Ամերիկացի գործարար Իլոն Մասկը «X» սոցկայքում համաձայնել է այն կարծիքի հետ, որ Գերմանիայի խորհրդարանական ընտրությունների ֆոնին Եվրոպայում հեղափոխություն է հասունանում:

«X» սոցիալական ցանցի օգտատերերից մեկը գրել է, որ ավելի քան 10 միլիոն գերմանացի քվեարկել է աջակողմյան «Այլընտրանք Գերմանիայի համար» (AfD) կուսակցության օգտին՝ հավելելով, որ «Եվրոպայում հեղափոխություն է հասունանում», և սա «միայն սկիզբն է»։

«Այո»,- գրել է Իլոն Մասկը՝ մեկնաբանելով հրապարակումը։

Բունդեսթագի ընտրություններից առաջ ամերիկացի գործարարը հայտարարել էր, որ AfD-ն Գերմանիայի միակ հույսն է։

Հիշեցնենք, որ Քրիստոնեա-դեմոկրատական և Քրիստոնեա-սոցիալական միությունների դաշինքը հաղթել է Բունդեսթագի ընտրություններում, իսկ «Այլընտրանք Գերմանիայի համար»- ը զբաղեցրել է երկրորդ տեղը: