«Ռազմավարական գործընկերների հետ միջանցքներ ենք կառուցելու Կասպիցում՝ Զանգեզուր կենտրոնով»․ Էրդողան
«Մենք մեր ռազմավարական գործընկերների հետ մենք կկառուցենք զարգացման և առևտրային միջանցքներ Ասիայի, Մերձավոր Արևելքի և Եվրոպայի միջև, Կասպից ծովում՝ Զանգեզուր կենտրոնով»։ Այս մասին հայտարարել է Թուրքիայի նախագահ Ռեջեփ Թայիփ Էրդողանը մինչև 2030 թվականի արդյունաբերական և տեխնոլոգիական զարգացման ռազմավարության շնորհանդեսին։
«Մեր արդյունաբերության և տեխնոլոգիաների նախարարությունը մեր երկրի արդյունաբերականացման փորձով կկիսվի թյուրքական, Մերձավոր Արևելքի և Աֆրիկայի երկրների հետ, կուղղորդի նրանց՝ ամրապնդելու և զարգացնելու իրենց արտադրական և հետազոտական էկոհամակարգերը»,- ասել է Թուրքիայի նախագահը։
Նա նշել է, որ իրենց ռազմավարության հինգերորդ և վերջնական նպատակը մշակող արդյունաբերության արտադրողականության, կարողությունների և մասշտաբների խնդիրներին անդրադառնալն է, ինչպես նաև ճգնաժամերին և ցնցումներին նրա դիմադրողականության բարձրացումը։
«Մենք ստեղծելու ենք նոր պլանային արդյունաբերական գոտիներ՝ ընդլայնելով գործող ռազմավարական գոտիները»,- հայտարարել է Էրդողանը՝ հավելելով, որ ստեղծելու են նոր արտադրական, լոգիստիկ և զբաղվածության միջանցքներ։
Factor.am
Latest from ArmNews
- Գրոսսին ժամանել է Թեհրան
- ԱՄՆ-ն հրաժարվել է G7-ի հետ դատապարտել Սումիի վրա Ռուսաստանի հարվածը. Bloomberg
- Դոլարն ու եվրոն թանկացել են. փոխարժեքները ապրիլի 16-ին
- 7 տարում ոստիկանության բարեփոխումների համար ներդրվել է 121 մլրդ դրամ ՀՀ պետբյուջեից․ Փաշինյան
- Զանգվածային հարձակումներ ֆրանսիական բանտերի վրա. BBC
- Վրաստանի խորհրդարանն արգելել է արտասահմանից դրամաշնորհ ստանալ առանց կառավարության համաձայնության
- Կրшկnցներ՝ Աբովյանում հայտնի «Գանձակ» հացատան մոտ. կասկածյալը դիմել է փախուստի
- «Ռեինկարնացիա ունեցան օդիոզ դեմքեր, որոնք Սերժ Սարգսյանի օրոք զրկվել էին կառավարման համակարգում աշխատելուց… Էս չե՞ք, արա». Գալստյանը՝ ՔՊ-ին
Լրահոս
Ֆոտո
