Իրանը համաձայնել է ԱՄՆ-ի հետ միջուկային բանակցությունների նոր փուլ անցկացնել
Իրանը համաձայնել է Օմանում ԱՄՆ-ի հետ միջուկային բանակցությունների ավելի վաղ հետաձգված չորրորդ փուլը անցկացնելուն։ Այս մասին հայտնում է Tasnim լրատվական գործակալությունը։
Լրատվամիջոցը նշում է, որ այս տեղեկությունը հաստատել է իրանական բանակցային թիմի անդամը։
Ավելի վաղ հաղորդվել էր, որ Իրանի և ԱՄՆ պատվիրակությունների միջև բանակցությունների չորրորդ փուլը՝ նվիրված Թեհրանի միջուկային ծրագրի շուրջ տարաձայնությունների լուծմանը, տեղի կունենա մայիսի 11-ին Օմանի Մասկատ քաղաքում։
Հիշեցնենք, որ ապրիլի 26-ին ավարտվեց ԱՄՆ-ի և Իրանի միջև միջուկային ծրագրի և Թեհրանի դեմ պատժամիջոցների չեղարկման շուրջ բանակցությունների երրորդ փուլը։ Ամերիկյան պատվիրակությունը գլխավորում էր նախագահ Դոնալդ Թրամփի հատուկ բանագնաց Սթիվեն Վիտկոֆը, իսկ Իրանի պատվիրակությունը՝ արտգործնախարար Աբբաս Արաղչին։ Ըստ Օմանի ԱԳՆ-ի՝ կողմերը քննարկել են համաձայնագիր, որը կենթադրի Իրանի ամբողջական հրաժարում միջուկային զենքի արտադրությունից՝ պատժամիջոցների վերացման դիմաց՝ պահպանելով խաղաղ միջուկային էներգիան զարգացնելու Թեհրանի իրավունքը։
Latest from ArmNews
- Մոսկվայից վերադառնալուց հետո Փաշինյանն Աննա Հակոբյանի հետ ինքնաթիռով մեկնել է Սյունիք
- Ադրբեջանը կմասնակցի Թուրքիայում կայանալիք զորավարժություններին
- «Մեզ Իսրայելի թույլտվությունը պետք չէ հուսիթների հետ համաձայնության հասնելու համար». ԱՄՆ դեսպան
- Պեսկովը՝ 30-օրյա հրադադարի մասին
- Ուկրաինայում արգելափակել են Արեստովիչի YouTube-յան ալիքը
- Կրակն ենք ընկել «ապօրինի գույքի» ձեռը. «Հրապարակ»
- Առեղծվածային դեպք՝ Երևանում. Սարալանջի փողոցում՝ քարերի և երկաթե խոովակների արանքում հայտնաբերվել է 18–ամյա մի երիտասարդ
- Ֆրանսիայի, Լեհաստանի, Գերմանիայի և Մեծ Բրիտանիայի ղեկավարները ժամանել են Ուկրաինա
Լրահոս
Ֆոտո
