ԱՄՆ ներկայացուցիչներն այս պահին Ռուսաստանի ճանապարհին են. Թրամփ
ԱՄՆ նախագահ Դոնալդ Թրամփը հայտարարել է, որ ԱՄՆ ներկայացուցիչներն այս պահին Ռուսաստանի ճանապարհին են։ Այս մասին, Sputnik Արմենիայի փոխանցմամբ, հայտնում է ՌԻԱ Նովոստին։
Միևնույն ժամանակ, ԱՄՆ նախագահը փաստել է, որ ռուս գործընկեր Վլադիմիր Պուտինի հետ շփումների մասին պայմանավորվածություն դեռևս չկա:
«Դրան դեռ չի հասել»,-Սպիտակ տանը լրագրողներին ասել է Թրամփը:
Նրա խոսքով՝ Վլադիմիր Զելենսկին նախկինում չէր ցանկանում Ուկրաինայում խաղաղություն հաստատել, սակայն այժմ համաձայնել է։ «Այժմ նա համաձայնել է խաղաղության, տեսնենք, թե ինչ կլինի հետո»,- ասել է ամերիկացի առաջնորդը։
Ավելի վաղ ամերիկացի առաջնորդը հայտարարել էր, որ սպասում է անհապաղ հրադադարի առաջարկին ՌԴ-ի համաձայնությանը, արդեն Մոսկվա է մեկնել ամերիկյան պատվիրակությունը:
Թրամփն ասել է, որ ուկրաինական կարգավորման համատեքստում քննարկվել է ոչ միայն հրադադարի, այլև տարածքային հարցը։
«Մենք քննարկել ենք նաև հողային և այլ հարցեր, որոնք կապված են սրա հետ... Մենք մանրամասն քննարկել ենք, թե ինչից պետք է հրաժարվել, քանի որ չենք ուզում ժամանակ կորցնել»,- ասել է նա։
Նախօրեին կայացել են Ուկրաինայի և ԱՄՆ-ի պատվիրակությունների բանակցությունները, որոնց արդյունքում ամերիկյան վարչակազմը կոչ է արել անհապաղ հրադադարի ռեժիմ հաստատել: Վլադիմիր Զելենսկու գրասենյակը հրապարակել է Կիևի և Վաշինգտոնի համատեղ հայտարարությունը բանակցությունների արդյունքների վերաբերյալ, որում նշվում է, որ Ուկրաինան պատրաստ է 30 օրով հրադադար հաստատելու ԱՄՆ-ի առաջարկին, այն կարող է երկարաձգվել կողմերի համաձայնությամբ: Փաստաթղթում նաև ասվում է, որ ԱՄՆ-ն անմիջապես չեղարկում է հետախուզական տվյալների փոխանակման դադարը և վերականգնում է ռազմական մատակարարումներն Ուկրաինային: ԱՄՆ նախագահ Դոնալդ Թրամփը հայտարարել է, որ Կիևը պատրաստ է լիակատար հրադադարի, այժմ Վաշինգտոնը սպասում է Մոսկվայի արձագանքին:
Latest from ArmNews
- Ռուսաստանին սահմանակից ԵՄ երկրները իրենց առողջապահական համակարգերը պատրաստում են պատերազմի. Politico
- Իրանի և Իսրայելի միջև ռազմական լարվածությունը մեծացնում է ճառագայթային վթարների ռիսկը. Գրոսսի
- Իրան-Իսրայել հակամարտությունը կարող է ազդել դեպի Հայաստան մատակարարումների վրա․ ֆինանսների նախարար
- Հայաստանը գոհ չէ Վրաստանում հայկական ալկnհnլային խմիչքnվ բեռնատարների բացթողնման տեմպերից. էկոնոմիկայի նախարար
- «Նարեկ Մալյանի և Աղվան Վարդանյանի երկխոսության այս հատվածը գրական գործ է»․ Հրանտ Մելիք-Շահնազարյան
- ԱՄՆ-ն թույլ է տալիս Իսրայելին՝ հարձակվել մեզ վրա. Փեզեշքիան
- Հանձնաժողովը դրական եզրակացություն է տվել «Պետական տուրքի մասին» օրենքում առաջարկվող փոփոխություններին
- Իրանը հրաժարվել է հրադադարի շուրջ բանակցություններից․ Reuters
Լրահոս
Ֆոտո
