ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ռուսաստանի և Ուկրաինայի պատվիրակությունների միջև Ստամբուլում բանակցային գործընթացի շարունակությունը չի բացառվում։ Շատ հնարավոր է, որ սա հանդիպումների շարք լինի, ՌԻԱ Նովոստիին ասել է Թուրքիայի իշխող «Արդարություն և զարգացում» կուսակցության (AKP) արտաքին հարաբերությունների բաժնի ղեկավարի տեղակալ Իբրահիմ Հալիլ Քորքմազը։
«Միանգամայն հնարավոր է, որ բանակցություններից հետո համաձայնության հասնենք գործընթացը շարունակելու շուրջ՝ հակամարտությանը վերջ դնելու նպատակով, լինի երկրորդ, երրորդ հանդիպում։ «Չի կարելի բացառել, ամեն ինչ կախված կլինի (մայիսի 15-ի առաջին հնարավոր հանդիպման արդյունքներից - խմբ.)», - ասել է գործակալության աղբյուրը՝ պատասխանելով այն հարցին, թե որքանով է հավանական, որ մայիսի 15-ին Ստամբուլում հնարավոր հանդիպումը վերջինը չի լինի։
Ռուսաստանի նախագահ Վլադիմիր Պուտինը նախկինում առաջարկել էր Ուկրաինային վերսկսել առանց նախապայմանների ուղիղ բանակցությունները Ստամբուլում մայիսի 15-ին։
Նա չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի վերաբերյալ։
Ավելի ուշ, Ուկրաինայի նախագահ Վլադիմիր Զելենսկին, ԱՄՆ նախագահ Դոնալդ Թրամփի կոչից հետո, հայտարարել է, որ մայիսի 15-ին կսպասի Պուտինին Ստամբուլում։
Բանակցություններին կմասնակցեն նաև ԱՄՆ հատուկ դեսպանորդներ Սթիվ Ուիթկոֆը և Քիթ Քելլոգը, ինչպես նաև պետքարտուղար Մարկո Ռուբիոն։
ԱՄՆ նախագահ Դոնալդ Թրամփը Fox News-ին տված հարցազրույցում ասել է, որ «ամբողջովին կողմ է Իրանին», միաժամանակ նշելով, որ երկիրը «չի դառնա միջուկային տերություն»։
«Նրանք միջուկային տերություն չեն լինի։ Թույլ տվեք պարզապես բացատրել։ Ես լիովին կողմ եմ Իրանին։ Ես ուզում եմ, որ նրանք ունենան հիանալի երկիր և շատ փող աշխատեն», - ասել է Թրամփը։
Թրամփի հայտարարությունը հնչում է Իրանի և Միացյալ Նահանգների միջև միջուկային կարևոր բանակցությունների ֆոնին։ Շաբաթավերջին տեղի ունեցած բանակցությունները նպատակ ունեին լուծել Թեհրանի միջուկային ծրագրի հարցը և վերացնել պատժամիջոցները։
Այն, որ դրանք ընդհանրապես տեղի են ունենում, որոշակի առաջընթաց է. սրանք երկու երկրների միջև վերջին տարիներին ամենաբարձր մակարդակի բանակցություններն են, սակայն կայուն առաջընթացի քիչ նշաններ կան։ Երկու կողմերն էլ պատրաստակամություն են հայտնել լուծել իրենց տարաձայնությունները դիվանագիտական ճանապարհով։
Կենտրոնական հարցը մնում է Իրանի պահանջը՝ շարունակել ուրանի հարստացումը իր միջուկային ծրագրի համար, որը Թեհրանը պնդում է, որ խաղաղ բնույթ է կրում, ինչը ԱՄՆ-ն անվանում է «կարմիր գիծ»։
