ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
ՀՀ ԱԳՆ-ից հայտնում են, որ մայիսի 20-ից 21-ն աշխատանքային այցով Հայաստանում կգտնվի Ռուսաստանի արտաքին գործերի նախարար Սերգեյ Լավրովը:
ԱԳՆ-ում կկայանա ՀՀ արտաքին գործերի նախարար Արարատ Միրզոյանի և Սերգեյ Լավրովի հանդիպումը, որին կհաջորդի նախարարների համատեղ մամուլի ասուլիսը:
ԱՄՆ փոխնախագահ Ջեյ Դի Վենսը չեղարկել է այցելությունն Իսրայել Գազայում Իսրայելի ռազմական գործողությունների ընդլայնման պատճառով։ Այս մասին հաղորդում է Axios լրատվական հարթակը՝ վկայակոչելով ԱՄՆ բարձրաստիճան պաշտոնյայի։
Պաշտոնյան, որի անունը չի նշվում, հայտնել է, որ Վենսը նման որոշում է կայացրել, որպեսզի խուսափի այնպիսի տպավորություն թողնելուց, թե ԱՄՆ նախագահ Դոնալդ Թրամփի վարչակազմն աջակցում է ընդլայնված գործողություն սկսելու որոշմանը. ԱՄՆ-ն պնդում է հրադադարի և պատանդների վերադարձի շուրջ համաձայնության անհրաժեշտությունը։
France Football ամսագրի համաձայն՝ «Ոսկե գնդակի» կազմակերպիչները որոշել են 2025 թվականին կայանալիք մրցանակաբաշխության օրը և վայրը։ Այս մասին հայտնում է Ballon d’Or-ի մամուլի ծառայությունը։
Արարողությունը տեղի կունենա 2025 թվականի սեպտեմբերի 22-ին՝ Փարիզի Շատլե թատրոնում։ Սա ավելի քան մեկ ամիս ավելի վաղ է, քան 2024-ինը, երբ մրցանակը հանձնվեց հոկտեմբերի 28-ին։
«Ոսկե գնդակի» ներկայիս դափնեկիրը «Մանչեսթեր Սիթիի» և Իսպանիայի հավաքականի կիսապաշտպան Ռոդրին է։
Չեմպիոնների լիգայի ընթացիկ մրցաշրջանի կիսաեզրափակիչ հանդիպումներից հետո Goal.com-ը թարմացրել է 2025 թվականի «Ոսկե գնդակը» նվաճելու ֆավորիտների իր վարկանիշային աղյուսակը։ Մրցանակի գլխավոր հավակնորդը համարվում է ՊՍԺ-ի ֆրանսիացի հարձակվող Ուսման Դեմբելեն։
Հիշեցնենք, որ 2025 թվականի Չեմպիոնների լիգայի խաղարկության եզրափակիչում փարիզցիները մայիսի 31-ին Մյունխենում կմրցեն Միլանի «Ինտերի» հետ։
Աղբյուրը՝ Armsport.am:
Հնդկաստանը շուտով Հայաստանին կմատակարարի իր «Ակաշ-1Ս» երկիր-օդ հրթիռային համակարգը, որի համար պայմանագիրն ստորագրվել էր դեռևս 2022 թվականին: Այս մասին գրում է DNA India-ն։
Ըստ լրատվամիջոցի՝ «Ակաշը» միակ զենքը չէ, որը Նյու Դելին կվաճառի կովկասյան երկրին. առկա է զենքի լայն տեսականի՝ հաուբիցներից մինչև հակատանկային հրթիռներ և ԱԹՍ-ների խոցման համար նախատեսված սարքավորումներ: Հնդկաստանը շուտով կարող է փոխարինել Ռուսաստանին՝ որպես Երևանին ամենամեծ զենքի մատակարար: Սա նշանակալից է Հնդկաստան-Պակիստան վերջին լարվածության ֆոնին, որտեղ Ադրբեջանը որոշել էր սատարել Պակիստանին:
Նշվում է, որ Հայաստանին աջակցելու` Նյու Դելիի որոշումը Կովկասյան տարածաշրջանում հենարան ձեռք բերելու փորձ է, տարածաշրջան, որտեղ Հնդկաստանը երբեք գոյություն չի ունեցել։
