Ուկրաինայի նախագահ Վոլոդիմիր Զելենսկին հայտարարել է, որ պատրաստ կլինի հրաժարվել պաշտոնից, եթե իր երկրին թույլ տան միանալ ՆԱՏՕ-ին։
Այս մասին հաղորդում է Sky News-ը։
Լոնդոնում աշխարհի մի շարք ղեկավարների հետ տեղի ունեցած բանակցություններից հետո Sky News-ի լրագրողը Զելենսկիին հարց է ուղղել՝ արդյոք նա կարող է հրաժարական տալ, եթե Ուկրաինան դառնա ՆԱՏՕ-ի անդամ։
«Ես ենթակա եմ փոխանակման ՆԱՏՕ-ի հետ։ Ես ասել եմ, որ կփոխանակեմ (իմ պաշտոնը) ՆԱՏՕ-ին անդամակցության հետ, այդ դեպքում դա կնշանակի, որ ես կատարել եմ իմ առաքելությունը։
ՆԱՏՕ-ն նշանակում է, որ ես կատարել եմ իմ առաքելությունը», – ասել է նա։ Միևնույն ժամանակ Զելենսկին ակնարկել է, որ կմասնակցի նախագահական ընտրություններին։
«Ինձ փոխելը հեշտ չի լինի, որովհետև բավարար չէ միայն ընտրություններ անցկացնել։ Պետք է թույլ չտալ, որ ես մասնակցեմ դրանց, իսկ դա մի քիչ ավելի դժվար կլինի», – ասել է Ուկրաինայի նախագահը։
ԱՄՆ նախագահ Դոնալդ Թրամփի և փոխնախագահ Ջեյ Դի Վենսի հետ Օվալաձև աշխատասենյակում տեղի ունեցած բանավեճից հետո ԱՄՆ Ներկայացուցիչների պալատի խոսնակ Մայք Ջոնսոնը և սենատոր Լինդսի Գրեհեմը կոչ էին արել, որ Վոլոդիմիր Զելենսկին հրաժարական տա։
«Ուկրաինայի նախագահը պետք է ընտրվի ոչ թե Լինդսի Գրեհեմի տանը, այլ Ուկրաինայում», – արձագանքելով այդ կոչերին՝ ասել է Զելենսկին՝ առաջարկելով սենատորին Ուկրաինայի քաղաքացիություն տալ, որպեսզի այդ հարցերում «նրա ձայնը կշիռ ունենա»։
Latest from ArmNews
- Իրանը պատրաստ է ԱՄՆ-ի հետ միջուկային համաձայնագիր կնքել հավասար պայմաններով. Մասուդ Փեզեշքիան
- Վենսը ժամանել է Դելի. Մոդիի հետ քննարկելու են մաքսատուրքերն ու առևտրային համաձայնագիրը
- Թրամփը տեղեկացրել է Իսրայելին, որ չի աջակցում Իրանի միջուկային օբյեկտների վրա հարվածներին. FT
- Իսպանիան եռօրյա սուգ է հայտարարել Հռոմի Ֆրանցիսկոս պապի մահվան կապակցությամբ
- Վատիկանն աղոթքի ծիսակարգ կանցկացնի Հռոմի Ֆրանցիսկոս պապի համար
- Պուտինն ստորագրել է ՌԴ ԶՈՒ-ն վարկաբեկելու համար քրեական պատիժը խստացնելու օրենքը
- Կաթված կամ ուղեղի արյունազեղում. Ինչից է մահացել Հռոմի Պապը
- Պենտագոնի ղեկավարի կինն ու եղբայրը եղել են Signal Messenger-ի փակ խմբի անդամ. NYT
Լրահոս
Ֆոտո
