ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ընտրախախտումները համատարած են, սա բնորոշ է իշխող ուժի վախերին. Ռուբեն Մխիթարյան. Տեսանյութ
Գյումրու քաղաքապետի թեկնածու Վարդան Ղուկասյանը ֆեյսբուքյան իր էջում տարածել է այս լուսանկարները՝ գրելով. «ՔՊ-ն 3264 ձայն կեղծել է»։
«Հայաքվեն» ահազանգում է ՏԻՄ ընտրություններում հերթական խախտման մասին։ Փարաքարի 14/14 և 14/16 տեղամասերը հոսանքազրկված են: Հայտնում են «Հայաքվեից»։
Հիշեցնենք՝ ժամը 16։00-ի դրությամբ, ՆԳՆ ոստիկանությունում ՏԻՄ ընտրությունների ընթացքում ենթադրյալ իրավախախտումների վերաբերյալ ստացվել է 4 ահազանգ։
Ժամը 17:00-ի դրությամբ, Արմավիրի մարզի Փարաքար համայնքի ավագանու ընտրություններին մասնակցել է 9833 ընտրական իրավունք ունեցող անձ կամ ընտրողների 46.90%-ը: Փարաքարում ընտրական իրավունք ունի 20967 անձ:
Շիրակի մարզի Գյումրի համայնքի ավագանու արտահերթ ընտրություններին, ժամը 17:00-ի դրությամբ, մասնակցել է 39181 ընտրող կամ ընտրական իրավունք ունեցող քաղաքացիների 35.22%-ը: Գյումրի համայնքում ընտրական իրավունք ունեցող քաղաքացիների թիվը 11236 է:
Երկու համայնքներում միասին քվեարկությանը մասնակցել է 49014 ընտրող կամ ընտրական իրավունք ունեցող քաղաքացիների 37.07%-ը:
Քաղաքացիական հագուստով անհայտ անձինք՝ բռնի ուժով առևանգել են մեր ավագանու անդամության թեկնածու Անահիտ Խալաթյանին, հայտնում է «Մեր քաղաքը» դաշինքը, որի առաջին համարը Մարտուն Գրիգորյանն է:
«Ըստ ականատեսների, նրա հետ եղել է ևս մի կին։ Այս պահին չենք տիրապետում որևէ տեղեկատվության։ Դիմում ենք իրավապահ մարմիններին»,- նշված է հաղորդագրության մեջ:
Մամուլում շրջանառվող լուրերի համաձայն` Գյումրիում «ընտրակաշառքի» նոր մեթոդ է կիրառվում` առցանց խաղադրույքների համար գրանցված անձանց հաշիվներին փոխանցվում են գումարներ, որ գնան ընտրությունների: Այս մասին գրում է Pastinfo-ն:
«Նշենք, որ նման փոխանցումները վերահսկելի չեն: Ակնկալում ենք, որ իրավապահները մամուլի հրապարակումների հիման վրա հետաքննություն կսկսեն` ստուգելու ընտրակաշառքի նոր մեթոդի մասին ահազանգերը:
Բացի այդ, մեկ այլ ահազանգի համաձայն էլ` Գյումրիում ընտրատեղամասերից մեկում, որը համարվում է իշխող ուժի թեկնածուի թաղամաս, կեսօրի մոտակայքում առանձնահատուկ նկատելի էր տարեց անձանց ակտիվությունը, որոնք քվեարկել են տարբեր անձանց ուղեկցությամբ կամ օգնությամբ»:
31/06 տեղամասային կենտրոնում, քաղաքացին արձանագրել է, որ իր հասցեով գրանցված են անծանոթ մարդիկ, դիմել է Ոստիկանություն։
Այս մասին հայտնում է Պառլամենտարիզմի զարգացման միջազգային կենտրոնը։
ԱՄՆ նախագահ Դոնալդ Թրամփը կարող է պաշտոնավարել մինչև 2037 թվականը, երբ նա կդառնա 90 տարեկան, եթե որպես «սողանցք» օգտագործի ԱՄՆ Սահմանադրության փոփոխություններից մեկը։ Այս մասին գրում է բրիտանական The Daily Mail թերթը, փոխանցում է ՏԱՍՍ-ը:
Պարբերականը պնդում է, որ Սպիտակ տան վարչակազմը դիտարկում է 1951 թվականին ընդունված 22-րդ սահմանադրական փոփոխությունը կիրառելու հնարավորությունը, ըստ որի՝ նույն անձը կարող է պետության ղեկավար ընտրվել ոչ ավելի, քան երկու անգամ։
Սակայն փոփոխության մեջ չի հստակեցվում, որ նույն անձը չի կարող երրորդ կամ չորրորդ անգամ զբաղեցնել նախագահի պաշտոնը ամերիկյան վարչակազմի գործող ղեկավարի հրաժարականի կամ մահվան դեպքում, նշում է հրատարակությունը:
Այսպիսով, ըստ թերթի, նախագահի պաշտոնում առաջադրվելու հաջորդ թեկնածուն կարող է լինել ներկայիս փոխնախագահ Ջ.Դ.Վենսը, իսկ Թրամփն իր հերթին կարող է զբաղեցնել իր պաշտոնը հենց Վենսի հրաժարականից հետո։
Սակայն, ինչպես պնդում է Daily Mail-ը, ԱՄՆ Գերագույն դատարանի համար դժվար կլիներ վիճարկել այս որոշումը իրավական տեսանկյունից։
ԱՄՆ Մինեսոտա նահանգի Մինեապոլիս քաղաքի մերձակայքում փոքր ինքնաթիռը մխրճվել է բնակելի համալիրի մեջ. բոլոր ուղևորները զոհվել են:
Նշվում է, որ ավիավթարի հետևանքով շենքում հրդեհ է բռնկվել։
Դաշնային ավիացիոն վարչության (FAA) ներկայացուցիչը Fox News Digital-ին հաստատել է, որ SOCATA TBM7 ինքնաթիռը վթարի է ենթարկվել Բրուքլին պարկի բնակելի թաղամասում շաբաթ օրը տեղական ժամանակով մոտավորապես ժամը 12:30-ին։ Դեռևս հայտնի չէ, թե քանի հոգի է եղել ինքնաթիռի մեջ:
Ինքնաթիռը օդ է բարձրացել Այովա նահանգի Դե Մոյնսի միջազգային օդանավակայանից և շարժվել դեպի Մինեապոլիսի Անոկա Քաունթի-Բլեյն օդանավակայան: Տեղի ոստիկանությունը հայտնել է, որ շենքում գտնվող մարդկանցից ոչ ոք չի տուժել: Ավիավթարի գոտում բնակչությունը տարհանվել է։
Վիզայի տրամադրումից հետո վիզայի հետ կապված ստուգումները չեն դադարում: Այս մասին հայտնում են Հայաստանում ԱՄՆ դեսպանատնից:
«Մենք շարունակաբար հետևում ենք, որ վիզա ունեցող անձինք թույլ չտան ԱՄՆ օրենքների ու ներգաղթային նորմերի խախտումներ, իսկ խախտման դեպքում նրանց սպասում է վիզայի չեղարկում և արտաքսում»,- նշված է հաղորդագրության մեջ:
Ֆոտո