Անընդունելի է 21-րդ դարում տեսնել մարդու հիմնարար իրավունքների սկզբունքների նման բացահայտ խախտումներ։ Այդ մասին ՀՀ Ազգային ժողովում հայտարարեց Կիպրոսի խորհրդարանի նախագահ Անիտա Դիմիտրիուն` ՀՀ ԱԺ նախագահ Ալեն Սիմոնյանի հետ կայացած ճեպազրույցում խոսելով Բաքվում հայ գերիների ու քաղաքացիական անձանց պահման պայմանների մասին։ Այս զգայուն հարցում Կիրպոսի դիրքորոշումը նույնական է Հայաստանի հետ, այն է` նման վերաբերմունքն անթույլատրելի է, ասաց Դիմիտրիուն։
Նա հավելեց, որ Հունաստանի,Կիպրոսի ու Հայաստանի եռակողմ համագործակցությունը կշարունակվի, քանի որ հիմնված է նույն սկզբունքների վրա։
Նա նաև նշեց, որ Ալեն Սիմոնյանի հետ այցելել է Արագածոտնի մարզ, որտեղ հանդիպել է Լեռնային Ղարաբաղից բռնի տեղահանվածներին և հավելեց, որ Կիպրոսը փորձում է նրանց հնարավորինս աջակցել։
Միջազգային հանրությունը ևս պիտի միատեսակ վերաբերմունք դրսևորի նման խախտումների վերաբերյալ և չառաջնորդվի երկակի ստանդարտներով, հավելեց Դիմիտրիուն։ Նա ընդգծեց, որ բոլոր վիճահարույց հարցերը պետք է կարգավորվեն բանակցային ճանապարհով, և աջակցություն հայտնեց Հայաստանի ու Ադրբեջանի` խաղաղության համաձայնագրի շուրջ բանակցություններին։
«Կարևոր է, որպեսզի ստորագրվելիքը հետագայում կյանքի կոչվի», – ասաց Դիմիտրիուն։
Նա հիշեցրեց, որ Կիպրոսը 50 տարուց ավել մնում է բաժանված (կղզու հյուսիսային մասը օկուպացվել է Թուրքիայի կողմից 1974 թ.-ին- խմբ.), և այդ խնդիրը ևս պետք է կարգավորվի միջազգային իրավունքի նորմերի հիման վրա։
Կիպրոսի Ներկայացուցիչների պալատի նախագահ Անիտա Դիմիտրիուն Հայաստան է ժամանել մայիսի 18–ն, նրան «Զվարթնոց» օդանավակայանում դիմավորել է ՀՀ ԱԺ ղեկավար Ալեն Սիմոնյանը։
Նշենք, որ Հայաստան-Կիպրոս հարաբերությունները ավանդաբար կրել են բարեկամական և գործընկերային բնույթ։ Կիպրոսը մշտապես սատարել է Հայոց ցեղասպանության ճանաչման գործընթացին և աջակցել է Արցախի հիմնախնդրի խաղաղ կարգավորմանը։
Մխչյանի միջնակարգ դպրոցի տնօրենը դիմում է գրել և ազատվել աշխատանքից, հայտնում է NEWS.am–ը։
Արարատի մարզպետարանից լրատվամիջոցին հայտնել են, որ մի քանի ժամից դպրոցի տնօրենի պաշտոնակատար կնշանակվի։
Հիշեցնենք՝ օրեր առաջ տեղեկություն տարածվեց, որ Մխչյանի դպրոցում բարձր դասարանցիները 4-րդ դասարանցիներին ստիպողաբար թմրանյութ են տվել։ Դրանից հետո երեխաների մոտ կախվածություն է առաջացել, և նրանք սկսել են տնից գումար գողանալ՝ կրկին նույն աշակերտներից թմրանյութ գնելու նպատակով։ ՀՀ քննչական կոմիտեն արդեն հայտնել է, որ 4 անձի նկատմամբ հանրային քրեական հետապնդում է հարուցվել:
