Իսրայելի պաշտպանության ուժերը հաստատել են, որ հարվածներ են հասցրել Եմենի մայրաքաղաքի օդանավակայանին և երկրի էներգետիկ ենթակառուցվածքների օբյեկտներին։ Իսրայելի պաշտպանության բանակի մամուլի խոսնակի գրասենյակը հարձակումները որակել է` որպես Իսրայելի Բեն Գուրիոն օդանավակայանի մոտակայքում հրթիռի ընկնելու միջադեպի պատասխան։
«Որոշ ժամանակ առաջ Իսրայելի պաշտպանության բանակի կործանիչները հարվածներ են հասցրել Սանայի գլխավոր օդանավակայանում հութիների ահաբեկչական ենթակառուցվածքներին և ոչնչացրել այն՝ ամբողջությամբ շարքից հանելով օդանավակայանը»,- ասվում է Իսրայելի պաշտպանության բանակի պաշտոնական Telegram ալիքում տեղադրված հաղորդագրության մեջ։
Իսրայելական կողմի պնդմամբ՝ հուսթիների ռեժիմը պարբերաբար օգտագործել է օդանավակայանը զենք և զինյալներ տեղափոխելու համար։
Իսրայելի բանակի հայտարարության մեջ նաև ասվում է, որ նրանք հարձակվել են Եմենում գտնվող մի քանի էլեկտրակայանների վրա։ Մասնավորապես, հաղորդագրություններ են ստացվել Դահբանի կենտրոնական էլեկտրակայանի և Ամրան նահանգում գտնվող ցեմենտի գործարանի վրա հարվածների մասին։ Իսրայելական կողմը պնդում է, որ գործարանն օգտագործվում է հուսթիների կողմից ստորգետնյա թունելներ և այլ ենթակառուցվածքներ կառուցելու համար։
Latest from ArmNews
- Հարձակումից առաջ ԱՄՆ-ն կապ է հաստատել Իրանի հետ
- Սաուդյան Արաբիան դատապարտում է ԱՄՆ-ի հարվածները Իրանին
- Իրանի միջուկային օբյեկտներից դուրս ճառագայթման մակարդակի աճ չի արձանագրվել. Ատոմային էներգիայի միջազգային գործակալություն
- «Մեր ռազմական պատասխանը մոտենում է. առաջին փուլը կլինի Կարմիր ծովում գտնվող ամերիկյան ուժերի վրա հարձակվելը». Եմեն
- Երկրաշարժ՝ Իրանում
- Զվարթնոց տաճարից Էջմիածին գնացող ուխտավորների երթը՝ ուղիղ միացմամբ
- Հնարավոր է մեծ բազմությամբ ավելի շուտ հասնենք իմփիչմենթի, մեր սկսած գործը տանելու ենք մինչև հաղթանակ. Դավիթ Համբարձումյան
- Իրանն առաջին անգամ Իսրայելի դեմ օգտագործել է «Խեյբար Շեկան» բալիստիկ հրթիռ
Լրահոս
Ֆոտո