Այս շաբաթ Մերձավոր Արևելքում գտնվող Թրամփը սպառնացել է, որ Միացյալ Նահանգները, Իսրայելի օգնությամբ, ռազմական հարվածներ կհասցնի Իրանի միջուկային օբյեկտներին, եթե Թեհրանը չկարողանա համաձայնության գալ իր զրուցակիցների հետ։
ԱՄՆ նախագահ Թրամփը հայտարարել է, որ Էրդողանի հետ շփումներից հետո որոշում է կայացրել վերացնել Սիրիայի նկատմամբ բոլոր պատժամիջոցները։
Պետքարտուղար Ռուբիոն այս շաբաթ Թուրքիայում կհանդիպի Սիրիայի արտգործնախարարի հետ։
«Թուրքիան այսօր» լրատվական ալիք | @turkey2day
Վիրաբույժ Մանուել Սանս Սեգարան ասել է, որ սթրեսը ներկայումս համարվում է բազմաթիվ հիվանդությունների հիմնական պատճառներից մեկը։ Նա El Español-ին տված հարցազրույցում բացահայտել է սթրեսի վտանգավոր հետեւանքները։
Ինչպես նշել է Սեգարան, գիտնականներն ապացուցել են, որ ընդամենը մեկ րոպե սթրեսը վեց ժամվա ընթացքում խաթարում է իմունային համակարգի աշխատանքը։
«Սա այս վիճակում գտնվող մարդկանց նախատրամադրում է վարակների, աուտոիմուն հիվանդությունների և քաղցկեղի»,- shantnews-ի փոխանցմամբ՝ բացատրել է բժիշկը:
Բժշկի խոսքով, երբ մարդը հայտնվում է սթրեսային իրավիճակի մեջ, նրա օրգանիզմում արտադրվում է կորտիզոլ և ադրենալին, ինչը նորմալ է, քանի որ սա կոնկրետ վտանգի արձագանքման մեխանիզմ է։ Այնուամենայնիվ, այս հորմոնների մշտական արտազատումը հղի է սրտի ռիթմի խանգարումներով, նյութափոխանակության և մարսողության հետ կապված խնդիրներով, անքնությամբ և անհանգստությամբ, արյան ճնշման բարձրացմամբ և հիշողության վատթարացմամբ:
Ադրբեջանի ՊՆ հաղորդագրությունը, թե իբր մայիսի 13-ին՝ ժամը 20:45-21։30-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։
Այս մասին հայտնում են ՀՀ ՊՆ-ից։
Ռուսական պատվիրակությունը մայիսի 15-ին Ստամբուլում կսպասի ուկրաինականին, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մեր պատվիրակությունը կլինի այնտեղ և կսպասի ուկրաինական կողմին», - ասել է նա «Ռոսիա 1» հեռուստաալիքի «Մոսկվա․ Կրեմլ․ Պուտին» հաղորդման հաղորդավար Պավել Զարուբինին։
Euromedia24-ի տեղեկություններով, Ստամբուլում կկայանա ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի հանդիպումը։
Ըստ տեղեկությունների արդեն Ստամբուլ են ժամանել երկու երկրների նախագահների աշխատակազմերի ներկայացուցիչները, այդ թվում ԱՄՆ պետքարտուղար Մարկո Ռուբիոն, Ուկրաինայի հարցերով հատուկ դեսպանորդ Քիթ Քելլոգը և Մերձավոր Արևելքի հարցերով հատուկ դեսպանորդ Սթիվ Ուիտկոֆը։ Իսկ ռուսական կողմը, ինչպես հայտնի է, դեռևս չի հրապարակել իր պատվիրակության կազմը։
«Կրեմլը կհայտարարի Ստամբուլում կայանալիք բանակցությունների համար ռուսական պատվիրակության կազմը, հենց որ նախագահը անհրաժեշտ համարի»- հայտարարել էր ՌԴ նախագահի մամուլի քարտուղար Դմիտրի Պեսկովը։
