Նյու Յորքը զբաղեցրել է առաջին, Մոսկվան՝ երկրորդ տեղը միլիարդատերերի թվով. Forbes
Աշխարհում ամենաշատ միլիարդատերերն ապրում են Նյու Յորքում։ Այդ ցուցանիշով երկրորդ հորիզոնականում է Մոսկվան, երրորդում՝ Հոնկոնգը։ ՏԱՍՍ-ի փոխանցմամբ՝ վարկանիշային աղյուսակը հրապարակել է Forbes հանդեսը։
Առաջին տեղը զբաղեցնող Նյու Յորքն ունի 123 միլիարդատեր, նրանց թիվը մեկ տարվա ընթացքում ավելացել է 13-ով։ Նյու Յորքի նախկին քաղաքապետ, գործարար և բարերար Մայքլ Բլումբերգը քաղաքի ամենահարուստ բնակիչն է, նրա կարողությունը կազմում է 105 միլիարդ դոլար։
Ըստ հանդեսի տվյալների՝ Ռուսաստանի մայրաքաղաքում ներկայում ապրում է 90 միլիարդատեր։ Նրանց թիվը մեկ տարվա ընթացքում ավելացել է 16-ով։ Նրանց ընդհանուր կարողությունը գնահատվում է 409 միլիարդ դոլար։ Ռուսաստանցի գործարարների թվում առաջատարը մնում է «Լուկօյլ»-ի հիմնադիր Վագիտ Ալեքպերովը, որի կարողությունը մեկ տարվա ընթացքում աճել է մինչև 28,7 միլիարդ դոլար։
Առաջատարների եռյակը եզրափակում է Հոնկոնգը, որտեղ ապրում է 72 միլիարդատեր։ Նրանց թիվը քաղաքում մեկ տարվա ընթացքում նվազել է երկուսով։ Նշվում է, որ Հոնկոնգը 2024 թվականին զբաղեցրել է երկրորդ տեղը, որը կիսել է Մոսկվայի հետ։
Չորրորդ տեղում Լոնդոնն է, հինգերորդը՝ Պեկինը, վեցերորդը՝ Մումբայը, իսկ յոթերորդը՝ Սինգապուրը: Շանհայը և Սան Ֆրանցիսկոն կիսում են ութերորդ հորիզոնականը, տասներորդ տեղում Լոս Անջելեսն է:
Latest from ArmNews
- Ինչպես կպատասխանի Իրանը ԱՄՆ-ին. մանրամասներ
- Իսրայելը Թեհրանի վրա հարվածներ հասցնելու նպատակով օգտագործել է Ադրբեջանի օդային տարածքը
- Ամերիկյան հրթիռի Ֆորդոյին հարվածելու վայրից առաջին կադրերը
- Պուտին-Թրամփ հեռախոսազրույց նախատեսված չէ․ Ուշակով
- Թեհրանն այս պահին ռմբակոծվում է Իսրայելի ռազմաօդային ուժերի կողմից․ Տեսանյութ
- «Արաղչին Պուտինին կհանձնի Խամենեիի՝ աջակցության խնդրանքով նամակը». #Reuters
- Հարձակումները նպատակ ունեն վարկաբեկել հայ Եկեղեցուն. Մայր Աթոռում տեղի է ունեցել 9-րդ միաբանական համագումարը
- ԱՄՆ-ը տասնամյակներ շարունակ ապակայունացնում է մի շարք տարածաշրջաններ. ՄԱԿ-ում Իրանի ներկայացուցիչ
Լրահոս
Ֆոտո
