Ամփոփվել են արդեն 31/63 տեղամասի արդյունքներ։ Yerkir.am-ի տվյալներով՝ Վարդան Ղուկասյանը ստացել է 38 ձայն, Սարիկ Մինասյանը` 36, Մարտուն Գրիգորյանը` 22, Արտյոմ Ղարաղազարյանը` 10, Լևոն Բարսեղյանը` 7, Կարեն Սիմոնյանը` 9, Ռուբեն Մխիթարյանը` 11, Արտյոմ Թումանյանը` 1, Կարեն Մալխասյանը` 4։

Հարգելի՛ քաղաքացիներ

Փարաքար և Գյումրի համայնքներում, նախնական տվյալներով, քվեարկությանը մասնակցել է ընտրողների 44.61%-ը:

Արմավիրի մարզի Փարաքար և Շիրակի մարզի Գյումրի համայնքների ավագանիների արտահերթ ընտրությունների քվեարկությունը 20:00-ին ավարտվել է:

Արմավիրի մարզի Փարաքար համայնքի ավագանու ընտրություններին մասնակցել է 11526 ընտրական իրավունք ունեցող անձ կամ ընտրողների 54.97%-ը(նախնական տվյալներ):Փարաքարում ընտրական իրավունք ունի 20967 անձ:

Շիրակի մարզի Գյումրի համայնքի ավագանու արտահերթ ընտրություններին մասնակցել է 47452 ընտրող կամ ընտրական իրավունք ունեցող քաղաքացիների 42.66%-ը(նախնական տվյալներ):Գյումրի համայնքում ընտրական իրավունք ունեցող քաղաքացիների թիվը
111236 է:

Երկու համայնքներում միասին քվեարկությանը մասնակցել է 58978 ընտրող կամ ընտրական իրավունք ունեցող քաղաքացիների 44.61%-ը(նախնական տվյալներ):

Ադրբեջանի ՊՆ հաղորդագրությունը, թե իբր մարտի 29-ի երեկոյան և մարտի 30-ի առավոտյան ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։ Հայտնում է ՀՀ ՊՆ-ն։

Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։

Հայաստանի Հանրապետության պաշտպանության նախարարությունը վերահաստատում է, որ ՀՀ վարչապետի աշխատակազմի դիրքորոշմանը համապատասխան՝ պատրաստ է հետաքննել Ադրբեջանի ՊՆ հաղորդագրությունը հիմնավորող փաստերը՝ դրանք ՀՀ-ին փոխանցելու պարագայում։

Թուրքիայում ընդդիմությունը ստորագրահավաք է սկսել Ստամբուլի ազատազրկված քաղաքապետ Իմամօղլուի ազատ արձակման և արտահերթ նախագահական ընտրությունների անցկացման համար:

Այս մասին հայտարարել է ընդդիմադիր Ժողովրդահանրապետական ​​կուսակցության առաջնորդ Օզգուր Օզելը, գրում է Cumhuriyet-ը։

Օզելը, դիմելով իր կողմնակիցներին, հայտարարել է․

«Մեծ անարդարության և զրպարտության արդյունքում նրանք (թուրքական իշխանությունները) մեր ընկերոջը (Էքրեմ Իմամօղլուին) որպես քաղբանտարկյալ են պահում Սիլիվրիի բանտում։ Մենք սկսում ենք Էքրեմ Իմամօղլուի ազատ արձակման եւ արտահերթ ընտրությունների համար ստորագրահավաքի արշավ»։

Թուրքիայում նախագահական ընտրությունները նախատեսված են 2028 թվականին, սակայն ընդդիմությունը պահանջում է արտահերթ ընտրություններ անցկացնել։

Իրանի նախագահ Մասուդ Փեզեշքիանը հայտարարել է, որ Իրանի Իսլամական Հանրապետության պատասխանը ԱՄՆ-ի նախագահի նամակին հասել է Օմանի միջոցով։

Այսօր տեղի ունեցած նիստում նա ասել է․

«Պատասխան նամակում ընդգծվում է, որ Իրանը երբեք չի խուսափել բանակցություններից, և որ միայն պարտավորությունների խախտումն է, որ խնդիրներ է առաջացրել այս ճանապարհին, որը պետք է փոխհատուցվի և վստահությունը վերականգնվի», հայտնում է Irna.ir-ը:

«Պատասխան նամակում թեև մերժվել է երկու կողմերի միջև ուղիղ բանակցությունների հարցը, սակայն նշվել է, որ անուղղակի բանակցությունների ճանապարհը բաց է»,- ասել է Իրանի նախագահը։

Պարզ ասեմ, ԱՄՆ-ն կղզին չի ստանա: «Ռիա Նովոստի»-ի փոխանցմամբ, այս մասին սոցիալական հարթակների իր էջերում գրել է Գրենլանդիայի նոր վարչապետ Յենս-Ֆրեդերիկ Նիլսենը:

«Մենք ուրիշներին չենք պատկանում։ Մենք ինքներս ենք որոշում մեր ապագան: Մենք չպետք է վախենանք Թրամփի հայտարարություններից, այլ պետք է պատասխանենք դրանց հանգիստ, արժանապատվորեն և միասնաբար»,- նշել է նա:

#ՀԻՄԱ. 31/65 ԸՆՏՐԱՏԵՂԱՄԱՍՈՒՄ ՁԱՅՆԵՐԻ ՀԱՇՎԱՐԿԸ ՍԿՍՎԵԼ Է. #ՈՒՂԻՂ

100 տոկոսով վստահ ենք, որ մենք կստանանք Գրենլանդիան։ Այս մասին հայտարարել է ԱՄՆ նախագահ Դոնալդ Թրամփը NBC News-ին տված հարցազրույցում։

«Մենք կստանանք Գրենլանդիան, այո, 100 տոկոսով: Կան լավ հնարավորություններ դա անել առանց ռազմական ուժի, բայց, այնուամենայնիվ, ոչինչ չի բացառվում»,- ասել է նա։

Այն դիտարկմանը, թե ինչ ազդանշան կլինի դա աշխարհի համար, նա պատասխանել է․

«Ես չեմ մտածում դրա մասին: Ինձ դա չի անհանգստացնում: Գրենլանդիան բոլորովին այլ հարց է, խոսքը միջազգային խաղաղության, անվտանգության և ուժի մասին է։ Ռուսաստանի, Չինաստանի և շատ այլ երկրների նավերը նավարկում են Գրենլանդիայի մերձակայքում, ուստի Միացյալ Նահանգները չպետք է թույլ տա, որ ինչ-որ բան տեղի ունենա, որը կվնասի աշխարհին կամ Միացյալ Նահանգներին»,- ընդգծել է նա:

Ընտրախախտումները համատարած են, սա բնորոշ է իշխող ուժի վախերին. Ռուբեն Մխիթարյան. Տեսանյութ

Գյումրու քաղաքապետի թեկնածու Վարդան Ղուկասյանը ֆեյսբուքյան իր էջում տարածել է այս լուսանկարները՝ գրելով. «ՔՊ-ն 3264 ձայն կեղծել է»։