլեկտրաէներգիայի սակագինն արդեն իսկ մնացել է անփոփոխ։

Հիշեցնենք, որ 2025 թ. Հայաստանում էլեկտրաէներգիայի սակագները չեն փոխվել (ՀԷՑ–ի ֆիքսված սակագներից օգտվող բաժանորդների համար)։ Ամսական մինչև 200 կՎտ/ժ սպառում ունեցող տնային տնտեսությունների համար ցերեկային սակագինը կկազմի մեկ կՎտ/ժ-ի համար 46,48 դրամ, 200-400 կՎտ/ժ-ի համար՝ 48,48 դրամ, 400-ից ավելիի դեպքում՝ 53,48 դրամ, իսկ անապահով ընտանիքների համար՝ 29,99 դրամ: Գիշերային սակագները 10-ական դրամով ցածր են։

Խմելու ջրի սակագինը 2025 թվականին սպառողների համար ևս չի թանկացել` սոցիալապես անապահով բաժանորդների համար` 180 դրամ, մյուս բոլոր բաժանորդների համար՝ 200,42 դրամ։