Ավարտել է Ռուսաստանի պատմության մեջ ամենախոշոր ադամանդի հատման աշխատանքները
Ալմաստ արդյունահանող ռուսական «Ալռոսա» ընկերությունն ավարտել է երկրի պատմության մեջ ամենախոշոր ադամանդի հատման աշխատանքները: Հազվագյուտ Vivid Yellow գույնի ադամանդի քաշը կազմում է ավելի քան 100 կարատ. ասվում է ընկերության հաղորդագրության մեջ։
Ադամանդը ստացել է «Նոր արև» անվանումը՝ որպես գերխոշոր ալմաստի զարմանալի պատմության արտացոլում։ Այն ընկերության կողմից արդյունահանվել է Էբելե արկտիկական ցրված հանքավայրում:
Այս բնական հանքանյութը, որը ծնվել է մոտ 1 միլիարդ տարի առաջ՝ երկրի խորքում բարձր ջերմաստիճանի և ճնշման ազդեցության տակ, արևի լույս է տեսել մոլորակի վրա մարդու հայտնվելուց շատ առաջ: Այն հայտնաբերվել է Յակուտիայի հին գետի հունի ավազների մեջ։
«Նոր արև»-ի ստեղծման վրա աշխատել է երկրի լավագույն 15 մասնագետից բաղկացած թիմը, որն ունի ավելի քան 30 տարվա փորձ: Այս գլուխգործոցի վրա աշխատանքը տևել է ավելի քան 2 տարի: Այն վերջին տարիներին թանկարժեք քարերի արդյունաբերության ամենանշանակալի իրադարձություններից մեկն է, որն ընդգծում է Ռուսաստանի բարձր կարգավիճակը համաշխարհային ադամանդագործության ոլորտում:
Latest from ArmNews
- ՌԴ-ն գիշերը hրթիռшկnծել է Կիևը
- Իրանը կորոշի ԱՄՆ-ի հարձակումներին պատասխանի «ժամանակը, բնույթը և մասշտաբը». Իրավանի
- Հայկական ատոմակայանի էլեկտրաէներգիան երկարաժամկետ հեռանկարում կարող է թանկանալ
- Վերացվել է «ՊԻՑՑԱ ՏԱՇԻՐ» ՍՊԸ-ի արտադրական գործունեության կասեցումը
- ԱՄՆ-ն հայտնել է Իրաքում և Սիրիայում ԱՄՆ ռազմական բազաների վրա հարձակումների նախապատրաստման մասին
- Պետդեպարտամենտը արտասահմանում գտնվող ԱՄՆ քաղաքացիներին զգուշացնում է ռիսկերի մասին
- Թրամփը գոլֆ էր խաղում, երբ հավանություն տվեց Իրանին հարված հասցնելուն
- ԱՄՆ-ն պատրաստ է վերսկսել Իրանի հետ միջուկային բանակցությունները երկուշաբթի օրվանից. Ռուբիո
Լրահոս
Ֆոտո