Մայիսի 17-ին դպրոց էր այցելել ԿԳՄՍ նախարար Ժաննա Անդրեասյանը, որը հայտարարել էր՝ դպրոցը կգտնվի հատուկ մշտադիտարկման ներքո՝ բոլոր խնդիրների մանրամասն ուսումնասիրության և անհրաժեշտ քայլերի իրականացման նպատակով
Բելառուսի պետական սահմանային կոմիտեն երկուշաբթի հայտնել է, որ Լատվիայի հետ Հանրապետության սահմանին հայտնաբերվել են Իրաքից ներգաղթյալների երկու դիակ և ծեծի ենթարկված փախստական:
«Շաբաթ օրը՝ մայիսի 17-ին, Վերխնեդվինսկի շրջանում բելառուս սահմանապահները հայտնաբերել են փախստականի՝ Իրաքի քաղաքացու դի։ Նրա կողքին մեկ այլ օտարերկրացի էր, որը չէր կարողանում ինքնուրույն տեղաշարժվել», - ասվում է գերատեսչության Telegram ալիքում հրապարակված հաղորդագրության մեջ։
ՌԴ նախագահ Վլադիմիր Պուտինի հետ հեռախոսազրույցից առաջ ԱՄՆ նախագահ Դոնալդ Թրամփը հեռախոսազրույց է ունեցել Վլադիմիր Զելենսկիի հետ։ Այդ մասին հաղորդում Է ТАСС լրատվական գործակալությունը՝ վկայակոչելով Ռադա հեռուստաալիքին:
Քիչ առաջ սկսվել է Վլադիմիր Պուտինի և Դոնալդ Թրամփի հեռախոսազրույցը: Նախօրեին Թրամփը, ազդարարելով իր ռուս գործընկերոջ հետ հեռախոսազանգի մասին, նախատեսվող թեմաներից մեկը նշել էր Ուկրաինայի հակամարտության կարգավորումն ու առևտրային հարցերը։ Միաժամանակ Կրեմլի պաշտոնական ներկայացուցիչ Դմիտրի Պեսկովը պարզաբանել է, որ զրույցը տեղի կունենա՝ հաշվի առնելով Ստամբուլում բանակցությունների արդյունքները։
ԵՄ-ը 150 միլիարդ եվրոյի հիմնադրամ է ստեղծում Ուկրաինայի վերազինման և աջակցության համար։ Այս մասին հաղորդում է Financial Times-ը։
Ըստ պարբերականի՝ ԵՄ անդամ պետությունները համաձայնության են եկել ստեղծել 150 միլիարդ եվրոյի զենքի վարկավորման հիմնադրամ։ Այս նախաձեռնությունը Եվրահանձնաժողովի կողմից առաջարկվել էր այս տարվա սկզբին՝ որպես մայրցամաքի վերազինումը արագացնելու միջոց։
Մեխանիզմը անդամ պետություններին թույլ կտա Բրյուսելից վարկ վերցնել և դրանք օգտագործել զենք գնելու համար, հիմնականում՝ համատեղ գնումների միջոցով։ Հաղորդվում է, որ այսօր առավոտյան դաշինքի երկրները նախնական համաձայնության են եկել հիմնադրամի պարամետրերի վերաբերյալ։ Պաշտոնական հաստատումը սպասվում է չորեքշաբթի օրը։
Մենք հասկանում ենք, որ Ուկրաինայում խաղաղության կարգավորման շուրջ բանակցությունները փակուղի են մտել․ հայտարարել է ԱՄՆ փոխնախագահ Ջեյ Դի Վենսը։
«Ուկրաինական հակամարտության լուծման ճանապարհին այնքան շատ խոչընդոտներ կան, որ դժվար է որևէ կոնկրետ բան առանձնացնել»,- ասել է ԱՄՆ փոխնախագահը։
Նրա խոսքով՝ Պուտինը, կարծես, այնքան էլ չի հասկանում, թե ինչպես դուրս գալ պատերազմից։
Վենսը նշել է, որ եթե Ռուսաստանը չի ցանկանում մասնակցել այդ գործընթացին, ԱՄՆ-ն ստիպված կլինի ասել, որ «դա իր պատերազմը չէ»:
Ֆոտո