Միացյալ Նահանգները պատրաստ է շարունակել բարելավել հարաբերությունները Իրանի հետ, չնայած այն հանգամանքին, որ դատապարտում է Թեհրանի գործողությունները, որոնք անցյալում «հանգեցրել են ճգնաժամի ամբողջ տարածաշրջանում», երեքշաբթի օրը Սաուդյան Արաբիայում կայացած ֆորումի ժամանակ հայտարարել է ԱՄՆ նախագահ Դոնալդ Թրամփը։
«Ես ուզում եմ գործարք կնքել Իրանի հետ։ Եթե մենք կարողանանք դա անել, ես շատ ուրախ կլինեմ, Մերձավոր Արևելքը և աշխարհը կդառնան ավելի անվտանգ վայր։ Ես բազմիցս արտահայտել եմ իմ հանձնառությունը՝ վերջ դնելու անցյալի հակամարտություններին և կառուցելու նոր գործընկերություններ՝ ավելի լավ և ավելի կայուն աշխարհի համար, նույնիսկ եթե մեր տարաձայնությունները կարող են խորը լինել», - ասել է Թրամփը։
Սակայն, եթե Իրանի ղեկավարությունը չհամաձայնվի, Միացյալ Նահանգները այլընտրանք չի ունենա, քան շարունակել առավելագույն ճնշման քաղաքականությունը և ձգտել իրանական նավթի արտահանումը զրոյի հասցնել, նշել է ամերիկացի առաջնորդը։
Ուկրաինայի նախագահ Վլադիմիր Զելենսկին հայտարարել է, որ Ռուսաստանի նախագահ Վլադիմիր Պուտինը վախենում է իր հետ ուղիղ բանակցություններից։
Ուկրաինայի նախագահը հիշեցրել է, որ մարտի 11-ին Ուկրաինան լիովին պաշտպանել է ԱՄՆ-ի առաջարկը Սաուդյան Արաբիայում կայացած հանդիպման ժամանակ՝ կապված ամբողջական անվերապահ զինադադարի հետ, քանի որ Ուկրաինան ձգտում է վերջ տալ պատերազմին։
Միաժամանակ, ինչպես նշել է նախագահը, այս առաջարկը բանակցային հարթակում ուժի մեջ է արդեն 63 օր։
«Ես դա բազմիցս ասել եմ նախագահ Թրամփին: Կարծում եմ, որ Պուտինը չի ցանկանում, որ պատերազմը ավարտվի, չի ցանկանում հրադադար լինի, չի ցանկանում բանակցություններ: Ես նույնիսկ չեմ նշում, որ նա վախենում է ինձ հետ ուղիղ բանակցություններից»,- ընդգծել է Զելենսկին։
ԱՄՆ-ը և Սաուդյան Արաբիան ստորագրել են պատմության մեջ ամենամեծ գործարքը. սաուդցիները 600 միլիարդ դոլար կներդնեն ԱՄՆ տնտեսության մեջ
Մայիսի 13, 2025ԱՄՆ նախագահ Դոնալդ Թրամփը փաստաթղթեր է ստորագրել ԱՄՆ տնտեսության մեջ Սաուդյան Արաբիայի 600 միլիարդ դոլարի ներդրման վերաբերյալ։
Փաստաթղթերը ստորագրվել են այսօր Էր-Ռիադում և «ներկայացնում են երկրների միջև գործընկերության նոր ոսկե դարաշրջանը» , հայտնել են Սպիտակ տանը:
Համաձայնագրերը ներառում են ներդրումներ ԱՄՆ էներգետիկ ենթակառուցվածքներում և առողջապահական ծրագրերում։
Բացի այդ, ԱՄՆ-ը և Սաուդյան Արաբիան ստորագրել են 142 միլիարդ դոլար արժողությամբ ռազմական համագործակցության մեծ համաձայնագիր, որը նախատեսում է ամերիկյան արտադրության ժամանակակից սպառազինությունների և սարքավորումների մատակարարում Էր-Ռիադին, ինչպես նաև Սաուդյան Արաբիայի զինված ուժերի ուսուցում և աջակցություն:
Ֆոտո
