Նյու Յորքը զբաղեցրել է առաջին, Մոսկվան՝ երկրորդ տեղը միլիարդատերերի թվով. Forbes
Աշխարհում ամենաշատ միլիարդատերերն ապրում են Նյու Յորքում։ Այդ ցուցանիշով երկրորդ հորիզոնականում է Մոսկվան, երրորդում՝ Հոնկոնգը։ ՏԱՍՍ-ի փոխանցմամբ՝ վարկանիշային աղյուսակը հրապարակել է Forbes հանդեսը։
Առաջին տեղը զբաղեցնող Նյու Յորքն ունի 123 միլիարդատեր, նրանց թիվը մեկ տարվա ընթացքում ավելացել է 13-ով։ Նյու Յորքի նախկին քաղաքապետ, գործարար և բարերար Մայքլ Բլումբերգը քաղաքի ամենահարուստ բնակիչն է, նրա կարողությունը կազմում է 105 միլիարդ դոլար։
Ըստ հանդեսի տվյալների՝ Ռուսաստանի մայրաքաղաքում ներկայում ապրում է 90 միլիարդատեր։ Նրանց թիվը մեկ տարվա ընթացքում ավելացել է 16-ով։ Նրանց ընդհանուր կարողությունը գնահատվում է 409 միլիարդ դոլար։ Ռուսաստանցի գործարարների թվում առաջատարը մնում է «Լուկօյլ»-ի հիմնադիր Վագիտ Ալեքպերովը, որի կարողությունը մեկ տարվա ընթացքում աճել է մինչև 28,7 միլիարդ դոլար։
Առաջատարների եռյակը եզրափակում է Հոնկոնգը, որտեղ ապրում է 72 միլիարդատեր։ Նրանց թիվը քաղաքում մեկ տարվա ընթացքում նվազել է երկուսով։ Նշվում է, որ Հոնկոնգը 2024 թվականին զբաղեցրել է երկրորդ տեղը, որը կիսել է Մոսկվայի հետ։
Չորրորդ տեղում Լոնդոնն է, հինգերորդը՝ Պեկինը, վեցերորդը՝ Մումբայը, իսկ յոթերորդը՝ Սինգապուրը: Շանհայը և Սան Ֆրանցիսկոն կիսում են ութերորդ հորիզոնականը, տասներորդ տեղում Լոս Անջելեսն է:
Latest from ArmNews
- ՆԱՏՕ-ի գլխավոր քարտուղարը հուսով է, որ ԱՄՆ-ի ռազմական ուշադրությունը կտեղափոխվի դեպի Ասիա
- Ավարտել է Ռուսաստանի պատմության մեջ ամենախոշոր ադամանդի հատման աշխատանքները
- Պաշտոնական Երևանը պետք է որոշի, թե որտեղ է ավելի լավ․ Գալուզինը՝ Հայաստանի՝ ԵՄ-ին անդամակցելու հեռանկարի մասին
- «Գրենլանդացիներն ստանում են 60 հզ դոլար․ մենք կարող ենք շատ ավելին տալ». Վենս
- Չինաստանը սխալ քայլ է արել, խուճապի է մատնվել. Թրամփ
- ԵՄ-ն մտադիր է 1 մլրդ դոլարով տուգանել X սոցկայքին. NYT
- Ռուսաստանում «Ազատություն» ռադիոկայանի հաղորդումների հեռարձակումը դադարեցվել է
- Մարտուն Գրիգորյանը շրջադարձային ու պատմական քայլ կատարեց․ սա իշխանության վերջի սկիզբն է․ Անդրանիկ Միհրանյան
Լրահոս
Ֆոտո
